रोमी 12:12 - ह्योल्‍मो

¹² राहङ रेहवाला काहसो पेह, तुहक्‍पु-तुहङालला ना़स्‍यीङ छ्यिम्‍बु पेहतोङ, सोल्‍वाङ ताप्‍तेॱराङ तेहतोङ।

रोमी 12:12 ပူးပေါင်းရင်းမြစ်များ

मत्ती 5:12

ओहजेला ख्‍याया़ क़ेहनाङ पेहतोङ, काहसो पेहतोङ च्‍यिबेमाना ख्‍याया़गी तेहन्‍दाला स्‍यिहङगामला च्‍याहगा छ्यिम्‍बुज्‍यी ज़्‍या़दी येहबा। तोहङमा तोहङमागी लुहङतेम्‍बाया़लाॱआङ मिहया़गी दि रोहवा पेहतीराङ तुहक्‍पु तेर्ते येहकें” म़ेदी येशूगी सुङ नाङसीन।

लूका 10:20

यिहॱनाङ, ङ्येहम्‍बा नाम्‍स्‍यीया़ ख्‍यागी ओङ चो़ला छ्यिसीन म़ेदी क़ेहनाङ माहबे, यिहॱनाङ ख्‍यागी मिहन स्‍यिहङगामला प्री़हदी येह म़ेदी काहसो पेहतोङ” म़ेदी येशूगी सुङ नाङसीन।

लूका 21:19

सेम माहङग्‍युर्पा पेहती तेहतोङ, ओहले ख्‍यागी तेहन्‍दामगी मिहली ज्‍योर्च्‍ये येह” म़ेदी येशूगी सुङ नाङसीन।

लूका 8:15

ओहले या़हबु साला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी किन्‍ज्‍योगी सुङदेन ङ्यिहन्‍दी सेमला ज़्‍या़एँ, ओहले सुङदेनगी सुङग्‍यो ल़ेहमुराङ ल़ेहया़ पेहकें ओहले ती़हजी लेप्‍केमु माहङबु म़ेदी माहङबु सेदो या़हगे” म़ेदी येशूगी स्‍याहप्‍च्‍यीया़ला ह्‍अ कोह च्‍य़ू नाङसीन।

ल़ेह-पेन 1:14

ओहले खुङ फ़ेबेॱया लेहमेन आज्‍यी-नुहमुया़ ओहले येशूगी आमा मरियम दाङ, येशूगी नो़हया़ ङ्याम्‍बु जोम्‍दी सेम च्‍यी़ डी़दी नाहम्‍माॱनाङ किन्‍ज्‍योला सोल्‍वाङ ताप्‍ती तेहको येहकें।

ल़ेह-पेन 12:5

दि ल़ेहमु पेहती पत्रुसला चोन-खाङ नाहङला ज़्‍या़सीन, यिहॱनाङ पत्रुसगी तेहन्‍दाला छेन्‍छोकगी किन्‍ज्‍यो ङ्याम्‍बु स्‍युक छ्यिम्‍बु पेहती सोल्‍वाङ ताप्‍ते तेहती येहकें।

ल़ेह-पेन 2:42

ओहले खुङ ल़ेह-पेनया़ ङ्याम्‍बु लोप्‍कें, छोक्‍पा पेहकें, चो़वोगी डेन साहउ येहकें, ओहले सेम च्‍यी़ डी़दी नाहम माॱनाङ किन्‍ज्‍योला सोल्‍वाङ ताप्‍ती तेहको येहकें।

ल़ेह-पेन 6:4

ओहले ङ्यिहया़दी सोल्‍वाङ दाङ लुहङ स्‍येकेन्‍गी ल़ेहला स्‍य़ूहगे।”

रोमी 15:13

रेहवा नाङगे किन्‍ज्‍यो थो़ला ख्‍याया़गी यिह छ्य़ेदी येह। मिहरोगीॱराङ ख्‍याया़ला सेम काहसो दाङ स्‍य़िहदे नाङज्‍यु। ओ़हठीॱराङ पेहती नाम्‍पार-ताहक्‍पा थुगी ओङगी ख्‍यागी रेहवा तोहरोङ माहङबु माहङबु पेहती डो ख़ूज्‍यु।

रोमी 15:4

सुङरापला प्रुहक्‍योकी सुङदेनया़ ओहराङला लोप्‍ताम क्‍याहप्‍च्‍येकी तेहन्‍दाला प्रुहक्‍यो यिहम्‍बा। ओहराङगी रेहवाला स्‍यि मी़हच्‍य़ूज्‍येगी तेहन्‍दाला छ्य़ेगी ओहराङला ना़ ख़ूएँकी ओङ दाङ स्‍युक क्‍ये च्‍य़ूगे।

