रोमी 2:19 - ह्योल्‍मो

¹⁹ मी़ मेहथोङगेनया़ला ठीकेन्‍गी मिह दाङ ना़-जुबेला येहकेनया़की येहसेर ङाहराङ यिहन म़ेदी ख्‍येला तेहम्‍बाराङ क्‍यी़ह येह।

रोमी 2:19 ပူးပေါင်းရင်းမြစ်များ

मत्ती 15:14

खुङया़ला च्‍योल्‍दो माहतेन, खुङया़नी मी़ मेहथोङगेन गोबाया़ यिहम्‍बा। मी़ मेहथोङगेन मिहगी राहङसा मी़ मेहथोङगेन मिहला ठिसीमानानी, ङ्यिकाराङ ओमला छ्यिकें।”

मत्ती 4:16

ना़-जुबेला तेहकेन मिहया़गी क्‍या-साङे छ्यिम्‍बुज्‍यी थोङज्‍ये येह। स्‍यिवा दाङ ना़-जुबेला छ्यिक्‍योया़, ख्‍याया़ थो़ला क्‍या-साङे येहसेर छ्यिम्‍बुज्‍यी क्‍याहप्‍च्‍ये येह।”

मत्ती 5:14

“ख्‍याया़ जाम्‍बुलीङगी येहसेर यिहम्‍बा। काहङदोला ज़ोक्‍योगी क्‍याहसा यिहप मी़हखुएँ।

मत्ती 6:23

यिहॱनाङ का़हलेॱआङ ख्‍येगी मी़ साल्‍बु मे़हसीमाना ज़ुबु थाम्‍ज्‍यीराङ ना़-जुबे ओहङगे। ओ़ह ल़ेहमुराङ ख्‍येगी सेमला येहकेन्‍गी क्‍या-साङेदी ना़-जुबे डोसीमाना तोहरोङ ओ़हदी काहजे माहङबु ना़-जुबे डोवा!”

मर्कूस 10:15

तेहम्‍बाराङ ङाह ख्‍याला माएँ, किन्‍ज्‍योगी क्‍याहल्‍सीला फेमा पेहजाया़गी ल़ेहमुराङ पेहती ख़े-माहलेहन थु सुॱआङ ओ़ह नाहङला स्‍य़ूह ङ्युहङज्‍ये म़ेह।”

लूका 1:79

ओहले ना़-जुबेला तेहकेन दाङ स्‍यिवागी टिहप्‍साला तेहकेया़गी क्‍या-साङे ज्‍योर्च्‍ये येह, ओहले ओ़ह क्‍या-साङेगी ओहराङला स्‍य़िहदेगी लाहमला ठिती ख्‍येर्च्‍ये येह।”

यूहन्‍ना 9:34

खुङया़गी खोला ल़ेहन क्‍याहप्‍ती मासीन, “ख्‍येनी तेहम्‍बाराङ तिहक्‍पाला क्‍येक्‍यो यिहम्‍बा, ओहले च्‍यि ताहन्‍दा ख्‍ये ङ्यिहला लोप्‍च्‍ये छोल्‍गे?” म़ेदी खुङया़गी खोला फिला तेन चाहङसीन।

ल़ेह-पेन 26:18

‘ख्‍येगी खुङया़गी मी़ खा फ़ेदी खुङया़ला ना़-जुबेलेगी क्‍या-साङेला ओहले ती़ह गो-छ्येवागी ओङलेगी किन्‍ज्‍यो ङो़ले लोह च्‍य़ू कोहएँ ओहले खुङया़गी ङाहला तेहपा पेहच्‍ये येह ओहले खुङया़गी तिहक्‍पा ता़हज्‍ये येह ओहले खुङया़गी किन्‍ज्‍योगी दाम नाङग्‍योगी मिहया़गी छोक्‍पाला तेह ङ्युहङज्‍ये येह।’

रोमी 2:18

किन्‍ज्‍योगी च्‍यि थु-सेम जे नाङगे माएँ ताम ख्‍येला क्‍यी़ह येह, ओहले ख्‍येगी का़हन्‍दी ल़ेह या़हबु यिहम्‍बा का़हन्‍दी चोक्‍पा यिहम्‍बा माएँ ताम छ्य़े-ठिम लाहमले लोप्‍क्‍यो सोङबे ओ़हदीॱआङ ख्‍येगी खा फे़ ख़ूएँ,

रोमी 2:20

ओहले ख्‍येगी उल्‍दुम्‍बाया़ला लोप्‍ताम क्‍याहप ख़ूएँ ओहले च्‍यिॱआङ मे़हस्‍येगेनया़ला लोप्‍च्‍युङ तेर ख़ूएँ, च्‍यिबेमाना ख्‍येगी छ्य़े-ठिम लाहमले थाम्‍ज्‍यी येहन्‍देन दाङ तेहन्‍दाम ङोह स्‍य़े सिहन्‍दी येह।

१ कोरिन्‍थी 3:18

सुज्‍यीगीॱआङ राहङगी राहङला चिहन माह-क्‍याहप्‍च्‍यु! ख्‍या पाहरक्‍यीला सुज्‍यीगी दि काल्‍बाला ङाहराङ ख्‍येम्‍बा-ताहक्‍पु यिहन म़ेदी नेसीनमाना खो उल्‍दुम्‍बा डोज्‍यु। ओहले च्‍यी़राङ खो ख्‍येम्‍बा-ताहक्‍पु डो ख़ूज्‍ये येह।

१ कोरिन्‍थी 4:10

ङ्यिहनी मास्‍यीकाकी तेहन्‍दाला उल्‍दुम्‍बा काहल्‍दी येहबा, यिहॱनाङ ख्‍यानी मास्‍यीकाला ख्‍येम्‍बा-ताहक्‍पु काहल्‍सीन दु। ङ्यिह ङ्याम्‍बुनी स्‍युक म़ेह, यिहॱनाङ ख्‍या ङ्याम्‍बुनी स्‍युक छ्यिम्‍बु येहबा। ङ्यिहलानी का़हला माॱनाङ मिहया़गी ङ्येन्‍ज्‍येन पेहकें यिहॱनाङ ख्‍याया़लानी चा़ पेहकें।

फिलिप्‍पी 2:15

ओ़हठी पेहसीनमाना ख्‍या तिहक्‍च्‍येम्‍बा दाङ नोहङग्‍यो मिहया़गी पाहरक्‍यीला च्‍यिॱआङ ङ्य़ेहबा-छ्यू़बा म़ेहबा किन्‍ज्‍योकी पेहजा ल़ेहमुराङ क्‍येन माहफो़बा दाङ चाङमा ओहङज्‍ये येह। खुङया़गी पाहरक्‍यीला ख्‍या नामदी कार्माया़ ल़ेहमुराङ येहसेर क्‍याहप कोहएँ।