रोमी 15:6 - ह्योल्‍मो

⁶ दि ल़ेहमु पेहती ख्‍या सेम च्‍यी़ डी़दी क़े च्‍यी़लाॱराङ ओहराङ चो़वो येशू मास्‍यीकाकी किन्‍ज्‍यो दाङ याहपला ख्‍याया़गी ज़िज्‍यिद फुल ख़ूज्‍यु।

रोमी 15:6 ပူးပေါင်းရင်းမြစ်များ

यूहन्‍ना 20:17

ओहले येशूगी मोहला सुङ नाङसीन, “ङाहला मा़हदे, च्‍यिबेमाना ङाह ताहन्‍दा थु याहप्‍च्‍येन आबासाला काहल्‍दी म़ेह। यिहॱनाङ ङाहती नो़हया़साला काहल्‍दी म़े तेर, ‘ङाहती याहप दाङ ख्‍यागी याहप, ओहले ङाहती किन्‍ज्‍यो दाङ ख्‍यागी किन्‍ज्‍यो साला ङाह डोॱराङ येह’।”

ल़ेह-पेन 4:24

दि ल़ेहमु ताम थ़े फान्‍ज्‍यो खुङ थाम्‍ज्‍यीराङ रुहप्‍ती किन्‍ज्‍यो ङ्याम्‍बु दि ल़ेहमु म़ेदी सोल्‍वाङ ताप्‍सीन, “ओ़ ओङज्‍या छ्यिम्‍बु नोम्‍गेन्‍गी चो़वो किन्‍ज्‍यो!, साज्‍या, नाम्‍ज्‍या, छो-क्‍याहम्‍जो ओहले ओ़हला येहकेन्‍गी रेबेॱराङ से़हया़ राहङगीराङ ज़ो नाङसीन।

ल़ेह-पेन 4:32

यिह-छ्य़ेबाया़ सेम च्‍यी़, लो च्‍यी़ पेहती तेहको येहकें। खुङया़ नाहङला येहकेन्‍गी थाम्‍ज्‍यीराङ से़हया़ “दि ङाहती यिहन” म़ेदी मेहमाएँ येहकें, यिहॱनाङ खुङया़गी क्‍युह नोहरया़ पी़मा येहकें।

२ कोरिन्‍थी 1:3

ओहराङ चो़वो येशू मास्‍यीकाकी किन्‍ज्‍यो दाङ याहप, चेवा जे नाङगेन्‍गी याहप दाङ थाम्‍ज्‍यीला स्‍य़िहदे नाङगेन्‍गी किन्‍ज्‍योला क्‍याहल्‍स्‍यो-क्‍याहल्‍स्‍यो ओहङज्‍यु।

२ कोरिन्‍थी 11:31

चो़वो येशूकी किन्‍ज्‍यो दाङ याहप, मिहरो नाहम्‍स्‍यी किन्‍दुॱराङ सोनाम-साक्‍पु ज़्‍य़ू नाङदी येह, ङाहगी स्‍योप मेहक्‍याहप्‍कें म़ेदी मिहरोला थुयी़ येह।

एफिसी 1:17

ओहराङ चो़वो येशू मास्‍यीकाकी किन्‍ज्‍यो, ज़िज्‍यिदकी याहपगी ख्‍याया़ला मिहरोगी तेहन्‍दाला येहन्‍देनला रिहक्‍स्‍यी दाङ ङोह स्‍य़े ख़ूएँगी थु नाङज्‍यु म़ेदी ङाह नाहम्‍माॱनाङ सोल्‍वाङ ताप्‍को येह।

एफिसी 1:3

ओहराङगी चो़वो येशू मास्‍यीकाकी किन्‍ज्‍यो दाङ याहपला थुज्‍यी-छ्ये़! मिहरोगी येशू मास्‍यीका लाहमले ओहराङला स्‍यिहङगामकी ग्‍या़या़ला ना थाम्‍ज्‍यीगी यिहक्‍तेन मेलामया़ नाङदी येह।

कलस्‍सी 1:3

ख्‍याया़गी तेहन्‍दाला सोल्‍वाङ ताप्‍केमु ङ्यिह राहङगी चो़वो येशू मास्‍यीकाकी याहप किन्‍ज्‍योला नाहम-माना थुज्‍यी-छ्ये़ फुल्‍गो येह।

१ पत्रुस 1:3

ओहराङ चो़वो येशू मास्‍यीकाकी याहप किन्‍ज्‍योला थुज्‍यी-छ्ये़। किन्‍ज्‍योगी थुज्‍यी लाहमले टोहङग्‍योलेगी येशू मास्‍यीकाला सोम्‍बो ज़्‍याङ च्‍य़ू नाङदी मिहरोगी ओहराङला मिहली साम्‍बा नाङसीन। ओ़ह सोङबे ओहराङ थाम्‍ज्‍यीगी सोम्‍बो रेहवा ज्‍योर्ती येह।

ज्‍याल्‍गा 1:6

मिहरोगी राहङगी किन्‍ज्‍यो दाङ याहपला स्‍याहप्‍तो स्‍युहज्‍येला ओहराङला पूजाहारीकी ओङ नाङदी येहबा। ओहले येशू मास्‍यीकाकी चा़ दाङ ओङ नाहम्‍स्‍यी किन्‍दु लिहच्‍यु। आमेन।