रोमी 11:29 - ह्योल्‍मो

²⁹ च्‍यिबेमाना किन्‍ज्‍यो राहङगी नाङग्‍यो काबापया़ नाहमॱआङ लो़दी नोम मेहनाङगे ओहले क़े क्‍याहप नाङग्‍योया़ला नाहमॱआङ क्‍युर ज़्‍या़ मेहनाङगे।

रोमी 11:29 ပူးပေါင်းရင်းမြစ်များ

रोमी 11:30

तोहङले ख्‍याया़ॱआङ लेहमा च्‍यी़ किन्‍ज्‍योकी काया़ मिहची़उ येहकें यिहॱनाङ ताहन्‍दा इस्राएलीया़गी किन्‍ज्‍योकी का मा़हचीबा सोङबे च्‍यी़राङ किन्‍ज्‍योगी ख्‍याया़ला थुज्‍यी ज़ी़ नाङसीन।

रोमी 8:28

ङ्यिहला क्‍यी़ह येह, किन्‍ज्‍योला चेवा पेहकेनया़ दाङ मिहरोगी थु-सेम जेती क़े क्‍याहप नाङग्‍यो मिहया़गी तेहन्‍दाला च्‍यिला-माना मिहरोगी या़हबुॱराङ जे नाङगे।

रोमी 8:30

सु सुला किन्‍ज्‍योगी तोहङलेराङ दाम नाङबा, खुङया़ला मिहरोगी क़ेॱआङ क्‍याहप नाङसीन, ओहले सु सुला मिहरोगी क़े क्‍याहप नाङबा, खुङया़ला मिहरोगी टाहङबुॱआङ सी़ह च्‍य़ू नाङसीन, ओहले सु सुला मिहरोगी टाहङबु सी़ह च्‍य़ू नाङबा, खुङया़ला मिहरोगी ज़िज्‍यिदॱआङ नाङसीन।

१ कोरिन्‍थी 1:26

आदा-नो़ह दाङ आज्‍यी-नुहमुया़, ख्‍याला किन्‍ज्‍योगी क़े क्‍याहप नाङगेमु ख्‍या काह-ठि येहकें? ओ़ह साम्‍लु ताङदोङ। मिहया़गी थोङदाङला ख्‍या नाहङला माहङबुराङ आदा-नो़ह दाङ आज्‍यी-नुहमुया़ खेम्‍बा ताहक्‍पु, ओङ छ्यिम्‍बु दाङ मिह छ्युक्‍पुकी खाङबाला क्‍येक्‍योकी मिहया़ म़ेहबा येहकें।

एफिसी 1:18

ङाह दिगी तेहन्‍दालाॱआङ सोल्‍वाङ ताप्‍को येह, ख्‍याया़की सेमकी मी़ क्‍या-साङे डोज्‍यु, ओहले का़हन्‍दी रे़हवाकी तेहन्‍दाला मिहरोगी ख्‍याया़ला क़े क्‍याहप नाङग्‍यो यिहम्‍बा, ओहले मास्‍यीकाकी नाम्‍पार-ताहक्‍पा मिहया़ला मिहरोकी ज़िज्‍यिद क्‍युहगी ओङ च्‍यि यिहम्‍बा, ओ़ह ख्‍याया़गी ङोह स्‍य़े ख़ूज्‍यु।

एफिसी 4:1

ओ़ह सोङबे, चो़वोकी तेहन्‍दाला चोन-खाङला छ्यिक्‍यो ङाह पावल, ख्‍याया़ला ओहर-छ्य़े स्‍युहउ येह, किन्‍ज्‍योगी ख्‍याया़ला च्‍यिगी तेहन्‍दाला क़े क्‍याहप नाङग्‍यो यिहम्‍बा ओ़हला ते़बे राहङगी डोलु-तेहलु या़हबु पेहती मिहजी ताङदोङ।

