रोमी 1:20 - ह्योल्‍मो

²⁰ किन्‍ज्‍योगी जाम्‍बुलीङ छ्या़गे यिहन्‍ज्‍यु, मिहरोगी ज़ो नाङग्‍योकी ना थाम्‍ज्‍यी से़हया़ला मिहरोदी थोङॱराङ मी़हखुएँगी नाहम्‍स्‍यी किन्‍दु लिहकेन्‍गी ओङ दाङ तेहन्‍दामला खुङया़गी या़हबु पेहती थोङ ख़ूएँ ओहले ङोह स्‍य़े ख़ूएँ। ओ़ह सोङबे खुङया़ला तेलेन पेहकेन्‍की ग्‍या़ॱराङ म़ेह।

रोमी 1:20 ပူးပေါင်းရင်းမြစ်များ

मत्ती 5:45

आहन्‍डा पेहसीमाना ख्‍याया़ स्‍यिहङगामला ज़्‍य़ू नाङगेन्‍गी याहप्‍च्‍येन आबागी पुह-पोहमो ओहङज्‍ये येह च्‍यिबेमाना किन्‍ज्‍योगी मिह चोक्‍पा दाङ मिह या़हबु ङ्यिकालाराङ ङ्यिहमागी टे़ह नाङगेन ओहले तिहक्‍च्‍येम्‍बा दाङ टाहङबु ङ्यिकाराङगी तेहन्‍दाला नाम क्‍याहप च्‍य़ू नाङगेन।

मर्कूस 10:6

यिहॱनाङ किन्‍ज्‍योगी जाम्‍बुलीङ छ्या़ च्‍य़ूक्‍यो ती़हजीला मिह ज़ो नाङगेमु क्‍येप-ख्‍योवा दाङ पी़हमी-पेहजा जेती ज़ो नाङग्‍यो यिहम्‍बा।

यूहन्‍ना 1:18

किन्‍ज्‍योला सुगीॱआङ नाहमॱआङ थोङदी म़ेह, यिहॱनाङ किन्‍ज्‍यो याहप ङ्याम्‍बु ज़्‍य़ू नाङगेन च्‍यिमे च्‍यी़राङ स़ेबु किन्‍ज्‍योगी मिहरोला तेन नाङदी येह।

यूहन्‍ना 15:22

का़हलेॱआङ ङाह ओहङदी खुङला दि तामया़ माहस्‍येपा यिहनानी खुङला तिहक्‍पाकी ङ्य़ेहबा फो़ज्‍ये म़ेहबा येहकें। यिहॱनाङ ता़हनी खुङला राहङगी तिहक्‍पाकी तेहन्‍दाला च्‍यिॱआङ तेलेन पेहकें ग्‍या़ॱराङ म़ेह।

ल़ेह-पेन 17:29

ओहराङ किन्‍ज्‍योगी छार्क्‍यीन यिहन्‍गे सुङगोराङ, ओहराङगी किन्‍ज्‍योला मिहगी रिहक्‍पा दाङ खे़बागी ज़ोक्‍योगी तोह, सेर दाङ ङुलगी कु ल़ेहमु ने़ज्‍ये मेहयोहङगे।

ल़ेह-पेन 22:1

“क़ेहङगेन दाङ आदा-नो़हया़, राहङ फे़बेया़गी दिनला ङाहगी राहङगी तेहन्‍दाला मा कोहएँगी ताम सेन नाङदोङ!” म़ेदी पावलगी मासीन।

रोमी 1:19

किन्‍ज्‍योकी तेहन्‍दाला स्‍य़े ख़ूएँगी तामया़ खुङया़गी मी़ दिनलाराङ येहबा च्‍यिबेमाना किन्‍ज्‍योगी खुङला ओ़ह से़हया़ तेन नाङ सिहन्‍दी येह।

रोमी 16:26

यिहॱनाङ ता़ह नाहम्‍स्‍यी किन्‍दु ज़्‍य़ू नाङगेन्‍गी किन्‍ज्‍योगी का नाङदी लुहङतेम्‍बाया़गी छ्य़े प्रुह नाङसीन। ओहले दि सुङराप लाहमले थाम्‍ज्‍यी क्‍यिहपाकी मिहया़गी यिह छ्य़ेदी किन्‍ज्‍योकी काया़ ची़ज्‍यु म़ेदी दि साङदी ज़्‍या़ नाङग्‍योकी या़हबु लेहङगु क्‍याहल-खाप थाम्‍ज्‍यीला स्‍येकेराङ येहबा।

