ज्‍याल्‍गा 7:16 - ह्योल्‍मो

¹⁶ “खुङ नाहमॱआङ तो़ज्‍ये म़ेह ओहले कोम्‍ज्‍ये म़ेह, ओहले ङ्यिहमा दाङ का़हन्‍दीॱआङ टे़ह छान्‍दी से़हया़गी खुङया़ला छी़ज्‍ये म़ेह।

ज्‍याल्‍गा 7:16 ပူးပေါင်းရင်းမြစ်များ

मत्ती 13:21

यिहॱनाङ दि लोप्‍च्‍युङ खुङया़गी सेमला या़हबु पेहती सू़हक्‍यो मेहयोहङगे ओहले ङ्यिहमा तोबा च्‍यी़राङ लिहकें। किन्‍ज्‍योगी लोप्‍च्‍युङ ङ्यिहन्‍ग्‍यो सोङबे तुहक्‍पु दाङ ङ्येन्‍ज्‍येन ओहङलुङ मे़हबाराङ खुङगी दि लोप्‍च्‍युङ क्‍युर्कें।

मत्ती 13:6

यिहॱनाङ तिहङ रिहङबु चार्ङ्यी सू़ह मा़हखुबा सोङबे ङ्यिहमा स्‍यार फान्‍ज्‍यो च्‍याहङबा काम्‍दी स्‍यिसीन।

मत्ती 5:6

किन्‍ज्‍योगी थुला ने़जेबा थाम्‍ज्‍यीराङ से़हया़ तेहन्‍दा डुप्‍च्‍यु म़ेदी सेम तिहङ यिहन्‍ज्‍युराङ चा़ पेहकेनया़ काहजे सोनाम-साक्‍पु, च्‍यिबेमाना खुङया़गी चा़ पेहक्‍योगी से़हया़ किन्‍ज्‍योगी तेहन्‍दा डुप च्‍य़ू नाङज्‍ये येह।

मर्कूस 4:17

यिहॱनाङ, ओ़ह सुङदेनगी खुङया़गी सेम नाहङ थुराङ चार्ङ्यी सू़ह मा़हखुबा सोङबे खुङया़गी ङ्यिहमा तोबा च्‍यी़राङ किन्‍ज्‍योला यिह-छ्य़े पेहकेन। ओहले ओ़ह सुङदेनला यिह छ्य़ेक्‍यो सोङबे च्‍यिरा तुहक्‍पु दाङ ने़-क्‍यालया़ ओहङलुङ म़ेहबा खुङ किन्‍ज्‍योलेगी तेहपा लो़हगे।

मर्कूस 4:6

ङ्यिहमा स्‍यार फान्‍ज्‍यो ओ़ह सेनगी चार्ङ्यी साला सू़ह मा़हखुबागी काम्‍दी स्‍यिसीन।

लूका 1:53

तो़क्‍योया़ला किन्‍ज्‍योगी या़हबु से़हया़गी टेहपा काहङ च्‍य़ू नाङदी येह, ओहले छ्युक्‍पुया़लादी लाहक्‍पा तोङबाराङ लो़ ताङ नाङदी येह।

लूका 6:21

ए नाहरे तो़क्‍योया़! ख्‍या काहजे सोनाम-साक्‍पु, च्‍यिबेमाना ख्‍याया़ टेहपा काहङज्‍ये येह। ए नाहरे ङुहएँया़! ख्‍या काहजे सोनाम-साक्‍पु, च्‍यिबेमाना ख्‍याया़ क़ेहमु क्‍याहप्‍च्‍ये येह।”

यूहन्‍ना 4:14

यिहॱनाङ का़हन्‍दीगी ङाहगी तेर्केन्‍गी छ्यु थुङगे खो नाहमॱआङ कोम्‍ज्‍ये म़ेह च्‍यिबेमाना ङाहगी तेर्केन्‍गी छ्यु खो नाहङला नाहम्‍माॱनाङ क्‍ये़दी तेहकेन्‍गी छ्यु क्‍येज्‍यु ओहङज्‍ये येह ओहले दिगी खोला था़ म़ेहबा मिहली ज़ाङबु तेर्च्‍ये येह।”

याकूब 1:11

च्‍यिबेमाना ङ्यिहमा छान्‍दी स्‍यार्ती काहर्नाङ डोएँमु मेहन्‍दो येहदी डोएँ ओहले ज़ोप्‍ताॱआङ तोर्ती डोएँ। ओ़हठीॱराङ पेहती छ्युक्‍पु मिहॱआङ राहङगी ल़ेहया़ला कोहल्‍दी राहङ मिहजी तोङदी डोएँ।

ज्‍याल्‍गा 21:4

ओहले मिहरोगी खुङया़गी मी़गी मिज्‍यु थाम्‍ज्‍यीराङ फी़ नाङज्‍ये येह। ता़ह यिहन्‍ज्‍यु सुॱआङ स्‍यि कोहच्‍ये म़ेह। सुगीॱआङ तुहङाल पेहती ङुह कोहच्‍ये म़ेह, ओहले तुहक्‍पुॱआङ ओहङज्‍ये म़ेह। च्‍यिबेमाना तोहङमागी केच्‍याया़ योहल सिहन्‍दी येह।