ज्‍याल्‍गा 5:5 - ह्योल्‍मो

⁵ ओहले छ्य़ेकी खेम्‍बु च्‍यी़गी ङाहला मासीन, “माहङुह! त़ेदोङ, यहूदा छाङकी सिङग्‍यी दाऊदकी चावागी दि छ्य़े टिहल्‍मा दाङ दि थे़जी तिहन खा फे़ज्‍येला क्‍याहल नाङदी येहबा।”

ज्‍याल्‍गा 5:5 ပူးပေါင်းရင်းမြစ်များ

लूका 23:28

ओहले येशूगी खुङ ङो़ले ज़ी़दी सुङ नाङसीन, “ए यरूशलेमगी पोहमोया़, ङाहगी तेहन्‍दाला माहङुह, ख्‍या राहङ दाङ राहङगी पुह पोहमोगी तेहन्‍दाला ङी़हदोङ।

लूका 7:13

ओहले ओ़ह ह्‍युग्‍मोगी क्‍यिदु ज़ी़दी चो़वो छ्येवा येशूगी थु ङ्युङदी ओहङसीन, ओहले येशूगी, “ख्‍ये माहङुह” म़ेदी सुङ नाङसीन।

लूका 8:52

ओहले नाहङला येहकेन्‍गी मिहया़ ङी़हदी ङुहप्रा तिहङरा पेहती तेहक्‍यो येहकें। ओहले येशूगी खुङया़ला “ख्‍या माहङुह, दि पोहमो मा़हस्‍यी येह, ङ्यिज्‍यीराङ लो़हक्‍यो यिहम्‍बा” म़ेदी सुङ नाङसीन।

यूहन्‍ना 20:13

ओहले खुङया़गी मोहला टी़हसीन, “पोहमो, ख्‍ये च्‍यिबे ङुहएँ?” मोहगी खुङया़ला मासीन, “खुङया़गी ङाहती चो़वोला ख्‍येर्ती का़हला ज़्‍या़बा यिहम्‍बानी ओ़ह ङाहला क्‍यी़ह म़ेह।”

रोमी 1:3

ओ़ह या़हबु लेहङगुदी किन्‍ज्‍योगी स़ेबु ओहराङ चो़वो येशू मास्‍यीकाकी तेहन्‍दाला यिहम्‍बा। ओहले मिहरो मिहगी मिहली नोम्‍दी क्‍याहल्‍बु दाऊदगी क्‍यिहला ठुङ नाङसीन।

रोमी 15:12

येहपाराङ लुहङतेम्‍बा यशैयागीॱआङ दि ल़ेहमु सुङ नाङदी येह, “यिशैकी क्‍यिहपालेगी मेहन्‍दा च्‍यी़ फेप नाङज्‍ये येह, मिहरोगी लेहमेन क्‍यिहपाया़ थो़ला ओङ छ्य़े नाङज्‍ये येह, मिहरो थो़ला लेहमेन क्‍यिहपाया़गी रेहवा पेहच्‍ये येह।”

हिब्रू 7:14

च्‍यिबेमाना ओहराङगी चो़वो यहूदागी छाङ लाहमले ठुङ नाङग्‍यो यिहन म़ेदी मिह थाम्‍ज्‍यीला क्‍यी़ह येहॱराङ येह। यहूदागी छाङ लाहमले पूजाहारी दाम्‍गेन्‍गी तेहन्‍दाला मोशागी च्‍यिॱआङ सुङ नाङदी म़ेह।

ज्‍याल्‍गा 1:1

दि छ्य़ेकी केच्‍या येशू मास्‍यीकागी तेन नाङग्‍यो यिहम्‍बा। राहङ स्‍याहप्‍च्‍यीया़गी ग्‍यो़बाराङ बाप ओहङज्‍ये पेहक्‍यो केच्‍याया़गी तेहन्‍दाला ङोह स्‍य़े ख़ूज्‍यु म़ेदी किन्‍ज्‍योगी येशूला दि ज्‍याल्‍गा नाङग्‍यो येहकें। येशूगी दि केच्‍या प्रा साल नाङज्‍येला स्‍यिहङगामकी स्‍याहप्‍च्‍यी च्‍यी़ला राहङला स्‍याहप्‍तो स्‍युएँगी यूहन्‍नासाला ताङ नाङसीन।