एफिसी 4:4

ज़ुबु च्‍यिमे च्‍यी़राङ यिहन, ओहले थुॱआङ च्‍यिमे च्‍यी़राङ ज़्‍य़ू नाङदी येह, ख्‍याया़ला किन्‍ज्‍योगी क़े क्‍याहप नाङगेमु रेहवा च्‍यी़लाॱराङ क़े क्‍याहप नाङग्‍यो यिहम्‍बा।

फिलिप्‍पी 3:14

ओ़ह सोङबे स्‍यिहङगामकी च्‍याहगा ज्‍योर्केन छ्याप्‍स्‍यीगी ते़-च़ूक्‍यो ग्‍या़ ङो़ले ङाह छ्योङगेराङ येह। दिगी तेहन्‍दालाराङ किन्‍ज्‍योगी ङाहला मास्‍यीका येशू लाहमले क़े क्‍याहप नाङग्‍यो यिहम्‍बा।

२ थेसलोनिकी 1:11

ओ़ह सोङबे किन्‍ज्‍योगी का़हन्‍दी मिहलीगी तेहन्‍दाला ख्‍या फ़ेबे-म़ेहमेया़ला क़े क्‍याहप नाङग्‍यो यिहम्‍बा, ओ़ह मिहलीला ते़बे राहङगी मिहजी ताङज्‍येला सी़हएँगी मिहया़ ज़ो नाङज्‍यु ओहले राहङ फ़ेबे-म़ेहमेया़गी सेमला या़हबु ऩेक्‍योगी थाम्‍ज्‍यीराङ से़हया़ दाङ तेहपागी छ्या़लेया़ किन्‍ज्‍योकी ओङगी जेतीॱराङ तेहन्‍दा डुप च्‍य़ू नाङज्‍यु।

२ तिमोथी 1:9

किन्‍ज्‍योगी ओहराङला थार च्‍य़ू नाङसीन, ओहले नाम्‍पार-ताहक्‍पा मिहलीगी तेहन्‍दाला क़े क्‍याहप नाङसीन। ओहराङगी पेहक्‍योगी ल़ेहला ज़ी़दी मिहम्‍बा यिहॱनाङ किन्‍ज्‍यो राहङगी थु दाङ काटीन लाहमले जे नाङग्‍यो यिहम्‍बा। जाम्‍बुलीङ छ्या़गे म़ेदी तोहङलेराङ ओहराङला मास्‍यीका येशूगी दि काटीन नाङग्‍यो यिहम्‍बा।

हिब्रू 3:1

ओ़ह सोङबे किन्‍ज्‍योगी क़े क्‍याहप नाङग्‍यो नाम्‍पार-ताहक्‍पा आदा-नो़ह दाङ आज्‍यी-नुहमुया़, ङ्यिहगी ल़ेह-पेन दाङ गो-छ्येवा पूजाहारी म़ेदी ची़नाङ पेहक्‍यो येशू ङो़ले सेम ताङदोङ।

हिब्रू 7:21

यिहॱनाङ किन्‍ज्‍योगी ना क्‍याल्‍दीराङ येशूला पूजाहारी ज़ो नाङसीन, ओहले मिहरोगी तेहन्‍दाला किन्‍ज्‍योगी छ्य़ेला दि ल़ेहमु सुङ नाङदी येहबा, “चो़वो छ्येवागी ना क्‍याल नाङदी येह, ओहले मिहरोगी थु नाहमॱआङ ग्‍युर्च्‍ये म़ेह, ‘ख्‍ये नाहम-मानागी तेहन्‍दाला पूजाहारी ओहङज्‍ये येह’।”

२ पत्रुस 1:10

ओ़ह सोङबे आदा-नो़ह दाङ आज्‍यी-नुहमुया़, किन्‍ज्‍योगी ख्‍याया़ला क़े क्‍याहप नाङग्‍यो दाङ दाम नाङग्‍यो केच्‍याला थिउ-निउ पेहच्‍ये छोल्‍दोङ। ख्‍याया़गी दि ल़ेहमु पेहसीनमाना ख्‍या नाहमॱआङ रिहल्‍ज्‍ये म़ेह।