7 ओ़ह सोङबे किन्ज्योकी ज़िज्यिदगी तेहन्दाला मास्यीकागी ख्याया़ला लोक जे नाङग्यो ल़ेहमुराङ ख्याया़गीॱआङ च्यी़गी च्यी़ला लोक पेहतोङ।
“ख्याया़ला चा़ पेहकेन्दीगी ङाहला चा़ पेहकेन ओहले ङाहला चा़ पेहकेन्दीगी ङाहला ताङ नाङगेन्दीॱलाङ चा़ पेहकें।
“ङाहगी मिहनला दि ल़ेहमु पेहजाया़ला फेप स्युहगेनया़गी ङाहलाराङ फेप स्य़ूहएँ ओहले ङाहला फेप स्युहगेनया़गी ङाहला च्यी़राङ मिहम्बा, ङाहला ताङ नाङगेन याहपलाराङ फेप स्य़ूहक्यो यिहम्बा।”
यिहॱनाङ फरिसीया़ दाङ छ्य़े-ठिमकी लोबेनया़गी येशूगी तेहन्दाला, “दि मिहगी नि तिहक्च्येम्बा मिहया़ला क़े क्याहप्ती खुङया़ ङ्याम्बुराङ तेहती साहउ दु!” म़ेदी लोहङडी पेहसीन।
ओहले खुङया़ला सुङ नाङसीन, “सुगी ङाहगी मिहनला दि ल़ेहमु पेहजाला चा़ पेहकें, खोगी ङाहला चा़ पेहकें, खोगी ङाहला ताङ ताङगेन्दीॱलाङ चा़ पेहकें। च्यिबेमाना ख्या नाहङला सु थाम्ज्यी म़ेदी फेमा येहबा, खोराङ छ्यिम्बु ओहङगे।”
ता़ह ङाह ख्याया़ला का साम्बा च्यी़ तेर्कें ख्याया़ च्यी़गी च्यी़ला चेवा पेहतोङ। ङाहगी ख्याया़ला काह-ठि पेहती चेवा पेहक्यो येहबा ओ़ह ल़ेहमुराङ पेहती ख्याया़गीॱआङ च्यी़गी च्यी़ला चेवा पेहतोङ।
याहपगी नाङगे थाम्ज्यी ङाहसाला ओहङज्ये येह, ओहले ङाहसाला ओहङगेनया़ला ङाहगी नाहमॱआङ लो़ ताङज्ये म़ेह।
ओहले किन्ज्योगी जे नाङग्यो काटीनगी तेहन्दाला लेहमेन क्यिहपाकी मिहया़गी मिहरोला ज़िज्यिद फुल्ज्यु। छ्य़े-ठिमला दि ल़ेहमु प्री़हदी येहबा, “ओ़ह सोङबे ङाह लेहमेन क्यिहपाया़की पाहरक्यीला राहङला त़ेरा तेच्या फुल्गे, ओहले राहङगी छेनला छ्ये़-लु लेहन्गे।”
चो़वो येशूगी ओहराङला तेहपा लाहमले किन्ज्योकी काटीनला नोम फेप नाङदी येह। ताहन्दा ओहराङ ओ़ह काटीनलाॱराङ लाहङदी येहबा। ओहले किन्ज्योगी ज़िज्यिद छ्यिम्बु नोम्गेमु ओहराङॱआङ मिहरो ङ्याम्बुराङ ओहङज्ये येह माएँ रेहवाला क़ेहनाङ पेहकें।
ओहराङ मास्यीकाला तोहङ यिहन्ज्युराङ रेहवा पेहकेनया़ला किन्ज्योगी राहङदी त़ेरा तेच्याकी तेहन्दाला दाम नाङसीन।
ङाह दिगी तेहन्दालाॱआङ सोल्वाङ ताप्को येह, ख्याया़की सेमकी मी़ क्या-साङे डोज्यु, ओहले का़हन्दी रे़हवाकी तेहन्दाला मिहरोगी ख्याया़ला क़े क्याहप नाङग्यो यिहम्बा, ओहले मास्यीकाकी नाम्पार-ताहक्पा मिहया़ला मिहरोकी ज़िज्यिद क्युहगी ओङ च्यि यिहम्बा, ओ़ह ख्याया़गी ङोह स्य़े ख़ूज्यु।
च्यी़गी च्यी़ला ना़दोङ, च्यी़गी च्यी़ला टाह पेहती च्यिरा ल़ेह जोल्ग्यो येहसीनमाना च्यी़गी च्यी़ला स्या़बा तेर्तोङ। चो़वोगी ख्याला स्या़बा नाङग्यो ल़ेहमुराङ ख्यागीॱआङ मिहया़ला स्या़बा तेर्तोङ।