रोमी 2:7

या़हबु ल़ेहया़ पेहती ज़िज्‍यिद, चा दाङ था़ म़ेहबाकी मिहली ज़ाङबु छोल्‍गेया़ला किन्‍ज्‍योगी था़ म़ेहबाकी मिहली ज़ाङबु नाङज्‍ये येह।

रोमी 8:25

यिहॱनाङ का़हलेॱआङ ओहराङगी माहथोङबाकी से़हला रेहवा पेहकें माना, ओहराङ ओ़हगी तेहन्‍दाला ना़स्‍यीङ छ्यिम्‍बु पेहती कू़हदी तेहकें।

१ कोरिन्‍थी 13:13

ता़ह दि केच्‍या सुमदी नाहम्‍स्‍यी किन्‍दुॱराङ लिहच्‍ये येह– यिह-छ्य़े, रेहवा दाङ चेवा। ओहले दि सुम नाहङला थाम्‍ज्‍यी म़ेदी छ्येस्‍योदी चेवाॱराङ यिहम्‍बा।

२ कोरिन्‍थी 12:8

दिला टा़ह च्‍य़ू नाङदोङ म़ेदी ङाहगी लेहमा सुम थु चो़वो ङ्याम्‍बु ओहर-छ्य़े स्‍युहसीन।

फिलिप्‍पी 3:1

ज्‍युक्‍स्‍योलला आदा-नो़ह दाङ आज्‍यी-नुहमुया़, चो़वोला ख्‍याया़ सेम काहसो पेहतोङ। ख्‍याया़ला ओ़ह तामया़ येहपाराङ लो़री क्‍याहप्‍ती प्रुहज्‍येला ङाह छेर्स्‍यी मेहबेएँ। दिगी ख्‍यागी यिह-छ्य़ेला थार च्‍य़ूगे।

फिलिप्‍पी 4:4

चो़वोकी छेनला नाहम-माना काहसो पेहतोङ। ङाह येहपाराङॱआङ माएँ, काहसो पेहतोङ।

कलस्‍सी 1:11

किन्‍ज्‍योकी ज़िज्‍यिदगी ओङ लाहमले ओहङग्‍यो स्‍युक ज्‍योर्ती ख्‍या सान्‍दी डो ख़ूज्‍यु माएँ ङ्यिहती सोल्‍वाङ येहबा। ओ़हठी यिहन्‍सीमाना ख्‍यागी ना थाम्‍ज्‍यी क़ेहनाङ पेहती थिर पेहती ना़ ख़ूज्‍ये येह।

कलस्‍सी 1:27

खुङया़ला मिह थाम्‍ज्‍यीगी तेहन्‍दाला छ्यिम्‍बु तिहङ-रिहङबुगी तेहन्‍दा खा फे़ तेर्केन किन्‍ज्‍योकी राहङगी ज़ोक्‍योकी च्‍याहम्‍दा यिहम्‍बा। तिहङ-रिहङबुगी ताम दिराङ यिहम्‍बा, मास्‍यीका ख्‍या ङ्याम्‍बु ज़्‍य़ू नाङदी येहबा। दिगी तेहन्‍दा किन्‍ज्‍योगी ज़िज्‍यिदला ख्‍यागी बो ज्‍योर्च्‍ये येह।

कलस्‍सी 4:12

ख्‍या नाहङदीॱराङ नो़ह मास्‍यीका येशूगी योक्‍पु इपाफ्रासगीॱआङ ख्‍याया़ला टास्‍यी-देले ताङदे येह। खोगी नाहम्‍माॱनाङ ख्‍याला सोल्‍वाङला टेहम्‍बा साल्‍दी ख्‍या किन्‍ज्‍योला सान्‍दी डो ख़ूज्‍यु, यिह-छ्य़ेला च्‍यिप्‍क्‍यो ओहङ ख़ूज्‍यु ओहले काया़ ची़ ख़ूज्‍यु म़ेदी कादुप च्‍येती सोल्‍वाङ ताप्‍को येह।

कलस्‍सी 4:2

ख्‍या जेम्‍बु पेहती थुज्‍यी-छ्ये़ फुल्‍दी सोल्‍वाङ ताप्‍तेॱराङ तेहतोङ।

१ थेसलोनिकी 1:3

च्‍यिबेमाना ओहराङगी किन्‍ज्‍यो दाङ याहपकी दिनला ख्‍या फे़बे मे़हमेया़की तेहपाकी ल़ेह दाङ चेवा लाहमले पेहक्‍योकी कादुप ओहले ओहराङ चो़वो येशू मास्‍यीका थो़ला ज़्‍या़क्‍योकी रेहवाला ख्‍या फ़ेबे-म़ेहमेया़गी क़ूह तेहती येहबा म़ेदी ङ्यिहगी नाहम माॱनाङ टेहम्‍बा साल्‍दीॱराङ येह।

