रोमी 2:27 - ह्योल्‍मो

²⁷ स्‍या-ताक माहबेबाया़गी ख्‍या स्‍या-ताक पेहक्‍यो यहूदीया़ला क्‍येन केन्‍ज्‍ये येह च्‍यिबेमाना ख्‍या ङ्याम्‍बु प्रुहक्‍योकी छ्य़े-ठिम येहकें यिहॱनाङ ख्‍यागी ओ़ह मा़हची ओहले लेहमेन क्‍यिहपाकी मिहया़गी स्‍या-ताक माहबेबा येहकें यिहॱनाङ खुङगी छ्य़े-ठिम ची़सीन।

रोमी 2:27 ပူးပေါင်းရင်းမြစ်များ

मत्ती 3:15

यिहॱनाङ येशूगी खोला सुङ नाङसीन, “ताहन्‍दागी ती़हजीला दि रोहवाॱराङ डोज्‍यु, किन्‍ज्‍योगी थुला ठुङग्‍यो ल़ेहमुराङ तेहन्‍दा डुप च्‍य़ूज्‍येला ओहराङगी नाहरे दि ल़ेहमुराङ पेह कोहकें।” ओहले येशूगी दि स्‍याहल ङ्यिहन्‍दी यूहन्‍नागी येशूला बप्‍तिस्‍मा तेर्सीन।

ल़ेह-पेन 13:22

किन्‍ज्‍योगी खोला तेन नाङ फान्‍ज्‍यो दाऊदला क्‍याहल्‍बु ज़ो नाङसीन। दाऊदगी तेहन्‍दाला किन्‍ज्‍योगी दि ल़ेहमु सुङ नाङदी येह, ‘ङाहगी यिशैगी पुह दाऊदला ङाहगी सेमगी ने़जेबा मिह ज्‍योर्सीन, ता़ह खोगी ङाहगी सेमला ने़जेबा ल़ेहमु ल़ेहया़ थाम्‍ज्‍यीराङ पेहच्‍ये येह।’

रोमी 13:10

चेवा पेहकेन्‍दीगी राहङ टोहङरोला चोक्‍पा मेहबेकें। ओ़ह सोङबे चेवा पेहकें माक्‍योदीॱराङ छ्य़े-ठिम छाङबु पेहक्‍यो यिहम्‍बा।

रोमी 2:15

छ्य़े-ठिमला येहकेन्‍की तामया़ खुङ राहङगी सेमला प्रुहक्‍यो येहबा म़ेदी खुङ राहङगी डोलु तेहलुगीॱराङ तेन्‍गे। ओ़ह सोङबे खुङगी नावागी नाहम राहङला फातुर च्‍य़ूगे, नाहम टाहङबु यिहन म़ेदी तेन्‍गे।

रोमी 2:20

ओहले ख्‍येगी उल्‍दुम्‍बाया़ला लोप्‍ताम क्‍याहप ख़ूएँ ओहले च्‍यिॱआङ मे़हस्‍येगेनया़ला लोप्‍च्‍युङ तेर ख़ूएँ, च्‍यिबेमाना ख्‍येगी छ्य़े-ठिम लाहमले थाम्‍ज्‍यी येहन्‍देन दाङ तेहन्‍दाम ङोह स्‍य़े सिहन्‍दी येह।

रोमी 2:25

का़हलेॱआङ ख्‍येगी छ्य़े-ठिम ची़सीमाना स्‍या-ताक पेहक्‍यो ठाबेराङ यिहम्‍बा, यिहॱनाङ ख्‍येगी छ्य़े-ठिम मी़हचीसीमानाती ख्‍येगी स्‍या-ताक पेहक्‍यो यिहॱनाङ ओ़हला च्‍यिॱआङ ख्‍येप्‍साङ म़ेह।

रोमी 2:26

का़हलेॱआङ स्‍या-ताक माहबेबा मिहगी छ्य़े-ठिम ची़सीमाना च्‍यि खो किन्‍ज्‍योकी दिनला स्‍या-ताक पेहक्‍यो मिह ङ्याम्‍बा माहकाहल ले?

