रोमी 16:17 - ह्योल्‍मो

¹⁷ ए ङाहगी आदा-नो़ह दाङ आज्‍यी-नुहमुया़, ङाह ख्‍याला ओहर-छ्य़े स्‍युहउ येह, ख्‍याया़गी पाहरक्‍यीला ठू़ च्‍य़ूदी खा फ़ेदी डो च्‍य़ूएँगी मिहया़ दाङ यिह छ्य़ेलुला गो़ कोर्केन मिहया़ यिहन्‍ज्‍यु जेम्‍बु पेहतोङ। ख्‍याया़गी ज़्‍योरक्‍यो लोप्‍च्‍युङला खुङगी टाह पेहकें। ओ़ह ल़ेहमु मिहया़ ङ्याम्‍बु च्‍यामॱराङ माहच्‍याम।

रोमी 16:17 ပူးပေါင်းရင်းမြစ်များ

मत्ती 18:17

ओहजे पेहतीॱआङ खोगी ताम मिहङ्यीहन्‍सीमाना छेन्‍छोकला काहल्‍दी ख्‍येगी ताम थाम्‍ज्‍यी प्रा साल तेर ओहले खुङगी तामॱआङ खोगी मिहङ्यीहन्‍सीमाना खोला किन्‍ज्‍योला ङोह मे़हस्‍येएँगी मिहया़ दाङ घूस लेहन्‍गेन्‍गी ठाल तुहएँगी तिहक्‍च्‍येम्‍बा मिहया़ ल़ेहमुराङ यिहन म़ेदी सेमला ने़दोङ।”

मत्ती 18:7

काहजे छा़ तुहवा दि जाम्‍बुलीङ! च्‍यिबेमाना दि जाम्‍बुलीङला मिहया़ला तिहक्‍पाला छ्यि च्‍य़ूगेन्‍गी से़हया़नी माहङबुराङ येह। दि ल़ेहमु तिहक्‍पाला छ्यि च्‍य़ूगेन्‍गी से़हया़नी ओहङॱराङ ओहङगे, यिहॱनाङ ओ़ह मिहला का़हन्‍दीगी तिहक्‍पाला छ्यि च्‍य़ूगे खोला छा़ तुहवा।”

मत्ती 7:15

“चिहन क्‍याहप्‍के लुहङतेम्‍बाया़ ङ्याम्‍बु जेम्‍दे तेहतोङ। खुङ फि ङो़ले ल़ूह जे़दी ओहङगे, यिहॱनाङ नाहङलादी ज्‍यी़ज्‍ये ल़ेहमु फारा ल़ेहमु ओहङगे।

लूका 17:1

ओहले येशूगी राहङगी स्‍याहप्‍च्‍यीया़ला सुङ नाङसीन, “मिहया़ला तिहक्‍पा पेह च्‍य़ूएँगी ङ्याहम्‍छेया़नी ओहङॱराङ ओहङगे। यिहॱनाङ, ओ़ह ल़ेहमु तिहक्‍पा पेह च्‍य़ूएँगी मिहगी च्‍याहवा ज्‍यिबुराङ चोक्‍पा ओहङज्‍ये येह।

ल़ेह-पेन 15:24

ङ्यिहगी पाहरक्‍यीले रेहरे मिहया़ ओहङदी राहङ फे़बेया़ला फिर्च्‍या लोप्‍च्‍युङया़ तेर्ते ज्‍यिबुराङ तुहक्‍पु तेर्सीन लो माएँ ताम ङ्यिहगी थ़ेसीन। यिहॱनाङ ओ़ह मिहया़ला ङ्यिहगी ताङग्‍यो मिहन।

१ कोरिन्‍थी 11:18

च्‍यिबेमाना थाम्‍ज्‍यी म़ेदी तोहङस्‍योनी ख्‍या छेन्‍छोकला छो़गेमु ख्‍यागी पाहर्कीला खा फ़ेदी डोएँगी तामया़ ओहङगु दु माएँ ताम ङाहगी थ़ेसीन, लाहला तामया़नी तेहन्‍दामॱआङ यिहन्‍डो।

१ कोरिन्‍थी 3:3

तोहरोङॱआङ ख्‍या जाम्‍बुलीङकी सेम्‍बाया़ लाहमले राहङगी मिहजी ताङगो दु। ओहले ख्‍या राहङ नाहङदुङ ठादो पेहकेन दाङ ठ़ूस्‍यी सिहङदा पेहकेन्‍की केच्‍याया़नी येहॱराङ येहबा। च्‍यि ओ़हठी यिहन्‍सीमानानी ख्‍या राहङगी ज़ुबुकी च्‍यि पेहच्‍ये सेम क्‍येएँ ओ़हठीॱराङ डोलु-तेहलु पेहकेन जाम्‍बुलीङकी लेहमेन मिहया़ ल़ेहमुराङ माहकाहल ले?

