रोमी 11:22 - ह्योल्‍मो

²² ओ़ह सोङबे किन्‍ज्‍योकी निङज्‍यी दाङ मिहरोकी थु सान्‍दीला ख्‍यागी साम्‍लु ताङदोङ। तोङदी डोएँया़गी तेहन्‍दाला मिहरोगी राहङगी थु सान्‍दी जे नाङगे ओहले मिहरोगी निङज्‍यी चो़ला तेहकेया़लाती मिहरोगी निङज्‍यी जे नाङगे, मिहन्‍सीमानानी ख्‍याया़ॱलाङ तुप्‍ती क्‍युर नाङज्‍ये येह।

रोमी 11:22 ပူးပေါင်းရင်းမြစ်များ

लूका 8:15

ओहले या़हबु साला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी किन्‍ज्‍योगी सुङदेन ङ्यिहन्‍दी सेमला ज़्‍या़एँ, ओहले सुङदेनगी सुङग्‍यो ल़ेहमुराङ ल़ेहया़ पेहकें ओहले ती़हजी लेप्‍केमु माहङबु म़ेदी माहङबु सेदो या़हगे” म़ेदी येशूगी स्‍याहप्‍च्‍यीया़ला ह्‍अ कोह च्‍य़ू नाङसीन।

यूहन्‍ना 15:2

सेदो मे़हयाहएँगी याहल्‍गा थाम्‍ज्‍यी मिहरोगी तुप्‍ती क्‍युर नाङगे, यिहॱनाङ सेदो याहगेन्‍की याहल्‍गाया़लाती जेन माहङबु याहज्‍यु म़ेदी मिहरोगी सील नाङगे।

यूहन्‍ना 8:31

येशूगी राहङ थो़ला यिह छ्य़ेगेन यहूदीया़ला सुङ नाङसीन, “ख्‍यागी ङाहती सुङदेन ची़दी तेहसीन माना ख्‍या तेहम्‍बाराङ ङाहती स्‍याहप्‍च्‍यी यिहम्‍बा।

ल़ेह-पेन 11:23

एन्‍टिओखियाला लेप्‍केमु किन्‍ज्‍योगी ओ़ह मिहया़ला थुज्‍यी ज़ी़दी मेलाम नाङग्‍यो थोङदी बारनाबास ज्‍यिबुराङ क़ेहनाङ पेहसीन। ओहले खोगी खुङया़ला चो़वोला राहङ सेम तिहङ यिहन्‍ज्‍युराङ यिह छ्य़ेदोङ म़ेदी आ़र क्‍ये च्‍य़ूसीन।

ल़ेह-पेन 14:22

ओहले खुङ ङ्यी़गी ओ़ह ग्‍या़ला येहकेन्‍गी चो़वो छ्येवागी स्‍याहप्‍च्‍यीया़ला यिह-छ्य़ेला सान्‍दी ज़ोएँॱराङ किन्‍ज्‍योला यिह छ्य़ेदी तेहच्‍येला स्‍युक क्‍ये च्‍य़ूसीन। सेमले खाल्‍दी थिक-चि पेहती तेहच्‍येला आ़र क्‍ये च्‍य़ूसीन। किन्‍ज्‍योगी क्‍याहल्‍सीला लेप्‍कें म़ेदी तोहङले ओहराङगी माहङबुराङ तुहक्‍पु खुर कोहज्‍ये येह म़ेदी लोप्‍ताम क्‍याहप्‍सीन।

रोमी 11:21

किन्‍ज्‍योगी तोहङ यिहन्‍ज्‍युराङ येहकेन्‍गी याहल्‍गाया़लानी ल़े माहताङ माना ख्‍याया़ॱलाङ ल़े ताङ नाङज्‍ये म़ेह।

रोमी 2:7

या़हबु ल़ेहया़ पेहती ज़िज्‍यिद, चा दाङ था़ म़ेहबाकी मिहली ज़ाङबु छोल्‍गेया़ला किन्‍ज्‍योगी था़ म़ेहबाकी मिहली ज़ाङबु नाङज्‍ये येह।

१ कोरिन्‍थी 15:2

का़हलेॱआङ ख्‍याया़ ङाहगी स्‍येक्‍योगी या़हबु लेहङगुला थिक-चि पेहती तेहक्‍यो येहसीमाना ख्‍याया़ दि लाहमले थार सिहन्‍दी येह, मिहन्‍सीमानानी ख्‍याया़गी स्‍यिती काम्‍बुला यिह छ्य़ेसीन।

