रोमी 14:12 - ह्योल्‍मो

¹² ओ़ह सोङबे ओहराङ थाम्‍ज्‍यीगी राहङ-राहङगी चिदुङ किन्‍ज्‍योला च्‍याल कोहएँ।

रोमी 14:12 ပူးပေါင်းရင်းမြစ်များ

मत्ती 12:36

ङाह ख्‍येला माएँ, फेन मे़हथोएँगी ताम माएँया़गी ठिम ताङगे ङ्यिहमु ताम रे़ह-रे़हगी चिदुङ तेर कोहच्‍ये येह।

मत्ती 16:27

च्‍यिबेमाना मिहगी स़ेबु राहङगी याहपकी ज़िज्‍यिद नोम्‍दे स्‍यिहङगामकी स्‍याहप्‍च्‍यीया़ ङ्याम्‍बु फेप्‍नाङगेमु मिह थाम्‍ज्‍यीलाराङ राहङ-राहङगी पेहक्‍यो ल़ेहला ते़बे च्‍याहगा नाङज्‍ये येह।

लूका 16:2

ओहले छ्युक्‍पु मिहगी ओ़ह गोबाला क़े क्‍याहप्‍ती टी़हसीन, ‘ङाहगी ख्‍येगी तेहन्‍दाला च्‍यि थे़गेनराङ येहबा? ख्‍येगी थाम्‍ज्‍यीराङ चिदुङ ङाहला चि क्‍याहप स्‍यो! ता़ह यिहन्‍ज्‍यो ख्‍ये गोबा ओहङ मी़हखुएँ।’

२ कोरिन्‍थी 5:10

च्‍यिबेमाना ङ्यिहमा च्‍यी़ ओहराङ थाम्‍ज्‍यीला मास्‍यीकागी ठिम ताङ नाङज्‍ये येह ओ़ह ती़हजीला ओहराङ थाम्‍ज्‍यी मास्‍यीकागी दिनला लाहङ कोहच्‍ये येह। ओहराङगी दि मिहजीला ल़ेह या़हबु, चोक्‍पा च्‍यि च्‍यि पेहक्‍यो येहबा ओ़हला ते़बे सेदो ज्‍योर्च्‍ये येह।

गलाती 6:5

च्‍यिबेमाना ख्‍या थाम्‍ज्‍यीगी राहङगी ल़ेहया़ राहङगीराङ छाङबु पेह कोहएँ यिहम्‍बा।

१ पत्रुस 4:5

यिहॱनाङ सोम्‍बो मिह दाङ स्‍यिक्‍यो मिहया़ला ठिम ताङ नाङगेन किन्‍ज्‍योगी दिनला दिगी तेहन्‍दाला खुङया़गी चिदुङ तेर कोहच्‍ये येह।