रोमी 1:11 - ह्योल्मो11 च्यिबेमाना ख्याया़ला मास्यीकाला स्युक छ्यिम्बु ज़ोज्येला यिहक्तेन काबाप कोह ख़ूज्यु म़ेदी ङाहला ख्या ङ्याम्बु ज्यिबुराङ थू़ज्ये सेम क्ये़दी येहबा। အခန်းကိုကြည့်ပါ။ |
रोमी 1:11
32 ပူးပေါင်းရင်းမြစ်များ
ओहराङ थाम्ज्यीगीराङ किन्ज्योला थुज्यी-छ्ये़ फुल्दोङ। ङाहगी स्य़ेक्यो या़हबु लेहङगु दाङ मास्यीकाकी तेहन्दाला स्ये़क्योकी केच्याया़ लाहमले मिहरोगी ख्याया़ला राहङदी यिह-छ्य़ेला थिक-चि दाङ सान्दी ज़ो थुप्कें। काल्बा-काल्बा यिहन्ज्यु साङदी ज़्या़ नाङग्योकी केच्या ताहन्दा येशू मास्यीकागी छ्यिसाल-नाहङसाल जेती तेन नाङसीन।
च्यिबेमाना का़हलेॱआङ लाहला मिहया़ ओहङदी ङ्यिहगी स्येक्योगी येशू म़ेदी लेहमेनॱराङ येशूगी तेहन्दाला स्य़ेसीन माना, कि-माना ख्यागी ज़्योरक्योगी नाम्पार-ताहक्पा थु म़ेदी लेहमेनॱराङ नाम्पार-ताहक्पा थु लेहन्सीनमाना, कि-माना ख्याया़गी ज़्योरक्यो या़हबु लेहङगु म़ेदी लेहमेनॱराङ या़हबु लेहङगु लोक पेहसीनमाना ख्या दि थाम्ज्यीगी दिनला ग्यो़बाराङ ज्युल्गु दु।
थाम्ज्यी काटीनकी किन्ज्योगी मास्यीकाला यिह-छ्य़े नाङदी राहङदी नाहमॱआङ मिहसीहन्गेन्गी ज़िज्यिद नाङज्येला ख्याया़ला क़े क्याहप नाङदी येह। ख्यागी ङ्यिहमा तोबाज्यी तुहक्पु खुर फान्ज्यो मिहरोगीॱराङ ख्याया़ला येहपाराङ साम्बा ज़ो नाङज्ये येह, ओहले ख्यागी सेम थिक-चिला ज़्या़दी ओङज्या छ्यिम्बु ज़ो नाङज्ये येह ओहले ब्राम सान्दी तिङग्यो ग्या़ला ज़्या़ नाङज्ये येह।
ကြော်ငြာတွေ