ज्‍याल्‍गा 5:2 - ह्योल्‍मो

² ओहले स्‍युक छ्यिम्‍बु स्‍यिहङगामकी स्‍याहप्‍च्‍यी च्‍यी़ला क़े छ्यिम्‍बुच्‍यीगी दि ल़ेहमु सुङगेनॱराङ जेक्‍यो ङाहगी थोङसीन, “दि टिहल्‍दी थे़जी क्‍याहप्‍क्‍योगी यिहगी खा फ़ेज्‍ये सी़हज्‍ये सु येहबा?”

ज्‍याल्‍गा 5:2 ပူးပေါင်းရင်းမြစ်များ

ज्‍याल्‍गा 10:1

दि तिङले ङाहगी लेहमेन स्‍युक छ्यिम्‍बु स्‍यिहङगामकी स्‍याहप्‍च्‍यी स्‍यिहङगामले माहर फेप्‍केराङ जेक्‍यो थोङसीन। मिहरोकी कुसोला मुक्‍पागी उप्‍ते येहकें ओहले उला ज़ा येहकें। ओहले मिहरोकी स्‍याहल्‍दोङ ङ्यिहमा ल़ेहमु येहकें ओहले स्‍याहपदी मेहकी काप्‍स्‍यी ल़ेहमु येहकें।

ज्‍याल्‍गा 18:21

ओहले स्‍युक छ्यिम्‍बु स्‍यिहङगामकी स्‍याहप्‍च्‍यी च्‍यी़गी ला़हवोर छ्येवा तोह च्‍यी़ क्‍या़दी दि ल़ेहमु सुङदी छो-क्‍याहम्‍जोला क्‍युर नाङसीन, “दि ल़ेहमुराङ पेहती दि क्‍याहसा छ्यिम्‍बु बेबिलोनॱआङ स्‍युकगी क्‍युर चाहङज्‍ये येह ओहले ओ़हदी येहपाराङ नाहमॱआङ थोङज्‍ये म़ेह।

ज्‍याल्‍गा 5:1

ज़्‍य़ू-ठिला ज़्‍य़ू नाङगेन्‍दीती योबा छ्या़ला ङाहगी छ्य़े टिहल्‍मा च्‍यी़ थोङसीन। ओ़ह छ्य़े टिहल्‍माला लेहप ङ्यिकाराङ ङो़ले यिहगी प्रुहक्‍यो येहकें, ओ़ह छ्य़ेला थे़जी तिहन थाल क्‍याहप्‍ती ज़्‍या़ नाङग्‍यो येहकें।

ज्‍याल्‍गा 5:5

ओहले छ्य़ेकी खेम्‍बु च्‍यी़गी ङाहला मासीन, “माहङुह! त़ेदोङ, यहूदा छाङकी सिङग्‍यी दाऊदकी चावागी दि छ्य़े टिहल्‍मा दाङ दि थे़जी तिहन खा फे़ज्‍येला क्‍याहल नाङदी येहबा।”