रोमी 12:1 - ह्योल्मो1 ङाहगी निङज्यी पेहक्योगी आदा-नो़ह दाङ आज्यी-नुहमुया़, किन्ज्योकी थुज्यी माहङबुराङ ख्या थो़ला येहबा। ओ़ह सोङबे राहङगी ज़ुबुला नाम्पार-ताहक्पा दाङ किन्ज्योगी थु-सेम जे नाङगेन्गी सोम्बो मार्च्ये जे़दी किन्ज्योला स्याहप्तो स्य़ूहज्येला मिहरोगी दिनला फुल्दोङ म़ेदी ङाह ख्याया़ला ओहर-छ्य़े स्युहउ येह। ख्यागी यिहगी फुल कोहएँगी तेहन्दामगी मार्च्येॱआङ दिराङ यिहम्बा। အခန်းကိုကြည့်ပါ။ |
रोमी 12:1
49 ပူးပေါင်းရင်းမြစ်များ
ख्या जाम्बुलीङकी मिहया़ला पे त़ेदी खुङ ल़ेहमुराङ पेहच्ये माहछोल, यिहॱनाङ ख्या राहङ सेमला साम्बा काहल्दी सेम तिहङ यिहन्ज्युराङ किन्ज्यो ङो़ले ग्युर्तोङ। ओहले किन्ज्योकी ज़ी़लुला च्यि या़हबु यिहम्बा, च्यि से़हगी किन्ज्योकी थु काहसो ज़ोएँ ओहले किन्ज्योकी याहङ-ताहक्पा थु-सेम च्यि यिहम्बा, ओ़ह ख्याया़गी ङ्याहम च्ये ख़ूज्यु।
लेहमेन क्यिहपाया़गी तेहन्दाला किन्ज्योगी ङाहला मास्यीका येशूला स्याहप्तो स्युहएँकी मिह ज़ो नाङसीन। लेहमेन क्यिहपाकी मिहया़ नाम्पार-ताहक्पा थु लाहमले चाङमा काहल्दी किन्ज्योकी थु ङ्ये़बाकी डेल्बा ओहङ ख़ूज्यु म़ेदी मिहरोगी ङाहला राहङदी या़हबु लेहङगु स्येच्येला पूजाहारीगी ल़ेहया़ चि क्याहप नाङसीन।
मिह-ज़ुबुला ते़बे माहङबुराङ मा फाम्बुया़ ओहङगे ओ़ह ल़ेहमु मा-फाम्बु ख्या ङ्याम्बुॱआङ येहकें सोङबे ङाह ख्याया़गी ङोह स्य़े ख़ूएँ पेहती ताम माएँराङ येहबा। च्यिबेमाना ख्याया़गी लेहमा च्यी़ राहङ ज़ुबुकी ओङबुया़ला मेहचाङा दाङ तोहरोङ माहङबु तिहक्पाया़ पेहच्येला चि क्याहप्क्यो येहकें, ता़ह ओ़हठीॱराङ पेहती नाम्पार-ताहक्पा ओहङज्येला राहङ ओङबुया़ला टाहङदेनकी योक्पु ज़ोज्येला चि क्याहप्तोङ।
ङाहगी ज्योर कोहएँ म़ेदी माहङबु ज्योर्ती येह। ख्यागी इपाफ्रोडिटसकी लाहक्पाला ताङग्यो डेल्बाया़ ज्योर्ती ङाह दाङस्यी काहल्दी येह। दि डेल्बा तेर्ती ख्यागी किन्ज्योला थु काहसो ज़ोएँगी छ्येपा फुल्सीन, दि डेल्बा किन्ज्योला टिहमा स्यिहम्बु खाएँगी स्युक्पा फुल्ग्यो ल़ेहमुराङ काहल्सीन।
ता़ह ज्युक्स्योलला आदा-नो़ह दाङ आज्यी-नुहमुया़, चो़वो येशूगी छेनला ङ्यिह राहङ फ़ेबे-म़ेहमेया़ला थाल्मा च्याहर्ती दि उर्चु पेहको येह, ख्या फ़ेबे-म़ेहमेया़गी ङ्यिह लाहमले किन्ज्योला थु ङ्ये़एँगी डोलु-तेहलुया़ लोप नाङदी येह ओहले लोप्क्यो ल़ेहमुराङ ख्या फबे-मे़हमेया़गी नाहरे जे नाङगेराङ येह। ओ़ह ल़ेहमु डोलु-तेहलुया़ला ख्या फ़ेबे-म़ेहमेॱया जेन-जेन या़हबु पेहती फेप नाङदोङ।
ကြော်ငြာတွေ