ज्याल्गा 6:10 - ह्योल्मो10 ओहले खुङया़गी दि ल़ेहमु म़ेदी क़े छ्यिम्बु तेन्सीन, “ओ़ नाम्पार-ताहक्पा, तेहन्दाम दाङ ओङज्या छ्यिम्बु नोम नाङगेन्गी चो़वो छ्येवा! ङ्यिहला सेक्यो सोङबे जाम्बुलीङकी मिहया़ला नाहम थु ठिम ताङदे ङ्य़ेहबा काल नाङगे?” အခန်းကိုကြည့်ပါ။ |
ज्याल्गा 6:10
33 ပူးပေါင်းရင်းမြစ်များ
ताहङबो इस्राएली मिहया़की पाहरक्यीला चिहन क्याहप्केन्गी लुहङतेम्बाया़ येहकें ल़ेहमुराङ, ताहन्दा ख्याया़गी पाहरक्यीलाॱआङ चिहन क्याहप्ती लुहङ तेर्केन्गी लोबेनया़ थेन्दी ओहङज्ये येह। खुङया़गी नाहङदा नाहङ क्यी़हराङ माहन्ज्योर्पा पेहती तोङदी डो च्य़ूगेन्गी ची़हमा लुहङया़ ख्योङज्ये येह, ओहले खुङया़गी थार्पा नाङगेन्गी चो़वोलाॱआङ मा-लोक पेहच्ये येह। दि ल़ेहमु पेहती खुङ याहङमे-याहङ तोङदी डोज्ये येह।
ओहले क्यिहपा-क्यिहपाकी मिहया़ स्यिहताङ लाहङदी येह, यिहॱनाङ ता़ह राहङगी थुयाल ज़्याङगेन्गी ती़हजी लेप्सीन। राहङगी ता़ह स्यिक्यो मिहया़ला ठिम ताङ नाङगेन्गी ती़हजी लेप्ते येह। राहङला स्याहप्तो स्युहएँया़, लुहङतेम्बाया़, राहङगी दाम नाङग्योकी मिहया़ ओहले राहङगी छेनकी ज्यिक्पा खुर्के फ़ेमा-छ्यिम्बु थाम्ज्यीला च्याहगा नाङगेन्गी ती़हजी ओहले जाम्बुलीङला तोङ च्य़ूगेया़ला सिहन्दा च्येकेन्गी ती़हजी लेप्ते येह।”
“फिलाडेल्फियाकी छेन्छोकला चारा पेहकेन्गी स्यिहङगामकी स्याहप्च्यीला दि ताम प्री़हदोङ: ‘किन्ज्योॱराङ नाम्पार-ताहक्पा दाङ तेहन्दाम यिहन, मिहरो ङ्याम्बुराङ क्याहल्बु दाऊदकी दिमी येहबा, मिहरोगी खा फे़ नाङग्योकी कोह सुज्यीगीॱआङ क्याहप मी़हखुएँ ओहले मिहरोगी क्याहप नाङग्योकी कोह सुज्यीगीॱआङ खा फे़ मी़हखुएँ मिहरोगी दि ल़ेहमु सुङ नाङगु दु।
ကြော်ငြာတွေ