रोमी 11:14 - ह्योल्‍मो

¹⁴ दि ल़ेहगी पेहती ङाहती राहङदीराङ क्‍यिहपाकी मिहया़गीॱआङ ख्‍या ङ्याम्‍बु ठादो पेहती लाहला किन्‍ज्‍यो ङो़ले ग्‍युर्के गा यिहम्‍बानी माएँ ङाहला रेहवा येहबा।

रोमी 11:14 ပူးပေါင်းရင်းမြစ်များ

रोमी 10:19

ओ़हठी यिहन्‍सीमाना “च्‍यि इस्राएलीया़गी दि या़हबु लेहङगु ङोह मा़हस्‍येबा ले?” तोहङस्‍यो किन्‍ज्‍योगी मोशा लाहमले खुङया़ला सुङ नाङग्‍यो येहकें, “का़हन्‍दी क्‍यिहपाॱराङ मिहम्‍बा यिहन्‍गे, ङाह ख्‍याला खुङ ङ्याम्‍बु ठादो लाहङ च्‍य़ूज्‍ये येह, उल्‍दुम्‍बा क्‍यिहपा च्‍यी़ लाहमले ङाह ख्‍याया़ला स्‍यिहताङ लाहङ च्‍य़ूज्‍ये येह।”

रोमी 11:11

ओ़ह सोङबे ङाह माएँ, खुङया़ तोङज्‍येलाॱराङ नार्तो क्‍याहप्‍ती रिहल्‍ग्‍यो यिहम्‍बा ले? ओ़ह ल़ेहमु मिहम्‍बा। इस्राएलीया़गी किन्‍ज्‍योकी का मा़हचीबा सोङबे खुङया़गी ज्‍योर कोहएँगी थार्पा लेहमेन क्‍यिहपाकी मिहया़गी ज्‍योर्सीन। दि थोङदी इस्राएलीया़गी खुङ ङ्याम्‍बु ठादो पेहच्‍यु।

रोमी 9:3

ङाहला मास्‍यीकालेगी खा फ़ेगेनकी मे़मु सू़हदी ङाहती क्‍यिहपा दाङ ङाहती यहूदी आदा-नो़ह दाङ आज्‍यी नुहमुया़ती थार्के यिहनानी ङाह ज्‍यिबुराङ क़ेहनाङ लाहङज्‍ये येहकें। खुङया़ थार्च्‍यु माएँज्‍यीराङ ङाहती ज्‍यिबुराङ छ्यिम्‍बु सेम्‍बा येहबा।

१ कोरिन्‍थी 1:21

जाम्‍बुलीङगी रिहक्‍पा-रिहक्‍स्‍यी लाहमले मिहया़गी किन्‍ज्‍योला ङोह स्‍य़े मी़हखुएँ म़ेदी मिहरोला थुयी़ येहकें ओ़ह सोङबे ङ्यिहगी प्रा साल्‍ग्‍यो या़हबु लेहङगुकी उल्‍दुम्‍बा ताम लाहमलेॱराङ यिह छ्य़ेगेया़ला थार च्‍य़ूज्‍ये सुङदी किन्‍ज्‍योगी थु-सेम जे नाङसीन।

१ कोरिन्‍थी 10:33

ङाहगी पेहक्‍यो ल़ेहमुराङ पेहतोङ। ङाहगी राहङला फेन थो़एँगी ल़ेहया़ पेहच्‍ये माहछोल। यिहॱनाङ ला़ खाजे मिह थाम्‍ज्‍यीगी थार्पा थोप ख़ूज्‍यु माएँ सेम पेहती ङाहगी ख्‍यागी तेहन्‍दालाराङ फेन थो़एँगी ल़ेहया़ पेहच्‍ये छोल्‍ग्‍यो यिहम्‍बा।

१ कोरिन्‍थी 7:16

ए पी़हमी, ख्‍येला च्‍यि क्‍यी़ह! का़हलेॱआङ ख्‍येगी राहङगी ख्‍योवाला थार च्‍य़ू ख़ूएँ गा यिहम्‍बानी? ए ख्‍योवा, ख्‍येला च्‍यि क्‍यी़ह! का़हलेॱआङ ख्‍येगी राहङगी पी़हमीला थार च्‍य़ू ख़ूएँ गा यिहम्‍बानी?