गलाती 2:4

स्‍या-ताककी तेहन्‍दाला दि तामया़ थेन्‍सीन, च्‍यिबेमाना काहजे चिहन क्‍याहप्‍केन्‍गी नो़हया़ ओहराङकी छो़बाया़ नाहङला खाजुम्‍बाला स्‍य़ूहदी ओहराङला मास्‍यीकागी जेती यहूदी छ्य़े-ठिमलेगी टोहल च्‍य़ू नाङग्‍यो मिहलीकी तेहन्‍दाला च्‍यिवा च्‍येच्‍ये छ़ूसीन ओहले ओहराङला यहूदी छ्य़े-ठिमकी लाबु-लामुया़ ज़ोज्‍ये छोल्‍सीन।

फिलिप्‍पी 3:17

ए आदा-नो़ह दाङ आज्‍यी-नुहमुया़, ख्‍याया़गीॱआङ ङाहगी ल़ेहमु पेहतोङ। ङ्यिह ख्‍याया़गी तेहन्‍दाला या़हबु पे च्‍यी़ काहल्‍दी येहबा। ओ़ह सोङबे ओ़ह पे-ला ते़बे डोलु-तेहलु पेहकेनया़ला ख्‍यागी तिङ ङ्यादोङ।

कलस्‍सी 2:8

टिहम्‍बु पेहती तेह, फेन्‍दोप म़ेहबागी रिहक्‍स्‍यी दाङ छलगी काहङग्‍यो नोम्‍साङया़गी मिताला माहछ्यीज्‍यु। दि ल़ेहमु केच्‍याया़ मास्‍यीका लाहमले ओहङग्‍यो मिहम्‍बा यिहॱनाङ दि मिहया़गी पे-ठिम दाङ जाम्‍बुलीङला ओङ छ्य़ेगेन ङ्येहम्‍बा नाम्‍स्‍यी लाहमले ओहङग्‍यो यिहम्‍बा।

२ थेसलोनिकी 3:6

आदा-नो़ह दाङ आज्‍यी-नुहमुया़, चो़वो येशू मास्‍यीकागी छेनला ङ्यिह ख्‍या फ़ेबे-म़ेहमेया़ला का तेर्के। ङ्यिहगी तेरक्‍योगी लुहङला मी़हचीएँ दाङ ल़ेहमी-लाहमया़ ङो़ले ख्‍या फ़ेबे-म़ेहमेॱया था़-रिहङबुराङ ज़्‍य़ू नाङदोङ।

१ तिमोथी 1:3

ङाह माकेडोनियाला डोएँमु ख्‍येला ओहर-छ्य़े स्‍युहक्‍यो ल़ेहमुराङ ख्‍ये एफिससलाॱराङ तेहतोङ, ओहले चिहन क्‍याहप्‍ती लोप्‍च्‍युङ लोप्‍कें मिहया़ला ओ़ह ल़ेहमु माहबे म़ेदी का़दोङ।

२ तिमोथी 3:5

खुङया़गी छ्य़ेसेम पेहचेनज्‍यी तेन्‍गे यिहॱनाङ ओ़हगी ओङया़लादी मा-लोक पेहकें। ओ़ह ल़ेहमु मिहया़ ङो़ले था़-रिहङबुराङ तेहतोङ।

तीतस 3:10

ओहले ठू़ च्‍य़ूगे मिहया़ला लेहमा च्‍यी़ ङ्यी़ लोप्‍ताम क्‍याहप्‍तोङ, ओहले ओहजे पेहतीॱआङ मिहङ्यीहन्‍सीमाना खो ङ्याम्‍बु च्‍यामॱराङ माहच्‍याम।

१ यूहन्‍ना 2:19

ओ़ह टाहया़ ओहराङ नाहङलेॱराङ थेन्‍दी काहल्‍सीन, च्‍यिबेमाना खुङ ओहराङदी मिहम्‍बा यिहन्‍गे। का़हलेॱआङ खुङया़ ओहराङदी यिहम्‍बा यिहनानी खुङ ओहराङ ङ्याम्‍बुराङ तेहच्‍ये येहकें। खुङ ओहराङदी मिहम्‍बा दु म़ेदी या़हबु पेहती क्‍यी़ह ज्‍योर्च्‍येला खुङया़गी ओहराङला क्‍युर ज़्‍या़दी काहल्‍सीन।

यहूदा 1:19

थिन मी़हच्‍युगेया़, जाम्‍बुलीङगी मिहया़ ओहले नाम्‍पार-ताहक्‍पा सेम म़ेहबाकी मिहया़ दिया़राङ यिहम्‍बा।