रोमी 15:3 - ह्योल्‍मो

³ च्‍यिबेमाना मास्‍यीकागीॱआङ राहङला क़ेहनाङ लाहङ च्‍य़ूगेन्‍की छ्या़लेया़ जे माहनाङ। ओ़हठीॱराङ सुङरापलाॱआङ दि ल़ेहमु प्री़हदी येहबा, “राहङला स्‍ये़हन्‍डील पेहकेनया़की स्‍ये़हन्‍डील ङाह थो़ला बाप्‍ती येह।”

रोमी 15:3 ပူးပေါင်းရင်းမြစ်များ

मत्ती 10:25

ओ़ह सोङबे स्‍याहप्‍च्‍यी राहङगी लोबेनचेबाॱराङ, ओहले योक्‍पु राहङगी ताहक्‍पुजेबाराङ काहल्‍ग्‍योगी तेहन्‍दाला सेम लो तेहमु पेहच्‍यु। का़हलेॱआङ खुङगी खाङबागी ताहक्‍पुलाॱराङ ती़ह गो-छ्येवा बालजिबुल म़ेदी मासीमानानी खोगी खाङबा मे़हमेया़लानी तोहरोङ च्‍यि मारो?” म़ेदी येशूगी सुङ नाङसीन।

मत्ती 26:39

ओहले येशू याहम्‍बी फाच्‍चीला फार फेप्‍ती साला खेप्‍चु क्‍याहप्‍ती दि ल़ेहमु सुङदी सोल्‍वाङ ताप नाङसीन, “ओ़ ङाहगी याहप, ओहङ ख़ूएँ यिहनानी दि तुहक्‍पुकी स्‍याहलु ङाहलेगी था़-रिहङबु ज़्‍या़ नाङदोङ। यिहॱनाङ दि ङाहगी सेमला ने़क्‍यो ल़ेहमु मिहम्‍बा, राहङगी थुला ठुङग्‍यो ल़ेहमु तेहन्‍दा डुप्‍च्‍यु।”

मत्ती 26:42

येशू येहपाराङ लेहमा ङ्यिपा फेप्‍ती दि ल़ेहमु सुङदी सोल्‍वाङ ताप नाङसीन, “ओ़ ङाहगी याहप, दि तुहक्‍पुगी स्‍याहलु ङाहगी माहथुङबाला मेहयोङसीमाना राहङगी थुला ठुङग्‍यो ल़ेहमु तेहन्‍दा डुप्‍च्‍यु।”

मत्ती 27:44

ओ़ह ल़ेहमुराङ पेहती येशू ङ्याम्‍बु च्‍याङग्‍योगी ओ़ह च्‍याहक्‍पाया़गीॱआङ येशूला स्‍ये़हन्‍डील पेहसीन।

यूहन्‍ना 15:10

ङाहगी ङाहती याहपती काया़ ङ्यिहन्‍दी ङाह याहपगी चेवाला तेहक्‍यो ल़ेहमु ख्‍यागीॱआङ ङाहती काया़ ङ्यिहन्‍सीन माना ख्‍या ङाहती चेवाला तेहच्‍ये येह।

यूहन्‍ना 15:24

लेहमेन सुज्‍यीगीॱआङ माहबेबाकी याहम्‍जेन छ्येवागी ल़ेहया़ ङाहगी खुङया़की पाहरक्‍यीला माहबेबा यिहनानी खुङला तिहक्‍पाकी ङ्य़ेहबा फो़ज्‍ये म़ेहबा येहकें। यिहॱनाङ, ता़ह ङाहगी पेहक्‍यो दि ल़ेह थाम्‍ज्‍यी खुङया़गी थोङ सिहन्‍दी येह यिहॱनाङ खुङगी ङाह दाङ ङाहती याहपला ङ्येन्‍ज्‍येन पेहकें।

यूहन्‍ना 4:34

ओहले येशूगी खुङया़ला सुङ नाङसीन, “ङाहला ताङ नाङगेन याहपकी का दाङ मिहरोगी छ्या़ले छाङबु पेहकेन्‍दीराङ ङाहती साहप्‍च्‍या यिहम्‍बा।

यूहन्‍ना 5:30

“ङाह राहङगीनी च्‍यिॱआङ पेह मी़हखु, काह-ठि ङाहगी थे़गे, ओ़हठीॱराङ ङाह ठिम ताङगे, ओहले ङाहगी ताङग्‍यो ठिम ठाबे सी़हजे येह, च्‍यिबेमाना ङाह राहङगी सेमला ने़क्‍यो ल़ेहमु मिहम्‍बा, यिहॱनाङ ङाहला ताङ नाङगेन याहपकी थुला ठुङग्‍यो ल़ेहमुराङ ल़ेह पेहकें।”

यूहन्‍ना 6:38

च्‍यिबेमाना ङाह राहङगी सेमला ऩेक्‍योगी तामया़ छाङबु पेहच्‍येला स्‍यिहङगामले माहर ओहङग्‍यो मिहन, यिहॱनाङ ङाहला ताङ नाङगेन्‍दीती थु-सेम छाङबु पेहच्‍येला ङाह ओहङग्‍यो यिहम्‍बा।

यूहन्‍ना 8:29

ङाहला ताङ नाङगेन्‍दी ङाह ङ्याम्‍बुराङ ज़्‍य़ू नाङदी येह, मिहरोगी ङाहला च्‍यी़राङ क्‍युर ज़्‍या़ नाङदी म़ेह च्‍यिबेमाना ङाह नाहम पेहनाॱआङ मिहरोला थु ङ्य़ेबु ओहङगेन्‍गी ल़ेहया़ च्‍यी़राङ पेहकें।”

२ कोरिन्‍थी 8:9

च्‍यिबेमाना ओहराङ चो़वो येशू मास्‍यीकागी काटीन ख्‍याया़ला क्‍यी़हराङ येह। मिहरो छ्युक्‍पु येहकें यिहॱनाङ ख्‍याया़गी तेहन्‍दाला मिहरो प्राङबु काहल्‍सीन च्‍यिबेमाना मिहरो प्राङबु काहल्‍दे ख्‍याया़ छ्युक्‍पु डो ख़ूज्‍यु म़ेदी यिहम्‍बा।

फिलिप्‍पी 2:5

ख्‍याया़गी सेम येशू मास्‍यीकाती ल़ेहमुराङ ओहङज्‍यु।

फिलिप्‍पी 2:8

मिहरोगी मिहगी मिहली नोम्‍दे राहङगी राहङला फेमा ज़ो नाङसीन, ओहले स्‍यिवा थुराङ, पे यिहॱना़: क्‍याहङस्‍यीङला च्‍याङदी टोहङगे थुराङ मिहरोगी किन्‍ज्‍योगी का ची़ नाङसीन।