ज्‍याल्‍गा 22:16

“ङाह येशूगी ङाहती स्‍यिहङगामकी स्‍याहप्‍च्‍यीला छेन्‍छोकला येहकेन्‍की मिह थाम्‍ज्‍यीगी दि तामया़ क्‍यी़ह ज्‍योर्च्‍यु म़ेदी ङाहगी खोला ख्‍येसाला ताङ चाहङदी येह। क्‍याहल्‍बु दाऊदकी चाङर्यी दाङ छार्क्‍यीनॱआङ ङाहराङ यिहन ओहले येहपा छ्या़गे थोराङ कार्च्‍येनॱआङ ङाहराङ यिहन।”

ज्‍याल्‍गा 3:21

का़हन्‍दीगी क्‍याहल्‍गे, खोला ङाह ङ्याम्‍बु ङाहती ठिला तेहच्‍येला ओङ तेर्के। ङाह राहङगीॱआङ क्‍याहल्‍ग्‍यो सोङबे ङाहती याहप ङ्याम्‍बु मिहरोगी ज़्‍य़ू-ठिला ङाह तेहती येहबा।

ज्‍याल्‍गा 4:10

ओहले खुङया़गी छ्ये़-लु लेहन्‍गेनॱराङ पेहकेमु नाहम्‍स्‍यी किन्‍दु सोम्‍बो दाङ ज़्‍य़ू-ठिला ज़्‍य़ू नाङगेन्‍दीगी दिनला ओ़ह ङ्यिहस्‍यु िज्‍़य छ्य़े-ठिमकी लोबेनया़ खेप्‍चु क्‍याहप्‍ती छ्या़ छाल्‍सीन ओहले खुङया़गी राहङ-राहङगी पेस्‍यो ज़्‍य़ू-ठिकी दिनला ज़्‍या़दी दि ल़ेहमु मासीन,

ज्‍याल्‍गा 4:4

ओ़ह ज़्‍य़ू-ठिकी कोर-क्‍यिहले लेहमेन ङ्यिहस्‍यु िज्‍़य ज्‍यू़-ठिया़ येहकें, ओहले ओ़ह ज्‍यू़-ठिया़ला सेरकी पेस्‍यो दाङ नाहम्‍सा कार्पु नोम्‍ग्‍यो ङ्यिहस्‍यु िज्‍़य छ्य़े-ठिमकी लोबेनया़ ज़्‍य़ू नाङग्‍यो ङाहगी थोङसीन।

ज्‍याल्‍गा 5:4

ओ़ह को़बाला प्रुहक्‍योगी यिहगी खा फ़ेदी ताज्‍येला सी़हएँदी सुज्‍यीॱआङ म़ेहबा सोङबे ङाह ज्‍यिबुराङ ङुहसीन।

ज्‍याल्‍गा 6:1

दि तिङले ल़ूह स्‍ये़बुगी थे़जी तिहन नाहङले तोहङस्‍यो थे़जीला खा फे़ नाङग्‍यो ङाहगी थोङसीन, ओहजेला सोम्‍बो सेम्‍ज्‍येन ज़्‍यि नाहङले च्‍यी़गी नाम क़े तेन्‍गे ल़ेहमुराङ क़े छ्यिम्‍बुच्‍यी तेन्‍दी “स्‍यो!” माएँदी ङाहगी थ़ेसीन।

ज्‍याल्‍गा 7:13

छ्य़े-ठिमकी लोबेन च्‍यी़गी ङाहला टी़हसीन, “दि काप्‍च्‍या कार्पु केहन्‍ग्‍यो मिहया़ सु यिहम्‍बा ओहले का़हले ओहङग्‍यो यिहम्‍बा?”