रोमी 10:6 - ह्योल्मो6 तेहपा लाहमले किन्ज्योगी दिनला टाहङबु सी़हगेन्की तेहन्दाला छ्य़ेगी दि ल़ेहमु सुङ नाङगे, “ख्येगी सेम-सेमला दि ल़ेहमु माहमा, ‘स्यिहङगामला सु डोएँ’?” (पे यिहॱना़: मास्यीकाला माहर नोम फेप्च्येला) အခန်းကိုကြည့်ပါ။ |
रोमी 10:6
15 ပူးပေါင်းရင်းမြစ်များ
च्यिबेमाना किन्ज्योगी, तिहक्पा कोहङदा तेर्केन्की मार्च्ये फुल्ज्येला मास्यीकाला ताङ नाङसीन। ओ़ह सोङबे येशूगी राहङगी कु-ठा़ ओहराङगी तेहन्दाला स्याहल च्य़ू नाङसीन म़ेदी यिह छ्य़ेगे मिह थाम्ज्यीगी तिहक्पाकी कोहङदा ज्योर्च्ये येह। दि छ्या़ले किन्ज्योगी राहङगी टाहङदेन तेन्ज्येला जे नाङसीन च्यिबेमाना मास्यीका फेप नाङगे म़ेदी तोहङले किन्ज्योगी राहङगी थुयाल ना़दी ज़्य़ू नाङदी येहकें ओहले तोहङले मिहया़गी पेहक्यो तिहक्पाया़ला नाङदा जे माहनाङ।
मास्यीकागी किन्ज्योकी ज़िज्यिदकी क्या-साङे तेन नाङगे ओहले मास्यीकाॱराङ किन्ज्योकी तेहम्बा-तेहन्सुम ङ्य़ेहरी यिहम्बा। ओहले मिहरोगी वाङज्या छ्यिम्बु सुङलाॱराङ रेबेॱराङ से़हया़ छ्या़दे येहबा। मिहया़ला तिहक्पालेगी कोहङदा नाङगेन्गी छ्या़ले छार फान्ज्यो मिहरो वाङज्या छ्यिम्बु नोम्गेन किन्ज्योकी योबा ङो़ले ज़्य़ू नाङसीन।
तेहपा लाहमलेॱराङ नोआगी ओ़ह ती़हजी थु मी़गी थोङॱराङ माहथोङबा से़हया़गी तेहन्दाला किन्ज्यो लाहमले ज़्योरक्यो काला तेहपा पेहती राहङ खाङबा म़ेहमे थाम्ज्यीला थार च्य़ूज्येला छ्यु-टुह च्यी़ ज़ोसीन। दि ल़ेहमु पेहती नोआगी जाम्बुलीङगी मिह रेबेॱराङ तिहक्च्येम्बा यिहन म़ेदी तेन तेर्सीन ओहले खो राहङदी तेहपा लाहमले किन्ज्योगी दिनला मिह टाहङबु सी़ह ख़ूसीन।
ကြော်ငြာတွေ