रोमी 12:5 - ह्योल्‍मो

⁵ ओ़हठीॱराङ पेहती ओहराङ माहङबु येहॱनाङ मास्‍यीकाला ओहराङ ज़ुबु च्‍यी़राङ यिहन ओहले ओहराङ थाम्‍ज्‍यीगी च्‍यी़गी च्‍यी़ला स्‍याहप्‍तो स्‍युहएँ।

रोमी 12:5 ပူးပေါင်းရင်းမြစ်များ

यूहन्‍ना 17:11

ता़ह ङाह राहङसाला ओहङगेॱराङ येह। ङाह दि जाम्‍बुलीङला माहङबु ती़हजी तेहच्‍ये म़ेह, यिहॱनाङ खुङया़नी दि जाम्‍बुलीङला तेहच्‍ये येह। नाम्‍पार-ताहक्‍पा याहप, राहङगी ङाहला नाङग्‍योकी राहङगी छेनला खुङया़ला तेम्‍बु जेती ज़्‍या़ नाङदोङ, ओहले ओहराङ ल़ेहमु खुङया़ॱआङ च्‍यी़राङ डो ख़ूज्‍यु।

रोमी 12:4

ओहराङगी ज़ुबु च्‍यी़ला माहङबुराङ ओङबुया़ येहबा यिहॱनाङ खुङया़गी ल़ेहया़ लेहमेन लेहमेनॱराङ येहबा।

१ कोरिन्‍थी 10:17

च्‍यिबेमाना खुरा च्‍यी़राङ यिहम्‍बा, ओहराङ मिह माहङबु येहॱनाङ ज़ुबुनी च्‍यी़राङ यिहन। ओहराङ थाम्‍ज्‍यी ओ़ह खुरा च्‍यी़ लाहमलेॱराङ साहएँ।

१ कोरिन्‍थी 10:33

ङाहगी पेहक्‍यो ल़ेहमुराङ पेहतोङ। ङाहगी राहङला फेन थो़एँगी ल़ेहया़ पेहच्‍ये माहछोल। यिहॱनाङ ला़ खाजे मिह थाम्‍ज्‍यीगी थार्पा थोप ख़ूज्‍यु माएँ सेम पेहती ङाहगी ख्‍यागी तेहन्‍दालाराङ फेन थो़एँगी ल़ेहया़ पेहच्‍ये छोल्‍ग्‍यो यिहम्‍बा।

१ कोरिन्‍थी 12:20

ओङबुया़ माहङबुराङ येहबा, यिहॱना़ ज़ुबुदी च्‍यी़राङ येहबा।

१ कोरिन्‍थी 6:15

ख्‍याया़गी ज़ुबु मास्‍यीकाकी ओङबुया़ यिहन म़ेदी च्‍यि ख्‍याया़ला क्‍यी़ह म़ेहबा? ओ़हठी यिहन्‍सीमाना च्‍यि ङाह मास्‍यीकाकी ओङबुला ख्‍येर्ती बान्‍डनकी ओङबु ज़ोज्‍ये ले? दि ओहङॱराङ मी़हखुएँकी ताम यिहम्‍बा।

एफिसी 1:23

ओ़ह छेन्‍छोकदी मास्‍यीकाकी कुसो यिहम्‍बा, दि कुसोला मास्‍यीकागी छाङबु ज़ो नाङदी येह ओहले ना थाम्‍ज्‍यीला मिहरोगीॱराङ छाङबु ज़ो नाङगे।

एफिसी 4:12

मास्‍यीकाकी नाम्‍पार-ताहक्‍पा मिह थाम्‍ज्‍यीला मिहरोकी छ्या़लेया़ पेह ख़ूएँ ज़ोज्‍येला ओहले मिहरोकी कुसो छेन्‍छोकला याहरक्‍यी ताङज्‍येला दाम नाङसीन।

एफिसी 4:25

ओ़ह सोङबे ता़ह स्‍योप क्‍याहप्‍केन्‍गी पेहताङया़ पाङदोङ। च्‍यी़गी च्‍यी़ला ताम थेका म़ेदोङ च्‍यिबेमाना ओहराङ थाम्‍ज्‍यी मास्‍यीकाकी च्‍यिमे च्‍यी़राङ कुसोकी ओङबुया़ यिहन।

एफिसी 5:23

च्‍यिबेमाना छेन्‍छोक मास्‍यीकाकी कुसो ओहले मास्‍यीकाती छेन्‍छोकला थार्पा नाङगेन्‍गी उ यिहन्‍गे ल़ेहमुराङ पी़हमीगी गो़दी ख्‍योवा यिहम्‍बा।

एफिसी 5:30

च्‍यिबेमाना ओहराङ मास्‍यीकाकी कुसोकी ओङबुया़ यिहम्‍बा।

कलस्‍सी 1:24

ता़ह ख्‍याया़गी तेहन्‍दाला ङाहगी तुहक्‍पु खुर्केमु ङाह सेम काहसो पेहकें, ओहले मास्‍यीकाकी कुसो छेन्‍छोककी तेहन्‍दाला मिहरोदी खादी लिहक्‍यो तुहक्‍पुया़ ङाहती ज़ुबुला खुर्ते छाङबु पेहकें।

कलस्‍सी 2:19

यिहॱनाङ खुङ मास्‍यीका ङ्याम्‍बु तेहच्‍ये क्‍युर्ती येह। मास्‍यीकाती ज़ुबुकी गो़ यिहम्‍बा। ओहले ज़ुबुला स्‍युक मास्‍यीकागी नाङगे। छी़ दाङ स्‍यागी ज़ुबुला ग्‍या़ च्‍यी़ला ताहम्‍दी ज़्‍या़गे। किन्‍ज्‍योगी ओङगी ओ़ह ज़ुबुला छार च्‍य़ू नाङगे।