रोमी 10:9 - ह्योल्‍मो

⁹ च्‍यिबेमाना का़हलेॱआङ ख्‍येगी येशूला चो़वो यिहन म़ेदी राहङगी खागी लोक पेहसीन, ओहले किन्‍ज्‍योगी मिहरोला टोहङग्‍योया़लेगी सोम्‍बो ज़्‍याङ च्‍य़ू नाङसीन म़ेदी राहङगी सेमला यिह छ्य़ेसीन माना ख्‍ये थार्च्‍ये येह।

रोमी 10:9 ပူးပေါင်းရင်းမြစ်များ

लूका 12:8

“ङाहगी ख्‍याला माएँ सुगी ङाहला मिहया़गी दिनला ङाहती चो़वो छ्येवा म़ेदी माएँ ओ़हदीला ङाह मिहगी स़ेबुगीॱआङ स्‍यिहङगामकी स्‍याहप्‍च्‍यीगी दिनला खो ङाहती यिहन म़ेदी माज्‍ये येह।

यूहन्‍ना 9:22

यहूदीया़की ज्‍यी़सुगी पेहती खोती आबा-आमागी दि ल़ेहमु माक्‍यो येहकें। च्‍यिबेमाना सुगी येशूला थार्पा नाङगेन्‍गी क्‍याहल्‍बु मास्‍यीका म़ेदी लोक पेहकें, खोला छो़खाङले फिला तेन तेर कोहएँ म़ेदी यहूदीया़की तोहङलेराङ टे़ह क्‍याहप सिहन्‍दी येहकें।

ल़ेह-पेन 16:31

“चो़वो येशूला यिह-छ्य़े पेहतोङ, ओहले ख्‍ये दाङ ख्‍येगी म़ेहमे थाम्‍ज्‍यीगीराङ थार्पा ज्‍योर्च्‍ये येह” म़ेदी पावल दाङ सिलासगी मासीन।

ल़ेह-पेन 2:24

यिहॱनाङ किन्‍ज्‍योगी येशूला टोहङग्‍योलेगी सोम्‍बो ज़्‍याङ च्‍य़ू नाङसीन। किन्‍ज्‍योगी येशूला टोहङग्‍योलेगी खा फे़ नाङसीन। च्‍यिबेमाना स्‍यिवागी येशूला राहङगी ओङ चो़ला ज़्‍या़दी ज़्‍या़ज्‍येला काले का़हबु येहकें।

ल़ेह-पेन 2:32

“ता़ह ओ़ह येशू मास्‍यीकालाॱराङ किन्‍ज्‍योगी टोहङग्‍यो ग्‍या़लेगी सोम्‍बो ज़्‍याङ च्‍य़ू नाङसीन। दि तामगी तेहन्‍दाला ङ्यिह थाम्‍ज्‍यीराङ पाङबु येह।

ल़ेह-पेन 8:36

ओहले खुङ लाहमला डोडोपा काहङला छ्यु येहकेन ग्‍या़ च्‍यी़ला लेप्‍सीन। ओहले ओ़ह ङुहरुम मिहगी मासीन, “ज़ी़-नाङदोङ, देला छ्यु दुबा! ङाहला बप्‍तिस्‍मा लेहन्‍ज्‍येला च्‍यि से़हगी का़ ख़ूएँ ले?”

रोमी 10:10

च्‍यिबेमाना मिहकी यिहगी यिह छ्य़ेदीॱराङ किन्‍ज्‍योगी दिनला टाहङबु सी़हगे ओहले खोगी यिह छ्य़ेक्‍योगी तामया़ राहङगी खागी लोक पेहती थार्पा ज्‍योर्के।

रोमी 14:11

च्‍यिबेमाना छ्य़ेला दि ल़ेहमु प्री़हदी येहबा, “चो़वोगी सुङ नाङगे, ‘ङाह सोम्‍बो येह, मिह थाम्‍ज्‍यी ङाहती दिनला पी़मु च़ूज्‍ये येह, ओहले थाम्‍ज्‍यीगी ङाहला किन्‍ज्‍यो म़ेदी त़ेरा तेच्‍या फुल्‍ज्‍ये येह’।”

