रोमी 11:28 - ह्योल्‍मो

²⁸ च्‍यिबेमाना खुङया़गी या़हबु लेहङगुला यिह मा़हछ्येबा सोङबेॱराङ खुङ ख्‍याया़गी तेहन्‍दाला किन्‍ज्‍योकी टाहया़ काहल्‍सीन, यिहॱनाङ किन्‍ज्‍यो राहङगीराङ खुङया़ला दाम नाङग्‍यो सोङबे ओहले खुङया़दी चावाया़की तेहन्‍दागी पेहती खुङया़ किन्‍ज्‍योगी च्‍य़ेबुया़ यिहन।

रोमी 11:28 ပူးပေါင်းရင်းမြစ်များ

मत्ती 21:43

“ओ़ह सोङबे ङाह ख्‍याया़ला माएँ, किन्‍ज्‍योगी क्‍याहल्‍सी ख्‍याया़लेगी फ्रो़दी सेदो या़ह च्‍य़ूगेन्‍गी लेहमेन क्‍यिहपा च्‍यी़ला तेर्च्‍ये येह।

लूका 1:54

किन्‍ज्‍योगी ङाहगी आख्‍ये मे़हमेया़ ङ्याम्‍बु ज़्‍या़ नाङग्‍योकी ताहम्‍ज्‍या तेहन्‍दा डुप च्‍यु नाङदी राहङगी योक्‍पु इस्राएलला रो़हराम जे-नाङदी येह।

ल़ेह-पेन 14:2

यिहॱनाङ चो़वो छ्येवाला यिह मा़हछ्येबा यहूदीया़गीदी लेहमेन क्‍यिहपागी मिहया़ला ख्‍येर क्‍याहप्‍ती येशूला यिह-छ्य़े पेहकेन्‍गी आदा-नो़हया़ ङ्याम्‍बु ठ़ूस्‍यी पेह च्‍य़ूसीन।

ल़ेह-पेन 18:6

ओहले खुङया़गी पावलला खा लो़हदी स्‍ये़हन्‍डील पेहसीन। ओ़ह सोङगोराङ पावलगी राहङगी काप्‍च्‍या प्रू़दी खुङया़ला दि ल़ेहमु मासीन, “ख्‍याया़गी तिहक्‍पा ख्‍याया़लाॱराङ फो़ज्‍यु, ता़ह ङाहला ङ्य़ेहबा फो़ज्‍ये म़ेह। ता़ह यिहन्‍ज्‍यु ङाह लेहमेन क्‍यिहपागी मिहया़साला डोज्‍ये येह।”

रोमी 11:11

ओ़ह सोङबे ङाह माएँ, खुङया़ तोङज्‍येलाॱराङ नार्तो क्‍याहप्‍ती रिहल्‍ग्‍यो यिहम्‍बा ले? ओ़ह ल़ेहमु मिहम्‍बा। इस्राएलीया़गी किन्‍ज्‍योकी का मा़हचीबा सोङबे खुङया़गी ज्‍योर कोहएँगी थार्पा लेहमेन क्‍यिहपाकी मिहया़गी ज्‍योर्सीन। दि थोङदी इस्राएलीया़गी खुङ ङ्याम्‍बु ठादो पेहच्‍यु।

रोमी 11:30

तोहङले ख्‍याया़ॱआङ लेहमा च्‍यी़ किन्‍ज्‍योकी काया़ मिहची़उ येहकें यिहॱनाङ ताहन्‍दा इस्राएलीया़गी किन्‍ज्‍योकी का मा़हचीबा सोङबे च्‍यी़राङ किन्‍ज्‍योगी ख्‍याया़ला थुज्‍यी ज़ी़ नाङसीन।

रोमी 11:7

ओ़हठी यिहन्‍सीमाना दिगी तेहन्‍दा च्‍यि काहल्‍बा ले? थाम्‍ज्‍यी इस्राएलीया़गी राहङगी छोल्‍ग्‍यो स़ेह ज्‍योर मा़हखु यिहॱनाङ ओ़ह स़ेह किन्‍ज्‍योगी दाम नाङग्‍यो ङ्युहङसे़ इस्राएलीया़गी च्‍यी़राङ ज्‍योर्सीन। लेहमेन लिहक्‍यो इस्राएलीया़दी सेम सान्‍दी पेहती तेहसीन।

रोमी 5:10

च्‍यिबेमाना ओहराङ किन्‍ज्‍योगी टाह येहकेमुराङ मिहरोगी स़ेबु ओहराङगी तेहन्‍दाला टोहङ नाङसीन ओहले मास्‍यीकाकी स्‍यिवा लाहमले किन्‍ज्‍योगी ओहराङला राहङदीराङ रो़ह ज़ो नाङदी येह मासीमाना, ता़ह ओहराङ तोहरोङ माहङबु किन्‍ज्‍यो ङ्याम्‍बुराङ डी़क्‍यो सोङबे मास्‍यीकाकी मिहली लाहमले किन्‍ज्‍योगी ओहराङला थार च्‍य़ू नाङज्‍ये येह।

रोमी 9:5

इस्राएलीया़ ज्‍यिबुराङ छ्यिम्‍बु मिहन थोप्‍क्‍यो चावाया़गी छार्क्‍यीन यिहम्‍बा, मास्‍यीका मिहरोॱआङ दि क्‍यिहपाला ठुङ नाङसीन। मिहरोनी थाम्‍ज्‍यी थो़ला ठिम ताङ नाङगे किन्‍ज्‍योॱराङ यिहम्‍बा। मिहरोला नाहम-माना त़ेरा तेच्‍या फुल्‍ज्‍यु। आमेन।