रोमी 16:25 - ह्योल्मो25 ओहराङ थाम्ज्यीगीराङ किन्ज्योला थुज्यी-छ्ये़ फुल्दोङ। ङाहगी स्य़ेक्यो या़हबु लेहङगु दाङ मास्यीकाकी तेहन्दाला स्ये़क्योकी केच्याया़ लाहमले मिहरोगी ख्याया़ला राहङदी यिह-छ्य़ेला थिक-चि दाङ सान्दी ज़ो थुप्कें। काल्बा-काल्बा यिहन्ज्यु साङदी ज़्या़ नाङग्योकी केच्या ताहन्दा येशू मास्यीकागी छ्यिसाल-नाहङसाल जेती तेन नाङसीन। အခန်းကိုကြည့်ပါ။ |
रोमी 16:25
42 ပူးပေါင်းရင်းမြစ်များ
ता़हनी ङाहगी ख्या फे़बेया़ला किन्ज्योगी छ्या़ला च्योल्गो येहबा। किन्ज्योगी ओहराङला थुज्यी ज़ी़ नाङगेन माएँगी सुङ सेमला ज़ुङदी टेहम्बा माहच्येहप्पा पेहती तेहतोङ। ओ़ह सुङगी पेहतीराङ किन्ज्योगी ख्या फे़बेया़ला यिह-छ्य़ेला स्युक क्ये च्य़ू नाङज्ये येह ओहले राहङगी मिहया़ला मेलाम थोप्केन्गी मिहया़ ज़ो नाङज्ये येह।
आदा-नो़ह दाङ आज्यी-नुहमुया़, ख्यागी तिहङ रिहङबु केच्या च्यी़ ङोह स्ये़ज्यु माएँ ङाहती सेम्बा येहबा। ओ़ह ख्याला क्यी़ह ज्योर्सीन माना ख्यागी राहङगी तेहन्दाला छ्य़ेन्दो तेन्ज्ये म़ेह। दि तिहङ रिहङबु केच्या दि ल़ेहमु येहबा, ओहङ कोहएँगी लेहमेन क्यिहपाकी मिहया़ मास्यीकाला माहयोहङ थु च्यी़राङ इस्राएलीया़गी यिह सान्दी ओहङज्ये येह।
किन्ज्योगी ङाहला ज्याल्गा नाङग्यो सोङबे ङाह यरूशलेमला काहल्सीन, ओहले ङाहगी ओ़ह ग्या़गी गोबाया़ला च्यी़राङ खाजुम्बाला क़े क्याहप्ती ङाहगी लेहमेन क्यिहपाकी मिहया़ला स्ये़क्योकी या़हबु लेहङगुॱराङ या़हबु पेहती प्रा साल्सीन। च्यिबेमाना ङाहगी पेह सिहन्ग्यो दाङ पेह तेहक्योकी ल़ेहया़ स्यिती काम्बुला थोरो डोनी म़ेदी ङाहला ज्यी़सु येहकें ओ़ह सोङबे ङाहगी ओ़ह ल़ेहमु पेहक्यो यिहम्बा।
च्यिबेमाना दि लाहमले ख्या यिह-छ्य़ेला सान्दी डो ख़ूज्यु ओहले च्यी़गी च्यी़ला चेवा पेहती ख्या च्यी़राङ डो ख़ूज्यु। दि ल़ेहमु पेह फान्ज्यो किन्ज्योकी तिहङ-रिहङबुकी येहन्देन ङोह स्य़े ख़ूएँ दु म़ेदी ख्या राहङगी तेहम्बाराङ क्यी़ह ज्योर्च्ये येह। ओहले तिहङ-रिहङबुगी येहन्देनदी मास्यीका यिहम्बा।
थाम्ज्यी काटीनकी किन्ज्योगी मास्यीकाला यिह-छ्य़े नाङदी राहङदी नाहमॱआङ मिहसीहन्गेन्गी ज़िज्यिद नाङज्येला ख्याया़ला क़े क्याहप नाङदी येह। ख्यागी ङ्यिहमा तोबाज्यी तुहक्पु खुर फान्ज्यो मिहरोगीॱराङ ख्याया़ला येहपाराङ साम्बा ज़ो नाङज्ये येह, ओहले ख्यागी सेम थिक-चिला ज़्या़दी ओङज्या छ्यिम्बु ज़ो नाङज्ये येह ओहले ब्राम सान्दी तिङग्यो ग्या़ला ज़्या़ नाङज्ये येह।
ကြော်ငြာတွေ