रोमी 12:14 - ह्योल्‍मो

¹⁴ ख्‍याला तुहक्‍पु तेर्केन मिहला मे़मु माहक्‍याहप, खुङला मेलाम क्‍याहप्‍तोङ।

रोमी 12:14 ပူးပေါင်းရင်းမြစ်များ

मत्ती 5:44

यिहॱनाङ ङाह ख्‍याया़ला माएँ, टाहया़लाॱआङ चेवा पेहतोङ। राहङला तुहक्‍पु तेर्केनया़गी तेहन्‍दाला सोल्‍वाङ ताप्‍तोङ,

लूका 23:34

ओहले येशूगी सुङ नाङसीन, “ओ़ याहप, दि माक्‍मीया़गी च्‍यि पेहको येहबा खुङगी ह्‍अ के़हदी म़ेह, खुङला स्‍या़बा नाङदोङ।” म़ेदी सुङ नाङसीन। ओहले माक्‍मीया़गी येशूगी नाहम्‍सा लेहन्‍दी गिन क्‍याहप्‍ती राहङ नाहङदोङ कोहसीन।

लूका 6:28

ख्‍याला मे़मु क्‍याहप्‍केनया़ला मेलाम क्‍याहप्‍तोङ ओहले ख्‍याला सुगीॱआङ चोक्‍पा पेहसीमाना खोला या़हबु ओहङज्‍यु म़ेदी किन्‍ज्‍योला सोल्‍वाङ ताप्‍तोङ।

ल़ेह-पेन 7:60

ओ़ह तिङले खोगी पी़मु च़ूदी क़े छ्यिम्‍बु च्‍यी़ तेन्‍दी मासीन, “ओ़ह चो़वो छ्येवा, दि तिहक्‍पागी ङ्य़ेहबा खुङया़ला माह फो़ज्‍यु!” देजे म़ेदी खो स्‍यिसीन।

रोमी 12:21

चोक्‍पागी ख्‍येला माहक्‍याहल्‍ज्‍यु यिहॱनाङ या़हबुगी चोक्‍पाला क्‍याहल ख़ूज्‍यु।

१ थेसलोनिकी 5:15

दि ताम टेहम्‍बा ज़्‍यो़, का़हलेॱआङ ख्‍याया़ला सुज्‍यीगीॱआङ चोक्‍पा पेहसीन म़ेदी खोलाॱआङ चोक्‍पा माहबे यिहॱनाङ च्‍यी़गी च्‍यी़ला ओहले मिह थाम्‍ज्‍यी ङ्याम्‍बु या़हबु पेहकेन्‍गी सेम ज़्‍या़दोङ।

याकूब 3:10

खा च्‍यी़लेगीराङ मेलामॱआङ थेन्‍गे ओहले मे़मुॱआङ थेन्‍गे। ए ङाहगी आदा-नो़ह दाङ आज्‍यी-नुहमुया़, दि ल़ेहमु ओहङ मेहकोहच्‍ये येहकें।

१ पत्रुस 3:9

सुज्‍यीगी चोक्‍पा पेहसीन म़ेदी खोलाॱआङ चोक्‍पा माहबे, खोगी मे़मु क्‍याहप्‍सीन म़ेदी ख्‍यागीॱआङ खोला मे़मु माहक्‍याहप यिहॱनाङ ओ़हगी छापला खोला मेलाम क्‍याहप्‍तोङ च्‍यिबेमाना दिगी तेहन्‍दालाराङ ख्‍याया़गीॱआङ मेलाम ल़ेहन ख़ूज्‍यु म़ेदी किन्‍ज्‍योगी ख्‍याला क़े क्‍याहप नाङग्‍यो यिहम्‍बा।