ज्‍याल्‍गा 8:12 - ह्योल्‍मो

¹² ओ़ह तिङले ज़्‍यिबा स्‍यिहङगामकी स्‍याहप्‍च्‍यीगी राहङ ङ्याम्‍बु येहकेन्‍की रोहवा-लीङ फुसीन, ङ्यिहमागी बो सुमला बो च्‍यी़ थो़ला क्‍याहप्‍सीन, ओहले दायुमगी बो सुमला बो च्‍यी़ थो़ला ओहले कार्माया़गी बो सुमला बो च्‍यी़ थो़ला क्‍याहप्‍सीन, ओहले ओ़हया़गी येहसेर बो सुमला बो च्‍यी़ ना़-जुबे काहल्‍सीन। ओहले ङ्यिहन दाङ नुहप बो सुमला बो च्‍यी़ ना़-जुबे काहल्‍सीन।

ज्‍याल्‍गा 8:12 ပူးပေါင်းရင်းမြစ်များ

मत्ती 24:29

“लाहम्‍साङराङ ओ़ह तुहक्‍पुगी ङ्यिहमाया़ बाप सिहन फान्‍ज्‍यो ङ्यिहमा ना़-जुबे डोज्‍ये येह, दायुमगी राहङगी येहसेर तेर्च्‍ये म़ेह, कार्माया़ नामलेगी ताहप्‍च्‍ये येह ओहले नामगी ओङया़ युङज्‍ये येह।”

मत्ती 27:45

ङ्यिहमागी छ्युजी च्‍यिङ्यी़ यिहन्‍ज्‍यु छ्युजी सुम थु क्‍याहल-खाप थाम्‍ज्‍यीलाराङ ना़-जुबे काहल्‍सीन।

मर्कूस 13:24

ओ़ह तुहक्‍पुगी ङ्यिहमाया़ काहल फान्‍ज्‍यो ङ्यिहमा ना़-जुबे डोज्‍ये येह ओहले दायुमगी राहङगी येहसेर तेर्च्‍ये म़ेह।

मर्कूस 15:33

छ्युजी च्‍यिङ्यी़ यिहन्‍ज्‍यु छ्युजी सुम थु लुहङबा थाम्‍ज्‍यीलाराङ ना़-जुबे काहल्‍सीन।

लूका 21:25

“ङ्यिहमा, दायुम दाङ कार्माया़ला याहम्‍जेम्‍बागी ताक्‍छेनया़ थोङज्‍ये येह। ओहले छो-क्‍याहम्‍जोकी छ्युया़ ल्‍हा़बा लुङजीगी फार छुर याप्‍ती ज्‍यी़ज्‍ये ल़ेहमु क़े तेन्‍गे थे़गेमु मिहया़ ज्‍यी़दी थामा थोमे लिहच्‍ये येह।

ल़ेह-पेन 2:20

चो़वो छ्येवागी चा़ छ्यिम्‍बु दाङ ज़िज्‍यिद-च्‍येन ओहङगे म़ेदी तोहङले ङ्यिहमा ना़-जुबे डोज्‍ये येह ओहले दायुम ठा़ ल़ेहमु माहर्मु डोज्‍ये येह।

२ कोरिन्‍थी 4:4

खुङया़गी तेहन्‍दाला माज्‍ये माना, दि जाम्‍बुलीङकी ल्‍हागी खुङगी ङोह स्‍य़े ख़ूएँगी ओङला स्‍याहर्ना जे तेर्ती येह। किन्‍ज्‍योगी ङ्य़ेहरीला मास्‍यीका ज़्‍य़ू नाङदी येह, मिहरोगी ज़िज्‍यिदगी या़हबु लेहङगु खुङया़गी माहथोङज्‍यु म़ेदी दि जाम्‍बुलीङगी ती़ह गो-छ्येवागी खुङया़गी मी़ का तेरक्‍यो येहबा।

ज्‍याल्‍गा 12:4

ओहले ओ़ह डुककी ङामागी नामला येहकेन्‍की कार्मा बो सुमला बो च्‍यी़ च्‍यो़हदी जाम्‍बुलीङला क्‍युर चाहङसीन। पेहजा क्‍ये-लुहङ मे़हबाराङ ओ़ह पेहजाला साहज्‍ये म़ेदी डुक ओ़ह पी़हमी दिनला लाङदी तेहक्‍यो येहकें।

ज्‍याल्‍गा 16:10

ओहले ङाबा स्‍यिहङगामकी स्‍याहप्‍च्‍यीगी राहङगी फार्को सेम्‍ज्‍येनकी ठिला पुङ नाङसीन। ओहले खोगी क्‍याहल्‍सी ना़-जुबे काहल्‍सीन। ओहले तुहक्‍पु-तुहङालगी पेहती मिहया़गी सो मुहर्सीन।

ज्‍याल्‍गा 6:12

ओहले ल़ूह स्‍ये़बुगी टुहपा थे़जी खा फे़ नाङसीन। ओहजेला ङाहगी साङगुल स्‍युक छ्यिम्‍बुच्‍यी काहल्‍ग्‍यो थोङसीन। ओहले ङ्यिहमा फाजी ल़ेहमु नाहक्‍पु काहल्‍सीन, छ़ेबा च्‍य़ेङागी दायुम ठा़ ल़ेहमुराङ माहर्मु काहल्‍सीन।

ज्‍याल्‍गा 9:15

ओहले ओ़ह स्‍यिहङगामकी स्‍याहप्‍च्‍यी ज़्‍यिला ताङ तेर्सीन, खुङला जाम्‍बुलीङगी मिह क्‍यिहपाकी बो सुमला बो च्‍यी़ तोङ च्‍य़ूज्‍येला ओ़ह ती़हजी, ओ़ह ङ्यिहमा, ओ़ह दावा दाङ ओ़ह लो़हकी तेहन्‍दाला ठाबे पेहते ज़्‍या़क्‍यो येहकें।

ज्‍याल्‍गा 9:18

जाम्‍बुलीङकी मिहया़ला बो सुमला बो च्‍यी़ याहमगी सेसीन। ओ़ह याहमदी ताबु खाले थेन्‍ग्‍योगी मेह, तिहपा दाङ मेहलो येहकें।