१ तिमोथी 1:15

येशू मास्‍यीका तिहक्‍च्‍येम्‍बाया़लाॱराङ थार च्‍य़ू नाङज्‍येला दि जाम्‍बुलीङला फेप नाङग्‍यो यिहम्‍बा, दि सुङ मिह थाम्‍ज्‍यीगी ची़ कोहकेन्‍गी तेहन्‍दामकी ताम यिहम्‍बा। ओहले तिहक्‍च्‍येम्‍बाया़ नाहङला ङाह थाम्‍ज्‍यी म़ेदी छ्येस्‍यो यिहम्‍बा।

१ तिमोथी 2:4

मिह थाम्‍ज्‍यीगी थार्पा ज्‍योर ख़ूज्‍यु ओहले खुङया़गी तेहन्‍दामकी स्‍याहलला या़हबु पेहती ङोह स्‍य़े ख़ूज्‍यु म़ेदी किन्‍ज्‍योगी थु-सेम जे नाङगे।

१ तिमोथी 4:16

राहङगी तेहन्‍दाला ओहले राहङगी लुहङगी तेहन्‍दाला जेम्‍बु पेहती तेह। दि तामया़ला तिङ ङ्या़दीॱराङ तेह। दि ल़ेहमु पेहसीमाना ख्‍ये दाङ ख्‍येगी ताम ङ्यिहन्‍गे ख्‍या ङ्यिकागीराङ थार्पा ज्‍योर्च्‍ये येह।

२ तिमोथी 1:9

किन्‍ज्‍योगी ओहराङला थार च्‍य़ू नाङसीन, ओहले नाम्‍पार-ताहक्‍पा मिहलीगी तेहन्‍दाला क़े क्‍याहप नाङसीन। ओहराङगी पेहक्‍योगी ल़ेहला ज़ी़दी मिहम्‍बा यिहॱनाङ किन्‍ज्‍यो राहङगी थु दाङ काटीन लाहमले जे नाङग्‍यो यिहम्‍बा। जाम्‍बुलीङ छ्या़गे म़ेदी तोहङलेराङ ओहराङला मास्‍यीका येशूगी दि काटीन नाङग्‍यो यिहम्‍बा।

२ तिमोथी 2:10

ओ़ह सोङबे किन्‍ज्‍योगी दाम नाङग्‍योकी मिहया़गी तेहन्‍दाला ङाह च्‍यि स़ेह माना ना़गे, ओ़हगी पेहती खुङया़गीॱआङ था़ म़ेहबा ज़िज्‍यिद ङ्याम्‍बु मास्‍यीका येशू थो़ला येहकेन्‍गी थार्पा ज्‍योर ख़ूज्‍यु।

तीतस 3:5

ओहले किन्‍ज्‍योगी ओहराङला थार्पा नाङसीन। ओहराङगी ल़ेह या़हबु पेहक्‍यो सुङगोराङ दि ल़ेहमु काहल्‍ग्‍यो मिहम्‍बा यिहॱनाङ किन्‍ज्‍योगी ओहराङला निङज्‍यी जेती मिहरोगी ओहराङकी तिहक्‍पाया़ ठु-नाङसीन ओहले नाम्‍पार-ताहक्‍पा थु लाहमले ओहराङला मिहली साम्‍बा नाङसीन।

फिलेमोन 1:12

ङाह खोला येहपाराङ ख्‍येसाला लो़ ताङगेराङ येहबा। खो ङाहगी निङ थाक्‍पाॱराङ यिहम्‍बा!

हिब्रू 1:14

च्‍यि ओ़ह थाम्‍ज्‍यी स्‍यिहङगामकी स्‍याहप्‍च्‍यीया़ थार्पा ज्‍योर्केया़गी तेहन्‍दाला स्‍याहप्‍तो स्‍य़ूहज्‍येला ताङग्‍यो स्‍याहप्‍तो स्‍युहएँकी नाम्‍स्‍यीया़ मिहम्‍बा ले?

हिब्रू 2:3

देजे छ्यिम्‍बु थार्पाला नोम्‍साङ मेहताङसीमानानी जेन काह-ठि पेहती ओहराङ थार ख़ूज्‍ये ले? दि थार्पा तोहङस्‍यो चो़वोगीॱराङ प्रा साल नाङसीन। मिहरोगी प्रा साल नाङग्‍योकी लुहङ ङ्यिहन्‍गेया़गी दि तेहम्‍बा यिहन म़ेदी ङ्यिहला पाङबु तेर्सीन।

याकूब 5:20

दि केच्‍या ख्‍याला क्‍यी़ह ओहङज्‍यु, का़हन्‍दीगी तिहक्‍च्‍येम्‍बा मेहन्‍दा च्‍यी़ला खोगी चोक्‍पा लाहमलेगी लो़दी ख्‍योङगे, ओ़ह मिहगी खोगी यिहला स्‍यिवालेगी थार च्‍य़ूज्‍ये येह, ओहले खोगी माहङबुराङ तिहक्‍पाया़ ता़हज्‍ये येह।