रोमी 1:18 - ह्योल्‍मो

¹⁸ स्‍यिहङगामले माहर किन्‍ज्‍योकी थुयाल मिहया़की तिहक्‍पा दाङ ल़ेह ङ्येहम्‍बाया़ थो़ला बाप्‍ती येह। ओ़ह मिहया़गी राहङगी पेहक्‍योगी ल़ेह ङ्येहम्‍बाया़गी पेहतीराङ तेहन्‍दामला नेम ज़्‍या़दी येहबा।

रोमी 1:18 ပူးပေါင်းရင်းမြစ်များ

रोमी 1:19

किन्‍ज्‍योकी तेहन्‍दाला स्‍य़े ख़ूएँगी तामया़ खुङया़गी मी़ दिनलाराङ येहबा च्‍यिबेमाना किन्‍ज्‍योगी खुङला ओ़ह से़हया़ तेन नाङ सिहन्‍दी येह।

रोमी 1:28

दि ल़ेहमु पेहती खुङया़गी किन्‍ज्‍योला ची़नाङ पेहच्‍ये क्‍युरक्‍यो सोङबे किन्‍ज्‍योगी खुङया़ला ल़ेह चोक्‍पाया़ पेहच्‍यु म़ेदी खुङया़की नावा नोहङग्‍यो ती़हजीलाराङ क्‍युर ज़्‍या़ नाङसीन।

रोमी 1:32

दि ल़ेहमु ल़ेह पेहकेन मिहया़ स्‍यिज्‍ये सी़हएँदी ओहङगे माएँदी किन्‍ज्‍योकी छ्य़े-ठिम ङोह स्‍य़ेदी स्‍य़ेदीॱआङ खुङगी दि ल़ेहमु ल़ेहया़ च्‍यी़राङ पेहकें मिहम्‍बा, यिहॱनाङ दि ल़ेहमु ल़ेह पेहकें मिहया़ ङ्याम्‍बु निङ थाक्‍पा यिहन्‍ज्‍युराङ डी़गे।

रोमी 2:3

ए रो़ह, ख्‍येगी दि ल़ेहमु ल़ेह पेहकेनया़ला फातुर च़ूगे ओहले राहङगीॱआङ ओ़ह ल़ेहराङ पेहसीनमाना, च्‍यि ख्‍ये किन्‍ज्‍योगी ताङ नाङगेन्‍गी ठिमलेगी थार ख़ूएँ म़ेदी ने़उ दु?

रोमी 3:9

ओ़हठी यिहन्‍सीमाना च्‍यि ओहराङ यहूदीया़ लेहमेन क्‍यिहपाया़ म़ेदी या़हबु यिहम्‍बा ले? मिहम्‍बा, ओ़ह ल़ेहमु यिहनॱराङ मिहन। यहूदी दाङ लेहमेन क्‍यिहपाया़ॱआङ तिहक्‍पाकी ओङ चो़ला येह म़ेदी ङाहगी फातुर च़ू सिहन्‍दी येह।

रोमी 4:15

ता़ह छ्य़े-ठिम ज़्‍या़ फान्‍ज्‍योनी मिहगी मी़हचीसी माना किन्‍ज्‍यो थुयाल ज़्‍याङ नाङगे, यिहॱनाङ छ्य़े-ठिम मे़हसीमानानी ओ़हला छ्य़े-ठिम गोम्‍गेन्‍की केच्‍याराङ मेहयोहङगे।

रोमी 5:6

च्‍यिबेमाना ओहराङ मा-फाम्‍बु येहकेमुराङ मास्‍यीका तिहक्‍च्‍येम्‍बाया़गी तेहन्‍दाला ठाबे ती़हजीला टोहङ नाङसीन।

रोमी 5:9

दि ल़ेहमु पेहती मास्‍यीकाकी ठा़ लाहमले ओहराङला किन्‍ज्‍योकी दिनला टाहङबु सी़ह च्‍यु नाङसीन मानानी ता़ह तोहरोङ मिहरोगी ओहराङला किन्‍ज्‍योगी थुयाल यिहन्‍ज्‍यु थार च्‍य़ू नाङज्‍ये येह।

रोमी 6:13

राहङ ज़ुबुकी ओङबुया़ला तिहक्‍पागी ल़ेहया़ पेहच्‍येला चि माहक्‍याहप। यिहॱनाङ स्‍यिवाले मिहलीला ख्‍योङग्‍यो मिहया़ ल़ेहमु पेहती राहङला किन्‍ज्‍योला च्‍योल्‍दोङ, ओहले राहङ ज़ुबुकी ओङबुया़ला या़हबु ल़ेहया़ पेहच्‍येला किन्‍ज्‍योला चि क्‍याहप्‍तोङ।

एफिसी 5:6

सुज्‍यीगी ख्‍याया़ला चिहन क्‍याहप्‍ती गो़ कोर मा़हखुज्‍यु। दि ल़ेहमु केच्‍याया़गी पेहतीराङ मिहङ्यीहन्‍गे मिहया़गी थो़ला किन्‍ज्‍योकी थुयाल बाप्‍के।

कलस्‍सी 3:6

दि से़हया़गी पेहतीराङ किन्‍ज्‍योगी थुयाल मिहरोगी का मिहची़एँगी मिहया़ थो़ला बाप्‍च्‍ये येह।

२ थेसलोनिकी 2:10

तोङदी डोएँया़ला चिहन क्‍याहप्‍च्‍येला खो थाम्‍ज्‍यी ती़हया़ ङ्याम्‍बु ओहङज्‍ये येह, च्‍यिबेमाना खुङया़गी तेहन्‍दामकी स्‍याहलला चेवा माहबे ओहले खुङया़गी थार्पाॱआङ ज्‍योर मा़हखु।

२ थेसलोनिकी 2:6

ओ़ह राहङगी ती़हजीला थेन ओहङज्‍यु म़ेदी का़हन्‍दीगी ओ़हदीला नाहरे थु का़दी ज़्‍या़दी येहबा, दिनी राहङ फ़ेबे-म़ेहमेया़ला थुयी़राङ येहबा।