रोमी 14:9

दिगी तेहन्‍दालाराङ मास्‍यीका टोहङ नाङसीन ओहले येहपाराङ सोम्‍बो ज़्‍याङ नाङसीन ओ़ह सोङबे मिहरो स्‍यिक्‍योया़ दाङ सोम्‍बोया़ ङ्यिकाराङकी चो़वो यिहम्‍बा।

रोमी 4:24

यिहॱनाङ दि ओहराङगी तेहन्‍दालाॱआङ यिहम्‍बा। ओहले ओहराङ सु सुगी ओहराङ चो़वो येशूला टोहङग्‍यो ग्‍या़लेगी सोम्‍बो ज़्‍याङ च्‍य़ू नाङगे किन्‍ज्‍यो थो़ला यिह छ्य़ेगे खुङॱआङ किन्‍ज्‍योगी दिनला टाहङबु सी़हज्‍ये येह।

रोमी 8:34

ता़ह खुङला सुगी ङ्य़ेहबा काल ख़ूज्‍ये? मास्‍यीका येशू टोहङ नाङसीन यिहॱनाङ टोहङग्‍योया़ नाहङला मिहरो येहपाराङ सोम्‍बो ज़्‍याङ नाङसीन, ओहले ताहन्‍दा मिहरो किन्‍ज्‍योकी योबा ङो़ले ज़्‍य़ू नाङदी येहबा, ओहले मिहरोगी ओहराङगी तेहन्‍दाला किन्‍ज्‍यो ङ्याम्‍बु ओहर-छ्य़े स्‍युह नाङगे।

१ कोरिन्‍थी 12:3

ओ़ह सोङबे ख्‍याया़गी दि ताम ङोह स्‍ये़ज्‍यु माएँ ङाहगी सेम्‍बा येहबा, किन्‍ज्‍योगी थु लाहमले स्‍याहल सुङगे सुज्‍यीगीॱआङ येशूला मे़मु मेहक्‍याहप्‍कें, ओहले नाम्‍पार-ताहक्‍पा थु लाहमले च्‍यी़राङ “येशूॱराङ चो़वो यिहन” म़ेदी मा ख़ूएँ।

फिलिप्‍पी 2:11

किन्‍ज्‍योकी ज़िज्‍यिदगी तेहन्‍दाला थाम्‍ज्‍यीगी येशू मास्‍यीकाॱराङ चो़वो यिहन म़ेदी खागी माज्‍ये येह।

१ पत्रुस 1:21

ओहले मिहरो लाहमलेॱराङ ख्‍याया़गी किन्‍ज्‍योला तेहपा पेहसीन, ओहले ओ़ह किन्‍ज्‍योगीॱराङ मास्‍यीकाला टोहङग्‍योलेगी सोम्‍बो ज़्‍याङ च्‍य़ू नाङसीन ओहले मिहरोला ज़िज्‍यिद-च्‍येन ज़ो नाङसीन, ओ़ह सोङबे ख्‍याया़गी राहङगी तेहपा दाङ रेहवा किन्‍ज्‍यो थो़ला ज़्‍या़गे यिहम्‍बा।

१ यूहन्‍ना 4:15

येशूॱराङ किन्‍ज्‍योगी स़ेबु यिहम्‍बा माएँ मिह ङ्याम्‍बु किन्‍ज्‍यो ज़्‍य़ू नाङगे ओहले खो किन्‍ज्‍यो ङ्याम्‍बु ओहङगे।

२ यूहन्‍ना 1:7

“येशू मास्‍यीका मिहगी कुसो नोम्‍दे फेप माहनाङ” म़ेदी गो़ कोर्के मिहया़ माहङबुराङ जाम्‍बुलीङला ओहङ सिहन्‍दी येह। दि ल़ेहमु मिहया़राङ चिहन क्‍याहप्‍के दाङ मास्‍यीकाला टाह पेहकेनया़ यिहम्‍बा।