रोमी 2:29

नाहङ ज़ोप्‍तागी च्‍यी़राङ तेहन्‍दामकी यहूदी ओहङ ख़ूएँ, ओहले तेहन्‍दामकी स्‍या-ताकती सेम नाहङगी ताम यिहम्‍बा, दि यिहक्‍तेन ताम यिहम्‍बा, प्रुहक्‍यो छ्य़े-ठिमकी ताम मिहम्‍बा। दि ल़ेहमु मिहला मिहया़गी मिहम्‍बा किन्‍ज्‍योगी च्‍यी़राङ या़हबु सुङदी क्‍या़ नाङगे।

रोमी 3:30

च्‍यिबेमाना किन्‍ज्‍योनी च्‍यिमे च्‍यी़राङ ज़्‍य़ू नाङदी येहबा। मिहरोगी यहूदीया़ला खुङया़गी तेहपा लाहमले टाहङबु सी़ह च्‍य़ू नाङगे ओहले लेहमेन क्‍यिहपाकी मिहया़लाॱआङ खुङया़गी तेहपा लाहमलेॱराङ टाहङबु सी़ह च्‍य़ू नाङगे।

रोमी 8:4

ज़ुबु लाहमले पेहकेन तिहक्‍पाकी पेहताङया़ खुर्ती मिहम्‍बा यिहॱनाङ नाम्‍पार-ताहक्‍पा थु लाहमले मिहजी ताङगेया़गी तेहन्‍दाला छ्य़े-ठिमगी जे नाङज्‍ये जेक्‍योकी छ्या़ले ता़ह तेहन्‍दा डुप्‍ती येह।

१ कोरिन्‍थी 7:19

च्‍यिबेमाना स्‍या-ताक पेहकें दाङ स्‍या-ताक मेहपेहकेला च्‍यिॱआङ ख्‍येपार म़ेह, यिहॱनाङ किन्‍ज्‍योगी का ङ्यिहन्‍गेन्‍दी थाम्‍ज्‍यी म़ेदी चा़ छ्यिम्‍बु यिहम्‍बा।

२ कोरिन्‍थी 3:6

साम्‍बा ताहम्‍ज्‍याला स्‍याहप्‍तो स्‍युहएँगी मिहया़ डोज्‍येला मिहरोगी ङ्यिहला सी़हएँगी मिहया़ ज़ो नाङसीन, प्रुहक्‍योगी यिहगीला मिहम्‍बा, यिहॱनाङ थुला। च्‍यिबेमाना प्रुहक्‍योगी यिहगीगीनी सेकें, यिहॱनाङ थुगीनी मिहली नाङगे।

गलाती 5:14

च्‍यिबेमाना थाम्‍ज्‍यी छ्य़े-ठिम, च्‍यिमी च्‍यी़राङ सुङला छाङबु काहल्‍दी येह, “ख्‍येगी राहङ ख्‍यिम्‍जीला राहङला ल़ेहमुराङ चेवा पेहतोङ।”

एफिसी 2:11

लेहमा च्‍यी़ ख्‍याया़ काह-ठि येहकें ओ़ह टेहम्‍बा साल्‍दोङ। मिहगी लाहक्‍पा लाहमले स्‍या-ताक ज़्‍योरक्‍यो यहूदीया़गी ख्‍याला स्‍या-ताक माहबेबाकी मिह म़ेदी माउ येहकें।

२ तिमोथी 3:15

ख्‍येगी फेमा यिहन्‍ज्‍युराङ नाम्‍पार-ताहक्‍पा छ्य़ेगी स्‍याहलया़ ङोह स्‍य़ेदीॱराङ येहबा। दि स्‍याहलया़गी मास्‍यीका येशूला तेहपा पेहकेमु ज्‍योर्केन्‍गी थार्पाकी तेहन्‍दाला ङोह स्‍य़े ख़ूएँगी येहन्‍देन तेर्के।

हिब्रू 11:3

तेहपा लाहमलेॱराङ ओहराङगी ह्‍अ कोह ख़ूएँ किन्‍ज्‍योगी सुङ लाहमले जाम्‍बुलीङ रेबेॱराङ छ्या़ च्‍य़ू नाङसीन ओहले मिहरोगीॱराङ थोङगेन से़हया़, मेहथोङगेन से़हया़ लाहमले छ्या़ च्‍य़ू नाङसीन।