रोमी 10:3 - ह्योल्‍मो

³ च्‍यिबेमाना किन्‍ज्‍यो लाहमले ओहङगेन टाहङदेनकी तेहन्‍दाला ङोह मा़हस्‍येबा पेहती खुङया़गी राहङदीराङ टाहङदेनकी छ्याप्‍स्‍यीया़ पेहच्‍ये छोल्‍गेमु खुङ किन्‍ज्‍योकी टाहङदेनकी ओङलेगी फिला काहल्‍सीन।

रोमी 10:3 ပူးပေါင်းရင်းမြစ်များ

लूका 10:29

ओहले छ्य़े-ठिमकी लोबेनगी ङाह मिह टाहङबु यिहन म़ेदी तेन्‍ज्‍येला, “आहन्‍डा यिहन्‍सीमाना ङाहगी ख्‍यिम्‍जीदी सु यिहम्‍बा ले लाह?” म़ेदी येशूला स्‍युहसीन।

लूका 16:15

ओहले येशूगी सुङ नाङसीन, “ख्‍याया़ मिहगी दिनला टाहङबु तेन्‍ज्‍येनी छोल्‍गु दु, यिहॱनाङ किन्‍ज्‍योगी ख्‍याया़गी सेम ङोह ख्‍येन्‍गे। मिहगी चा़ पेहक्‍यो से़हया़ला किन्‍ज्‍योगी नाम्‍दो जे नाङगे।

रोमी 1:17

च्‍यिबेमाना ओहराङला किन्‍ज्‍योगी राहङगी दिनला काह-ठि पेहती ठाबे सी़ह च्‍यु नाङगे माएँ ताम या़हबु लेहङगुगी तेन्‍गे। ओहले दिदी ओहराङगी छ़ूगे यिहन्‍ज्‍यु तिङ थु तेहपा लाहमले च्‍यी़राङ ज्‍योर ख़ूएँ। छ्य़ेला दि ल़ेहमु प्री़हदी येहबा, “मिह टाहङबु तेहपा लाहमलेॱराङ थार्च्‍ये येह।”

रोमी 10:2

ङाह दि पाङबु तेर्के, ख्‍यागी किन्‍ज्‍योला राहङगी सेम तिहङ यिहन्‍ज्‍युराङ क्‍याप्‍च्‍येनी क्‍याप्‍कु दुबा, यिहॱनाङ ओ़ह काह-ठि पेहती क्‍याप कोहएँ माएँ तेहन्‍दाला ख्‍याला रिहक्‍स्‍यीती मिहन्‍दु।

रोमी 10:20

किन्‍ज्‍योगी सुङ नाङग्‍यो स्‍याहल लुहङतेम्‍बा यशैयागी तोहरोङ खाम छ्यिम्‍बु जेती सुङ नाङगे, “ङाहला मेहछोल्‍गेनया़गी ङाहला च्‍य़ेह सिहन्‍दी येह, ओहले का़हन्‍दीगी ङाहला छोलॱराङ माहछोल खुङया़गी पाहरक्‍यीला ङाहगी राहङला तेन्‍दी येह।”

रोमी 11:7

ओ़हठी यिहन्‍सीमाना दिगी तेहन्‍दा च्‍यि काहल्‍बा ले? थाम्‍ज्‍यी इस्राएलीया़गी राहङगी छोल्‍ग्‍यो स़ेह ज्‍योर मा़हखु यिहॱनाङ ओ़ह स़ेह किन्‍ज्‍योगी दाम नाङग्‍यो ङ्युहङसे़ इस्राएलीया़गी च्‍यी़राङ ज्‍योर्सीन। लेहमेन लिहक्‍यो इस्राएलीया़दी सेम सान्‍दी पेहती तेहसीन।

रोमी 3:22

दि ल़ेहमु पेहती येशू मास्‍यीकाला तेहपागी मिह थाम्‍ज्‍यीला किन्‍ज्‍योगी टाहङबु सी़ह च्‍य़ू नाङगे च्‍यिबेमाना किन्‍ज्‍योगी सुलाॱआङ ङ्येम्‍बा-ङ्य़ेहरी जे मेहनाङगे,

रोमी 3:26

किन्‍ज्‍यो राहङ टाहङबु ज़्‍य़ू नाङदी येह ओहले येशू थो़ला तेहपा पेहकेया़ला मिहरोगी टाहङबु सी़ह च्‍य़ू नाङज्‍ये येह माएँ तामकी दास्‍यी तेर्च्‍येला मिहरोगी ताहन्‍दागी ती़हजीला दि छ्या़ले जे नाङसीन।

रोमी 5:19

च्‍यिबेमाना आदम मेहन्‍दा च्‍यी़गी किन्‍ज्‍योगी का माहङ्यीहम्‍बा सोङबे मिह थाम्‍ज्‍यीराङ तिहक्‍च्‍येम्‍बा काहल्‍सीन, ओ़हठीॱराङ पेहती मास्‍यीका मेहन्‍दा च्‍यी़गी किन्‍ज्‍योगी का ची़क्‍यो सोङबे मिह माहङबुराङ किन्‍ज्‍योकी दिनला टाहङबु सी़ह ख़ूसीन।

२ कोरिन्‍थी 5:21

मास्‍यीकाला तिहक्‍पाराङ म़ेहबा येहकें, यिहॱनाङ किन्‍ज्‍योगी मास्‍यीका लाहमले ओहराङला मिहरो दिनला ठाबे सी़ह ख़ूज्‍यु म़ेदी मास्‍यीका थो़ला ओहराङगी तिहक्‍पाया़ ज़्‍या़ नाङसीन।

फिलिप्‍पी 3:9

ओहले ङाह मिहरो ल़ेहमुराङ काहल्‍ग्‍यो थोङज्‍यु। छ्य़े-ठिम ची़दे किन्‍ज्‍योकी दिनला ठाबे सी़हगेन ङाह राहङदीराङ टाहङदेन मिहन। यिहॱनाङ ता़ह किन्‍ज्‍योगीॱराङ ङाहला मास्‍यीकाला तेहपा नाङग्‍यो सोङबे ठाबे सी़ह च्‍य़ू नाङगे। दि टाहङदेन तेहपाला छ्या़दी येहबा।

२ पत्रुस 1:1

येशू मास्‍यीकाकी योक्‍पु दाङ ल़ेह-पेन सिमोन-पत्रुस लाहमले, ओहले ओहराङगी किन्‍ज्‍यो दाङ थार्पा नाङगेन येशू मास्‍यीकाकी टाहङदेन लाहमले ङ्यिहती ल़ेहमुराङ चा़ छ्यिम्‍बु तेहपा ज्‍योर्केनया़ला: