रोमी 1:8 - ह्योल्मो8 थाम्ज्यी म़ेदी तोहङस्यो, ङाह ख्या थाम्ज्यीगी तेहन्दाला येशू मास्यीका लाहमले ङाहती किन्ज्योला थुज्यी-छ्ये़ फुल्गे, च्यिबेमाना लुहङबा थाम्ज्यीगी ख्यागी तेहपाकी तेहन्दाला थ़े सिहन्दी येह। အခန်းကိုကြည့်ပါ။ |
रोमी 1:8
25 ပူးပေါင်းရင်းမြစ်များ
ख्याया़गी किन्ज्योकी का या़हबु पेहती ची़उ दु माएँ तामनी मिह थाम्ज्यीला क्यी़हराङ येह, दि तामला ङाह ज्यिबुराङ सेम काहसो येह। यिहॱनाङ ङाह ख्याया़गी दि पेहच्यु माएँ सेम्बा येहबा, का़हन्दी या़हबु येहबा, ओ़हगी तेहन्दाला ख्या ख्येम्बा-ताहक्पु डो कोहएँ, ओहले का़हन्दी चोक्पा येहबा ओ़हला ख्या च्यिॱआङ क्येन म़ेहबा ओहङ कोहएँ।
ओ़ह सोङबे दिगी तेहन्दाला ङ्यिहगीॱआङ किन्ज्योला नाहम माॱनाङ थुज्यी-छ्ये़ फुल्गे, च्यिबेमाना ङ्यिहगी ख्या फ़ेबे-म़ेहमेया़ला किन्ज्योगी लुहङ स्येकेमु ख्या फ़ेबे-म़ेहमेया़गी दि लुहङ ङ्यिहती मिहम्बा यिहॱनाङ दि लुहङ किन्ज्योदीॱराङ यिहम्बा म़ेदी ची़सीन। यिहन्ज्येॱआङ दि तेहम्बाराङ किन्ज्योदीॱराङ लुहङ यिहन्गे। ता़ह यिह छ्य़ेगे ख्या फ़ेबे-म़ेहमेया़गी पाहरक्यीला दि लुहङगी छ्या़ले जे नाङगेराङ येहबा।
आदा-नो़ह दाङ आज्यी-नुहमुया़, ख्याया़गी तेहन्दाला नाहम्माॱनाङ ङ्यिहगी किन्ज्योला थुज्यी-छ्ये़ फुलॱराङ कोहएँ। ओहले ओ़ह ल़ेहमु पेहक्योदी या़हबु यिहम्बा च्यिबेमाना ख्या फे़बे मे़हमेया़की तेहपा माहङरो माहङरो पेहती काहल्दी येह। ओहले ख्या राहङ नाङदोङगी चेवाॱआङ जेन-जेन माहङरो माहङरो पेहती डोॱराङ येह।
लुहङ तेर्केन्की काबाप ज़्योरक्यो मिहगी किन्ज्यो लाहमलेॱराङ लुहङ तेर्च्यु। स्याहप्तो स्युहएँ मिहगी किन्ज्योगी ओङ लाहमले स्याहप्तो स्युहज्यु। ओ़ह ल़ेहमु पेहती ल़ेह थाम्ज्यीला येशू मास्यीका लाहमले किन्ज्योलाॱराङ ज़िज्यिद ओहङज्यु। मिह-रो़हलाॱराङ ज़िज्यिद दाङ ओङ नाहम्स्यी किन्दु ओहङज्यु! आमेन।
ကြော်ငြာတွေ