गलाती 6:9

या़हबु ल़ेह पेहच्‍येकी तेहन्‍दाला ओहराङ नाहमॱआङ थाङ छ्येच्‍ये मेहयोहङगे च्‍यिबेमाना का़हलेॱआङ ओहराङ खोदा माहछ्येपा पेहती या़हबु ल़ेहया़ पेहतीराङ तेहसीन माना ती़हजी लेप फान्‍ज्‍योनी ओहराङगी राहङगी कामेया़ रु-ङ्युहङज्‍ये येह।

१ थेसलोनिकी 3:5

ओ़ह सोङबे ङाहगी ना़ॱराङ मा़हखुबा सोङबे ङ्याहम्‍छेला छ्यि च्‍य़ूगेया़गी ख्‍या फे़बे-मे़हमेया़लाॱआङ ङ्याहम्‍छेला छ्यि च्‍य़ूबा नि म़ेदी ओहले ङ्यिहगी कादुप च्‍येक्‍योदी स्‍यिती काम्‍बुला थोरो डोएँ ज्‍यी़सुगी ख्‍या फ़ेबे-म़ेहमेया़गी यिह-छ्य़े क्‍यी़ह ज्‍योर्च्‍येला ङाहगी तिमोथीला ताङग्‍यो यिहम्‍बा।

१ थेसलोनिकी 3:8

च्‍यिबेमाना ख्‍या फ़ेबे-म़ेहमेॱया चो़वो येशूला यिह-छ्य़े पेहलुला सान्‍दी पेहती ज़्‍य़ू नाङगु दु माएँ ताम थे़गेमु ङ्यिहगी सेम तेहमु काहल्‍दी येह।

हिब्रू 10:23

ओहराङगी सेम तिहङ यिहन्‍ज्‍युराङ यिह छ्य़ेक्‍यो रेहवाला ओहराङ सेम माहयाहङबा पेहती सान्‍दी पेहती ज़ुङदी ज़्‍या़ कोहएँ, च्‍यिबेमाना ताहम्‍ज्‍या ज़्‍या़ नाङगेन्‍गी किन्‍ज्‍यो यिह-छ्य़ेबु ज़्‍य़ू नाङदी येह।

हिब्रू 3:14

तोहङस्‍यो ओहराङगी मास्‍यीकाला यिह छ्य़ेगेमु पेहक्‍योगी म़ेहबा तिङ थुराङ सान्‍दी पेहती ज़ुङदी ज़्‍या़सीन माना, ओहराङ मास्‍यीका ङ्याम्‍बु च्‍यी़ काहल्‍दी येह।

हिब्रू 3:6

यिहॱनाङ मास्‍यीकाती किन्‍ज्‍योगी ज़िम्‍गाङला यिह-छ्य़ेबु स़ेबु येहकें। ओहराङगी रेहवाला ओहराङगी तिङ थुराङ स्‍युक छ्यिम्‍बु दाङ म़ेहबा पेहसीनमाना ओहराङ किन्‍ज्‍योगी ज़िम्‍गाङ यिहम्‍बा।

१ यूहन्‍ना 2:19

ओ़ह टाहया़ ओहराङ नाहङलेॱराङ थेन्‍दी काहल्‍सीन, च्‍यिबेमाना खुङ ओहराङदी मिहम्‍बा यिहन्‍गे। का़हलेॱआङ खुङया़ ओहराङदी यिहम्‍बा यिहनानी खुङ ओहराङ ङ्याम्‍बुराङ तेहच्‍ये येहकें। खुङ ओहराङदी मिहम्‍बा दु म़ेदी या़हबु पेहती क्‍यी़ह ज्‍योर्च्‍येला खुङया़गी ओहराङला क्‍युर ज़्‍या़दी काहल्‍सीन।

ज्‍याल्‍गा 2:5

ख्‍या काहजे थोम्‍बु ग्‍या़ले माहर ताहप्‍क्‍यो दुबा ओ़ह या़हबु नोम्‍साङ ताङदोङ। ता़ह स्‍या़बा डुप्‍तोङ ओहले ख्‍यागी तोहङमा पेहक्‍यो ल़ेहमु ल़ेह पेहतोङ। ख्‍येगी स्‍या़बा मी़हडुप्‍सीन माना ङाह ख्‍येसाला ओहङज्‍ये येह ओहले ख्‍येती छ्येकुङ ओ़ह ग्‍या़लेगी तेन्‍ज्‍ये येह।