रोमी 16:18 - ह्योल्मो18 च्यिबेमाना दि ल़ेहमु मिहया़गी मास्यीका ओहराङ चो़वोला स्याहप्तो मी़हस्युहएँ, यिहॱनाङ खुङ राहङदीराङ फोवाकी तेहन्दाला ल़ेह पेहकें। ओहले खुङया़गी ङ्येम्बु-ङ्येम्बु तामया़ म़ेदी ज्याप्ला तेन्दी मिह थेकाया़ला ठाग तीएँ। အခန်းကိုကြည့်ပါ။ |
रोमी 16:18
54 ပူးပေါင်းရင်းမြစ်များ
“सुज्यीगीॱआङ ताहक्पु ङ्यी़ला स्याहप्तो स्युह मी़हखुएँ। च्यिबेमाना खोगी च्यी़ला चोक्पा पेहच्ये येह ओहले राहङसाला या़हबु पेहच्ये येह च्यिबे मासीमाना च्यी़गी माक्योगी ताम खोगी ङ्यिहन्ज्ये येह ओहले लेहमेनदीला ची़नाङ पेहच्ये म़ेह। ओ़ह ल़ेहमुराङ ख्याया़गीॱआङ किन्ज्यो दाङ क्युह ङ्यिकालाराङ स्याहप्तो स्युह मी़हखुएँ।”
ख्याया़गी किन्ज्योकी का या़हबु पेहती ची़उ दु माएँ तामनी मिह थाम्ज्यीला क्यी़हराङ येह, दि तामला ङाह ज्यिबुराङ सेम काहसो येह। यिहॱनाङ ङाह ख्याया़गी दि पेहच्यु माएँ सेम्बा येहबा, का़हन्दी या़हबु येहबा, ओ़हगी तेहन्दाला ख्या ख्येम्बा-ताहक्पु डो कोहएँ, ओहले का़हन्दी चोक्पा येहबा ओ़हला ख्या च्यिॱआङ क्येन म़ेहबा ओहङ कोहएँ।
ङ्यिहगी ङोह छाएँगी ल़ेहया़ दाङ यिहप्ती-यिहप्ती पेहकेन्गी ल़ेह चोक्पाया़ पाङदी येहबा। ङ्यिह गो़ कोर च्य़ूदी ल़ेह मेहबेकें ओहले किन्ज्योगी सुङला याहर-माहर मेहबेकें। यिहॱनाङ तेहन्दामला ङ्यिह छ्यिसाल-नाहङसाल पेहती प्रा साल्गे ओहले किन्ज्योगी ज़ी़लुला ङ्यिह तेहन्दाम दाङ टाहङबु पेहती मिह थाम्ज्यीगी थोङगे पेहती मिहजी ताङगेराङ येह।
ख्या फे़बे मे़हमेया़की चेवाकी डेनला दि मिहया़ ङ्योहक्तोङया़ यिहम्बा। खुङ लेहमेन मिहया़ला ताॱराङ मा़हतेबा पेहती राहङगी फोवा च्यी़राङ क्योङज्ये छोल्गे। खुङनी ल्हा़बागी क्या़दी ख्येर्केन नाम मेहक्याहप्केन्गी मुक्पा ल़ेहमु यिहम्बा। खुङ सेर्का दावाकी सेदो मे़हयाहगेन्गी तोहङबो ल़ेहमु यिहम्बा, ओ़ह चार्ङ्यी यिहन्ज्युराङ पो़ सिहन्ग्यो ओहङगे ओहले लेहमा ङ्यी़ स्यि सिहन्ग्यो ओहङगे।
दि छ्य़ेकी केच्या येशू मास्यीकागी तेन नाङग्यो यिहम्बा। राहङ स्याहप्च्यीया़गी ग्यो़बाराङ बाप ओहङज्ये पेहक्यो केच्याया़गी तेहन्दाला ङोह स्य़े ख़ूज्यु म़ेदी किन्ज्योगी येशूला दि ज्याल्गा नाङग्यो येहकें। येशूगी दि केच्या प्रा साल नाङज्येला स्यिहङगामकी स्याहप्च्यी च्यी़ला राहङला स्याहप्तो स्युएँगी यूहन्नासाला ताङ नाङसीन।
ကြော်ငြာတွေ