१ थेसलोनिकी 5:8

यिहॱनाङ ओहराङदी ङ्यिहमागी छार्क्‍यीन यिहन्‍गे सोङबे ओहराङ जेम्‍बु पेह कोहकें। ओहराङगी तेहपा दाङ चेवाकी कू़हगे स़ेह प्राहङगोला केहन कोहकें ओहले स्‍याहमु ल़ेहमु पेहती थार्पाकी रेहवाला केहन कोहकें।

२ थेसलोनिकी 1:4

ओ़ह सोङबे काहन्‍डुमु तुहक्‍पु दाङ हाल्‍ग्‍यीया़ ओहङॱनाङ ख्‍या फ़ेबे-म़ेहमेॱया थिर जेती किन्‍ज्‍योला तेहपा पेहती ज़्‍य़ू नाङसीन, दिगी तेहन्‍दाला किन्‍ज्‍योगी छेन्‍छोकया़की पाहरक्‍यीला ङ्यिह छ्य़ेन्‍दो तेन्‍दी ताम मा ख़ूएँ।

२ थेसलोनिकी 3:5

चो़वोगी ख्‍या फ़ेबे-म़ेहमेया़गी सेमला किन्‍ज्‍योगी चेवा दाङ मास्‍यीकाकी ना ख़ूएँगी ओङ ङो़ले ठि-नाङज्‍यु।

१ तिमोथी 6:11

यिहॱनाङ ख्‍ये किन्‍ज्‍योकी मिह यिहन्‍गे सोङबे दि थाम्‍ज्‍यी चोक्‍पा तामया़ ङो़ले था़-रिहङबुराङ तेह, ओहले ख्‍येगी राहङगी टाहङदेनला किन्‍ज्‍योला क्‍याप्‍च्‍येला, यिह-छ्य़ेला, चेवाला, थिक-चि पेहती तेहच्‍येला ओहले राहङला ङ्येम्‍बु ज़ोएँगी से़हया़ थो़ला राहङगी सेम ताङदोङ।

२ तिमोथी 3:10

ता़हनी ख्‍येगी ङाहगी लुहङ, ङाहगी डोलु-तेहलु, ङाहगी मिहलीकी सेम्‍बाया़, ङाहगी यिह-छ्य़े, ङाहगी ना़स्‍यीङ छ्यिम्‍बु, ङाहगी चेवा, ङाह सेम थिर पेहती तेहक्‍यो थोङदी येह।

तीतस 2:13

ङ्यिहगी सोनाम-साक्‍पुकी रेहवा– ओहराङगी थाम्‍ज्‍यी म़ेदी चा़ छ्यिम्‍बु किन्‍ज्‍यो दाङ ओहराङला थार्पा नाङगेन येशू मास्‍यीका राहङगी ज़िज्‍यिद छ्यिम्‍बुला फेप नाङगेन्‍गी ङ्यिहमाला ङ्यिह क़ूह तेहको येहबा।

तीतस 3:7

दि ल़ेहमु जेती किन्‍ज्‍योकी काटीनगी ओहराङ किन्‍ज्‍योकी कुम्‍देनला ठाबे सी़ह ख़ूसीन। ओहले ओहराङगी रेहवा पेहक्‍योगी था़ म़ेहबा मिहली ज्‍योर्केन्‍गी हकदार डो ख़ूसीन।

हिब्रू 10:32

ओ़ह तोहङमागी ङ्यिहमाया़ टेहम्‍बा साल्‍दोङ। ओहजे काहङला ख्‍याया़गी किन्‍ज्‍योकी क्‍या-साङे ज्‍योर फान्‍ज्‍यो माहङबुराङ तुहक्‍पु खुर कोहसीन यिहॱनाङ ख्‍याया़गी सेम मा-फाम्‍बु माहकाहल।

हिब्रू 10:36

किन्‍ज्‍योकी थु-सेम छाङबु पेहच्‍येला ओहले मिहरोगी ताहम्‍ज्‍या ज़्‍या़ नाङग्‍योकी केच्‍याया़ ज्‍योर्च्‍येला ख्‍या थिक-चि पेहती कू़हदी तेहतोङ।

