रोमी 14:9 - ह्योल्‍मो

⁹ दिगी तेहन्‍दालाराङ मास्‍यीका टोहङ नाङसीन ओहले येहपाराङ सोम्‍बो ज़्‍याङ नाङसीन ओ़ह सोङबे मिहरो स्‍यिक्‍योया़ दाङ सोम्‍बोया़ ङ्यिकाराङकी चो़वो यिहम्‍बा।

रोमी 14:9 ပူးပေါင်းရင်းမြစ်များ

मत्ती 28:18

ओहजेला येशू खुङया़ पोहला फेप्‍ती सुङ नाङसीन, “त़ेदोङ, स्‍यिहङगाम दाङ जाम्‍बुलीङगी थाम्‍ज्‍यीराङ ओङ ङाहला नाङदी येह।

लूका 24:26

चा़ दाङ ज़िज्‍यिद ज्‍योर्के म़ेदी तोहङले मास्‍यीकागी तुहक्‍पु खुर मेहकोएँ ले?”

यूहन्‍ना 12:24

तेहम्‍बाराङ, ङाह ख्‍याला माएँ, ऩेहगी बुदी साला लेप्‍ती मा़हस्‍यी थु ओ़हदी ओ़हठीॱराङ लिहकें। यिहॱनाङ ओ़ह स्‍यिसीनमाना ओ़हगी माहङबुराङ सेदो या़हगे।

ल़ेह-पेन 10:36

किन्‍ज्‍योगी इस्राएलीया़ला ताङ नाङग्‍योकी लेहङगु, येशू मास्‍यीका लाहमले प्रा साल नाङग्‍योकी स्‍य़िहदेगी या़हबु लेहङगु राहङ फे़बेया़ला थुयी़ येह। (मिह-रो़हराङ मिह थाम्‍ज्‍यीगी चो़वो छ्येवा यिहम्‍बा।)

ल़ेह-पेन 10:42

या़हबु लेहङगु स्‍येच्‍ये दाङ किन्‍ज्‍योगी येशूला सोम्‍बो दाङ स्‍यिक्‍यो मिहया़ला ठिम ताङज्‍येला का नाङदी येह म़ेदी पाङबु तेर्च्‍येला ङ्यिहया़ला का नाङसीन।

रोमी 10:9

च्‍यिबेमाना का़हलेॱआङ ख्‍येगी येशूला चो़वो यिहन म़ेदी राहङगी खागी लोक पेहसीन, ओहले किन्‍ज्‍योगी मिहरोला टोहङग्‍योया़लेगी सोम्‍बो ज़्‍याङ च्‍य़ू नाङसीन म़ेदी राहङगी सेमला यिह छ्य़ेसीन माना ख्‍ये थार्च्‍ये येह।

२ कोरिन्‍थी 5:14

ङ्यिहनी मास्‍यीकागी चेवागी ओङ चो़ला येहबा। च्‍यिबेमाना मास्‍यीका मिह थाम्‍ज्‍यीगी तेहन्‍दाला टोहङ नाङसीन ओ़ह सोङबे ङ्यिह थाम्‍ज्‍यी स्‍यिसीन दि केच्‍या ङ्यिहला क्‍यी़ह येहबा।

१ थेसलोनिकी 4:14

च्‍यिबेमाना येशू टोङदीॱआङ येहपाराङ सोम्‍बो ज़्‍याङ नाङसीन माएँ तामला ङ्यिहगी यिह छ्य़ेक्‍यो येह। ओ़ह ल़ेहमुराङ पेहती किन्‍ज्‍योला यिह छ्य़ेदी स्‍यि सिहन्‍ग्‍योया़ला मिहरोगी येशू ङ्याम्‍बुराङ नोम फेप नाङज्‍ये येह म़ेदी ङ्यिहगी यिह छ्य़ेगे।

१ थेसलोनिकी 5:10

चो़वो येशू फेप नाङगेमु ओहराङ स्‍यिदी काहल्‍ग्‍यो यिहॱनाङ, सोम्‍बो लिहक्‍यो यिहॱनाङ ओहराङ मिहरो लाहमलेॱराङ थार ख़ूज्‍यु म़ेदीराङ मास्‍यीका ओहराङगी तेहन्‍दाला टोहङ नाङसीन।

२ तिमोथी 4:1

स्‍यिक्‍यो दाङ सोम्‍बो मिह थाम्‍ज्‍यीला ठिम ताङ नाङगेन मास्‍यीका येशू दाङ किन्‍ज्‍योगी दिनला ङाह ख्‍येला स्‍युक पेहती माएँ। मास्‍यीका येशू फेप नाङदी ओङ छ्य़े नाङगे सोङबे

हिब्रू 12:2

ओहराङ यिह-छ्य़ेला छ़ू नाङगे दाङ छाङबु जे नाङगेन्‍गी येशूला ओहराङगी त़ेदी तेहतोङ। राहङ आब्रु डोएँगी तामला येशूगी च्‍यिॱआङ नाङदा जे माहनाङ यिहॱनाङ मिहरोगी तिहङला ओहङगेन्‍गी सेम काहसोगी तेहन्‍दाला क्‍याहङस्‍यीङगी तुहक्‍पु खुर नाङसीन, ओहले मिहरो किन्‍ज्‍योगी ज़्‍य़ू-ठिकी योबा ङो़ले ज़्‍य़ू नाङसीन।

१ पत्रुस 1:21

ओहले मिहरो लाहमलेॱराङ ख्‍याया़गी किन्‍ज्‍योला तेहपा पेहसीन, ओहले ओ़ह किन्‍ज्‍योगीॱराङ मास्‍यीकाला टोहङग्‍योलेगी सोम्‍बो ज़्‍याङ च्‍य़ू नाङसीन ओहले मिहरोला ज़िज्‍यिद-च्‍येन ज़ो नाङसीन, ओ़ह सोङबे ख्‍याया़गी राहङगी तेहपा दाङ रेहवा किन्‍ज्‍यो थो़ला ज़्‍या़गे यिहम्‍बा।

१ पत्रुस 4:5

यिहॱनाङ सोम्‍बो मिह दाङ स्‍यिक्‍यो मिहया़ला ठिम ताङ नाङगेन किन्‍ज्‍योगी दिनला दिगी तेहन्‍दाला खुङया़गी चिदुङ तेर कोहच्‍ये येह।

ज्‍याल्‍गा 1:18

ओहले सोम्‍बो येहकेन्‍दीॱआङ ङाहराङ यिहन। ङाह स्‍यिक्‍यो येहकें, यिहॱनाङ ता़ह त़ेदोङ, ङाह नाहम्‍स्‍यी किन्‍दुॱराङ सोम्‍बो काहल्‍दी येह, स्‍यिवा दाङ साप्‍स्‍यी तिहङकी दिमीया़ ङाह ङ्याम्‍बु येहबा।

ज्‍याल्‍गा 2:8

“स्‍मुर्नाकी छेन्‍छोकला चारा पेहकेन्‍की स्‍यिहङगामकी स्‍याहप्‍च्‍यीला दि ताम प्री़हदोङ: ‘दि ताम तोहङ यिहन्‍ज्‍युराङ ज़्‍य़ू नाङगेन दाङ नाहम्‍स्‍यी किन्‍दुॱराङ ज़्‍य़ू नाङगेन्‍दीगी सुङ नाङगु दु, मिहरो टोहङ नाङग्‍यो येहकें ओहले येहपाराङ सोम्‍बो ज़्‍याङ नाङसीन।