रोमी 14:2 - ह्योल्‍मो

² लाहलागी ना थाम्‍ज्‍यी साहज्‍ये ओहङगे म़ेदी सेमला ने़गे, यिहॱनाङ तेहपाला मा-फाम्‍बु येहकेनया़गीदी स्‍या मिहम्‍बा छ़ेमाया़ च्‍यी़राङ साहएँ।

रोमी 14:2 ပူးပေါင်းရင်းမြစ်များ

रोमी 14:1

यिह-छ्य़ेला सान्‍दी माहकाहल्‍बा मिहया़ला लोक पेहतोङ, यिहॱनाङ खोती नोम्‍साङला फातुर च़ूदी ठुक्‍पा क्‍याहप्‍केन्‍गी ल़ेहती माहबे।

रोमी 14:14

चो़वो येशूला ङाहगी यिह छ्य़ेक्‍यो सोङबे दि केच्‍या ङाहला या़हबु पेहती क्‍यी़ह येह, का़हन्‍दीॱआङ साहएँ से़हया़ मेहचाङा म़ेह। यिहॱनाङ सुगी ओ़हदी मेहचाङा येह म़ेदी ने़गे, खोगी तेहन्‍दाला ओ़ह मेहचाङा डोएँ।

रोमी 14:20

साहएँ से़हया़गी पेहती किन्‍ज्‍योकी छ्या़लेला माहनोङ। थाम्‍ज्‍यी साहएँ से़हया़ साहज्‍ये ओहङगे यिहॱनाङ राहङगी साहक्‍यो से़हगी पेहती लेहमेनला ऩे क्‍याल्‍सीमानाती ओ़ह या़हबु मिहम्‍बा।

रोमी 15:1

ओहराङ यिह-छ्य़ेला सान्‍दी येहकेनया़गी राहङला च्‍यी़राङ क़ेहनाङ लाहङ च्‍य़ूगेन्‍की सेम्‍बाया़ मा़हथोबा पेहती यिह-छ्य़ेला मा-फाम्‍बु येहकेनया़दी मा फाम्‍बुला ना़ कोहएँ।

१ कोरिन्‍थी 10:25

स्‍यागी छोङखाङया़ला च्‍यि चोङगे ले? ख्‍यागी च्‍यिॱआङ नोम्‍साङ माहताङबा, च्‍यिॱआङ टी़हदाप माहबेबा पेहती ओ़ह सोह।

१ कोरिन्‍थी 8:9

यिहॱनाङ जेम्‍बु पेह, ख्‍येगी राहङवाङगी यिह-छ्य़ेला मा-फाम्‍बु येहकें मिहया़ तिहक्‍पाला माहछ्यीज्‍यु।

१ कोरिन्‍थी 9:22

मा-फाम्‍बु मिहया़ला मास्‍यीकाला ख्‍योङ ख़ूज्‍यु म़ेदी ङाह राहङॱआङ मा-फाम्‍बु पेहती तेहसीन। काह-ठि पेहती यिहॱनाङ मिहया़ला मास्‍यीकाला थार च्‍य़ू ख़ूज्‍यु म़ेदी नामे नाजो छ्याप्‍स्‍यीया़ पेहती ङाहॱआङ खुङ ल़ेहमुराङ काहल्‍सीन।

गलाती 2:12

याकूबगी ताङग्‍यो मिहया़ ओहङगे म़ेदी तोहङले खोगी लेहमेन क्‍यिहपाकी मिहया़ ङ्याम्‍बु तेहती साहउ येहकें। यिहॱनाङ खुङया़ ओहङ सिहन फान्‍ज्‍योनी खो लेहमेन क्‍यिहपाकी मिहया़ ङ्याम्‍बु खा फ़ेदी तेहसीन, च्‍यिबेमाना खो स्‍या-ताक पेह कोहएँ म़ेदी माएँ मिह बा़लया़ ङ्याम्‍बु ज्‍यी़दी येहकें।

१ तिमोथी 4:4

किन्‍ज्‍योगी ज़ो नाङग्‍योकी थाम्‍ज्‍यीराङ से़हया़ या़हबु येहबा। किन्‍ज्‍योला थुज्‍यी-छ्ये़ फुल्‍दी साहसीन माना च्‍यि से़हॱआङ मा-लोक पेह मेहकोहएँ।

तीतस 1:15

चाङमा मिहया़गी तेहन्‍दाला थाम्‍ज्‍यी से़हया़ चाङमाॱराङ येह। यिहॱनाङ मेहचाङा दाङ यिह मे़हछ्येगेया़गी तेहन्‍दालानी च्‍यि से़हॱआङ चाङमा म़ेह च्‍यिबेमाना खुङया़गी सेम दाङ नावा ङ्यिकाराङ चाङमा म़ेह

हिब्रू 13:9

यिहन्‍जेराङ याहम्‍जेम्‍बाकी लोप्‍च्‍युङया़गी ख्‍याया़ला तेहन्‍दामकी लाहमलेगी चोक्‍पा लाहम ङो़ले माह-ठिच्‍यु। च्‍यिबेमाना साहएँ दाङ थुङगे ठिमगी मिहम्‍बा, यिहॱनाङ किन्‍ज्‍योगी काटीनगीॱराङ सेम सान्‍दी काहल्‍ग्‍योदी या़हबु यिहम्‍बा। दि ल़ेहमु पे-ठिम ची़दी नाहमॱआङ सुज्‍यीलाॱआङ फेन्‍दोप काहल्‍दी म़ेह।

हिब्रू 9:10

ओ़हनी माज्‍येराङ माना साहएँ, थुङगे दाङ चाङमा डोज्‍येगी तेहन्‍दाला यिहन्‍ज्‍येॱराङ ठी़ क्‍याहप्‍केन्‍गी ठिमया़ च्‍यी़राङ यिहन। किन्‍ज्‍यो लाहमले ठिम साम्‍बा च्‍यी़ माहयोहङ थु ओ़हदी ज़ुबुगी तेहन्‍दाला ज़ोक्‍योगी पे-ठिम च्‍यी़राङ यिहम्‍बा।