हिब्रू 12:1

ओहराङ देजे माहङा मिह पाङबुया़गी पाहरक्‍यीला येहकें सोङबे ओहराङ डोएँगी लाहमला का़ज्‍ये छोल्‍गेन्‍गी से़हया़ ओहले ओहराङला कोहल च्‍य़ूगेन्‍गी तिहक्‍पाया़ला ओहराङगी क्‍युर कोहएँ ओहले ओहराङ थाक-ताङदी किन्‍ज्‍योगी ते़ च्‍यू़ नाङग्‍योगी ग्‍या़ ङो़ले छ्योङ कोहएँ।

हिब्रू 3:6

यिहॱनाङ मास्‍यीकाती किन्‍ज्‍योगी ज़िम्‍गाङला यिह-छ्य़ेबु स़ेबु येहकें। ओहराङगी रेहवाला ओहराङगी तिङ थुराङ स्‍युक छ्यिम्‍बु दाङ म़ेहबा पेहसीनमाना ओहराङ किन्‍ज्‍योगी ज़िम्‍गाङ यिहम्‍बा।

हिब्रू 5:7

येशू राहङगी मिहगी मिहली नोम नाङगेमु राहङला स्‍यिएँगी ओङलेगी थार च्‍य़ू थुप्‍केन किन्‍ज्‍यो ङ्याम्‍बु स्‍योम्‍दी मिज्‍यु ताङगेराङ सोल्‍वाङ ताप नाङसीन। मास्‍यीकाकी दि रोहवा स्‍यिहवा दाङ किन्‍ज्‍योला क्‍याप्‍क्‍यो ज़ी़दी किन्‍ज्‍योगी मिहरोगी सोल्‍वाङ सेन नाङसीन।

हिब्रू 6:12

ओ़हठी पेहसीनमाना ख्‍याया़गी ल़ेहमी-लाहम पेहच्‍ये म़ेह यिहॱनाङ तेहपा दाङ ना़स्‍यीङ छ्यिम्‍बु पेहती किन्‍ज्‍योकी ताहम्‍ज्‍या तेहन्‍दा डुप च्‍य़ूगेन्‍गी मिहया़ ल़ेहमु डोज्‍ये येह।

हिब्रू 6:15

अब्राहामगी ना़स्‍यीङ छ्यिम्‍बु पेहती कू़हदी तेहसीन ओहले किन्‍ज्‍योगी ताहम्‍ज्‍या ज़्‍या़ नाङग्‍योकी मेलामया़ खोगी ज्‍योर्सीन।

याकूब 5:7

ओ़ह सोङबे आदा-नो़ह दाङ आज्‍यी-नुहमुया़, चो़वो फेप माहनाङ थु ना़स्‍यीङ छ्यिम्‍बु पेहती कू़हदी तेहतोङ। त़ेदोङ, सा-ल़ेह पेहकेन मिहगी चा़ छ्यिम्‍बु कामेकी रेहवा पेहती सेर्का दाङ यार्कागी नाम माहक्‍याहप थु ना़स्‍यीङ छ्यिम्‍बु पेहती कू़हदी तेहकें।

१ पत्रुस 4:13

यिहॱनाङ मास्‍यीकाकी तुहक्‍पु ख्‍यागीॱआङ ङ्याम्‍बुराङ खुर ङ्युहङगेमु क़ेहनाङ पेहतोङ, ओहले मास्‍यीका राहङगी ज़िज्‍यिद छ्यिम्‍बुला फेप नाङगेमु ख्‍याॱआङ क़ेहनाङ दाङ सेम काहसो पेह ख़ूज्‍ये येह।

१ पत्रुस 4:7

ता़ह ना थाम्‍ज्‍यी तोङदी डोएँगी ती़हजी पोहलाराङ लेप सिहन्‍दी येह। ओ़ह सोङबे राहङगी सोल्‍वाङकी तेहन्‍दाला राहङ सेम थिक-चिला ज़्‍या़दी जेम्‍बु पेहती तेहतोङ।

२ पत्रुस 1:6

येहन्‍देनला सेम टिहला ज़्‍या़गेन्‍दी पा़हदोङ, सेम टिहला ज़्‍या़गेन्‍दीला ना़स्‍यीङ छ्यिम्‍बु पेहकेन्‍दी पा़हदोङ, ना़स्‍यीङ छ्यिम्‍बु पेहकेन्‍दीला छ्य़ेसेम पा़हदोङ

ज्‍याल्‍गा 13:10

चोन-खाङला डो कोहएँदी चोन-खाङलाराङ डोज्‍ये येह, पादाङगी तुप्‍ती स्‍यि कोहएँया़ पादाङगीॱराङ तुप्‍ती स्‍यिज्‍ये येह। ओ़ह सोङबे किन्‍ज्‍योकी मिहया़ ङ्याम्‍बु ना़स्‍यीङ छ्यिम्‍बु दाङ तेहपा ओहङ कोहएँ।