रोमी 2:1

ओ़ह सोङबे लेहमेनला फातुर च़ूगे ए रो़ह, ख्‍ये सु यिहॱनाङ, ख्‍येला तेलेन तेन्‍गे ग्‍या़ॱराङ म़ेह, च्‍यिबेमाना ख्‍येगी लेहमेनला च्‍यि तामला फातुर च़ूगे, ओ़ह तामलाॱराङ ख्‍येॱलाङ ङ्य़ेहबा फो़ज्‍ये येह, च्‍यिबेमाना ख्‍ये फातुर च़ूगेन्‍दीगीॱआङ ओ़ह ल़ेहराङ पेहकें।

रोमी 2:15

छ्य़े-ठिमला येहकेन्‍की तामया़ खुङ राहङगी सेमला प्रुहक्‍यो येहबा म़ेदी खुङ राहङगी डोलु तेहलुगीॱराङ तेन्‍गे। ओ़ह सोङबे खुङगी नावागी नाहम राहङला फातुर च्‍य़ूगे, नाहम टाहङबु यिहन म़ेदी तेन्‍गे।

१ कोरिन्‍थी 1:20

रिहक्‍स्‍यी छ्यिम्‍बु येहकेनया़ का़हला येहबा? छ्य़ेकी खेम्‍बुया़ का़हला येहबा? दि काल्‍बाकी तेहन्‍दाला स्‍येपा तुहर्केया़ का़हला येहबा? च्‍यि किन्‍ज्‍योगी दि जाम्‍बुलीङकी रिहक्‍स्‍यीला उल्‍दुम्‍बा ज़ो माहनाङ ले?

कलस्‍सी 1:15

ओहराङ मी़गी थोङ मी़हखुएँ किन्‍ज्‍योकी ङ्य़ेहरीला थोङ ख़ूएँ जेती मास्‍यीका ज़्‍य़ू नाङदी येह। ना थाम्‍ज्‍यीराङ छ्या़क्‍यो से़हया़ नाहङला मास्‍यीका थाम्‍ज्‍यी म़ेदी छ्येस्‍यो यिहम्‍बा।

कलस्‍सी 2:9

च्‍यिबेमाना मास्‍यीकाकी कुसोला किन्‍ज्‍योगी थाम्‍ज्‍यी गीनया़ छाङबु जेती ज़्‍य़ू नाङदी येह।

१ तिमोथी 1:17

ता़ह नाहम्‍स्‍यी किन्‍दुगी क्‍याहल्‍बु, नाहम-माना ज़्‍य़ू नाङगे ओहले थोङ मी़हखुएँगी च्‍यी़मे च्‍यी़राङ किन्‍ज्‍योला नाहम-माना ची़नाङ ओहङज्‍यु, नाहम-माना ज़िज्‍यिद ओहङज्‍यु। आमेन।

१ तिमोथी 6:16

नाहमॱआङ टोहङ मेहनाङगेन्‍दीनी किन्‍ज्‍यो च्‍यी़राङ यिहम्‍बा ओहले मिहरो सुॱआङ लेप मी़हखुएँगी क्‍या-साङेला ज़्‍य़ू नाङगे। मिहरोला सुज्‍यीगीॱआङ नाहरे थु थोङदी म़ेह ओहले थोङॱआङ मी़हखुएँ। नाहम माॱनाङ ज़्‍य़ू नाङगेन्‍गी ओङ दाङ चा़ मिहरो ङ्याम्‍बुराङ ज़्‍य़ू नाङज्‍यु। आमेन।

हिब्रू 11:27

तेहपा लाहमलेॱराङ खोगी क्‍याहल्‍बुगी थुयाललाॱआङ नाङदा माहबेबा पेहती मिश्र क्‍याहल-खापले थेन्‍दी काहल्‍सीन ओहले थोङ मी़हखुएँ किन्‍ज्‍योला थोङग्‍यो ल़ेहमुराङ पेहती खोगी सिपाज्‍यीॱआङ क्‍याहप लो़हदी मा़हते।

हिब्रू 9:14

मास्‍यीकाकी ठा़गीनी जेन माहङबु ख्‍यागी नोम्‍साङला तिहक्‍पाकी ल़ेहया़लेगी चाङमा ज़ोज्‍ये येह, ओहले ख्‍यागी सोम्‍बो ज़्‍य़ू नाङगेन किन्‍ज्‍योला स्‍याहप्‍तो स्‍युह ख़ूज्‍ये येह। च्‍यिबेमाना मिहरोगी नाहम्‍स्‍यी किन्‍दु ज़्‍य़ू नाङगे किन्‍ज्‍योगी थु लाहमले च्‍यिॱआङ क्‍येन म़ेहबा पेहती राहङगी राहङला किन्‍ज्‍योला मार्च्‍ये फुल नाङसीन।