रोमी 2:3 - ह्योल्‍मो

³ ए रो़ह, ख्‍येगी दि ल़ेहमु ल़ेह पेहकेनया़ला फातुर च़ूगे ओहले राहङगीॱआङ ओ़ह ल़ेहराङ पेहसीनमाना, च्‍यि ख्‍ये किन्‍ज्‍योगी ताङ नाङगेन्‍गी ठिमलेगी थार ख़ूएँ म़ेदी ने़उ दु?

रोमी 2:3 ပူးပေါင်းရင်းမြစ်များ

मत्ती 23:33

“ए प्रुहलया़ दाङ तू़हस्‍याङ प्रुहलगी छार्क्‍यीनया़! ख्‍याया़ काहन्‍डुमु पेहती ङ्याल्‍वागी मेहलेगी थार ख़ूएँ म़ेदी रेहवा पेहकें?

मत्ती 26:53

ङाहगी लाङबा यिहनानी ङाहगी याहपगी ङाहला नाहरेराङ ॱठि दाङ ठिले माहङा स्‍यिहङगामगी स्‍याहप्‍च्‍यीया़ ताङ नाङज्‍ये येहकें। च्‍यि ख्‍येगी दि ओहङ मी़हखुएँ म़ेदी साम्‍लु क्‍येउ दुबा?

लूका 12:14

ओहले येशूगी, “नो़ह, ख्‍यागी फास्‍यी कोहज्‍येला ङाहला सुगी दि ओङ तेर्पा?” म़ेदी सुङ नाङसीन।

लूका 22:58

याहम्‍बीज्‍यी तिङले लेहमेन मिह च्‍यी़गीॱआङ पत्रुसला थोङदी, “ख्‍येॱआङ खुङ नाहङदीॱराङ मिह यिहम्‍बा!” म़ेदी मासीन। “मिहम्‍बा आदा, ङाहनी मिहम्‍बा!” म़ेदी पत्रुसगी ताम फ्रुक प्रू़दे मासीन।

लूका 22:60

“आदा, ख्‍येगी च्‍यिगी तेहन्‍दाला ताम माउ येहबा, ङाहगीनी ङोह मे़हस्‍ये दु!” म़ेदी पत्रुसगी माएँ माएँराङ च्‍याहबुॱआङ क़े तेन्‍सीन।

रोमी 1:32

दि ल़ेहमु ल़ेह पेहकेन मिहया़ स्‍यिज्‍ये सी़हएँदी ओहङगे माएँदी किन्‍ज्‍योकी छ्य़े-ठिम ङोह स्‍य़ेदी स्‍य़ेदीॱआङ खुङगी दि ल़ेहमु ल़ेहया़ च्‍यी़राङ पेहकें मिहम्‍बा, यिहॱनाङ दि ल़ेहमु ल़ेह पेहकें मिहया़ ङ्याम्‍बु निङ थाक्‍पा यिहन्‍ज्‍युराङ डी़गे।

रोमी 2:1

ओ़ह सोङबे लेहमेनला फातुर च़ूगे ए रो़ह, ख्‍ये सु यिहॱनाङ, ख्‍येला तेलेन तेन्‍गे ग्‍या़ॱराङ म़ेह, च्‍यिबेमाना ख्‍येगी लेहमेनला च्‍यि तामला फातुर च़ूगे, ओ़ह तामलाॱराङ ख्‍येॱलाङ ङ्य़ेहबा फो़ज्‍ये येह, च्‍यिबेमाना ख्‍ये फातुर च़ूगेन्‍दीगीॱआङ ओ़ह ल़ेहराङ पेहकें।

रोमी 2:2

दि ल़ेहमु ल़ेह पेहकेन मिहया़ला किन्‍ज्‍योगीॱआङ तेहन्‍दामला ते़बे ङ्य़ेहबा काल्‍दी ठिम ताङ नाङज्‍ये येह।

रोमी 9:20

यिहॱनाङ मिह काहल्‍दी किन्‍ज्‍योला ल़ेहन क्‍याहप्‍के ख्‍ये सु यिहम्‍बा? सासाकी नेक्‍यीगी “ङाहला च्‍यिबे दि ल़ेहमु ज़ोक्‍यो?” म़ेदीमाॱराङ ज़ोएँ मिहला टी़ह ख़ूएँ ले?

१ थेसलोनिकी 5:3

ओहले मिहया़गी “थाम्‍ज्‍यी ग्‍या़या़ला स्‍य़िहदे येह, ओहले ओहराङला च्‍यि से़हदीॱआङ ज्‍यिक्‍पा म़ेह” म़ेदी म़े तेहकेमु ओ़ह ती़हजीलाराङ याहङमे-याहङला पी़हमी-पेहजाला पेहजा क्‍येएँमु नाहजा क्‍याहप्‍क्‍यो ल़ेहमुराङ खुङया़ थो़ला तुहक्‍पु बाप ओहङज्‍ये येह ओहले खुङया़ सुॱआङ थार ख़ूज्‍ये म़ेह।

हिब्रू 12:25

जेम्‍बु पेह, ख्‍या ङ्याम्‍बु स्‍याहल सुङ नाङगे सुङ-क़ेला मा-लोक माहबे। च्‍यिबेमाना दि जाम्‍बुलीङला ज्‍यी़-ङोर नाङगेन्‍दीला मा-लोक पेहकेनया़ थार मा़हखु मासीमाना स्‍यिहङगामले माहर ज्‍यी़-ङोर नाङगेन्‍दीला मा-लोक पेहसीमाना ओहराङ काह-ठि पेहती थार ख़ूज्‍ये ले?

हिब्रू 2:3

देजे छ्यिम्‍बु थार्पाला नोम्‍साङ मेहताङसीमानानी जेन काह-ठि पेहती ओहराङ थार ख़ूज्‍ये ले? दि थार्पा तोहङस्‍यो चो़वोगीॱराङ प्रा साल नाङसीन। मिहरोगी प्रा साल नाङग्‍योकी लुहङ ङ्यिहन्‍गेया़गी दि तेहम्‍बा यिहन म़ेदी ङ्यिहला पाङबु तेर्सीन।