ओ़ह बुम च्यी़ दाङ ज़्यिप्च्यु ज़्यि मिहया़ ज़्य़ू-ठिकी दिनला ओहले ओ़ह सोम्बो सेम्ज्येन ज़्यि दाङ छ्य़ेकी खेम्बुया़गी दिनला लाहङदी ल़ू साम्बा च्यी़ लेहन्गेनॱराङ येहकें। जाम्बुलीङले रिहन च्याल्दी खा फे़क्यो बुम च्यी़ दाङ ज़्यिप्च्यु ज़्यि मिहया़गी मिहम्बा लेहमेन सुज्यीगीॱआङ ओ़ह छ्ये़-लु लोप मी़हखुएँ येहकें।
ज्याल्गा 4:6 - ह्योल्मो6 ज़्य़ू-ठिकी दिनला फार्केन-छुर्केन थोङगेन्गी स्येलकी छो-क्याहम्जो ल़ेहमु येहकें। क्याहप दाङ दिन लेहप ङ्यी़काॱराङ ङो़ले जुबु काहङ्येॱराङ मी़ॱराङ मी़ थो़क्यो सोम्बो सेम्ज्येन ज़्यि ज़्य़ू-ठिकी कोर-क्यिहलेॱराङ तेहती येहकें। အခန်းကိုကြည့်ပါ။ |
ज्याल्गा 4:6
25 ပူးပေါင်းရင်းမြစ်များ
ओ़ह तिङले स्यिहङगामकी स्याहप्च्यीगी ङाहला स्फटिक ल़ेहमुराङ येहपा छ्या़गे मिहलीकी छ्युगी चाङबु तेन नाङसीन। ओ़ह चाङबु किन्ज्यो दाङ ल़ूह स्ये़बुकी ज़्य़ूॱठिलेगी थेन्दी क्याहसाकी लाहम पाहरक्यीले स्याहल्दे डोॱराङ येहकें। ओ़ह चाङबु सुहरला मिहली तेर्केन्गी तोहङबो तेहकें ओ़ह तोहङबोला लो़ह च्यी़ला सेदो ना च्यिङ्यी़ या़हउ येहकें। ओहले ओ़ह तोहङबोकी लाहप्तीया़गी क्यिहपा-क्यिहपाया़गी मिहया़ला टा़ह च्य़ूगे।
ओ़ह तिङले सोम्बो सेम्ज्येन ज़्यि दाङ टाहङबु छ्य़े-ठिमकी लोबेनया़गी ति-खिरे कोर्ते ज़्य़ूक्यो ओ़ह ज़्य़ू-ठिकी पाहरक्यीला ल़ूह स्ये़बु च्यी़ ज़्याङदी ज़्य़ूक्यो थोङसीन। दि ल़ूह स्ये़बुदी सेत्ती ज़्या़क्यो ल़ेहमु थोङगो येहकें। मिहरोगी रोहवा तिहन दाङ मी़ॱआङ तिहन येहकें ओ़हदी जाम्बुलीङ थाम्ज्यीला ताङग्योगी किन्ज्योगी थु तिहन यिहन्गे।
ओ़हजेलाराङ सोम्बो सेम्ज्येन ज़्यि दाङ टाहङबु छ्य़े-ठिम ताङगे लोबेन खाल च्यी़ ज़्यिगी ल़ूह स्ये़बुकी कुम्देनला छ्या़ छाल्सीन। ओहले खुङ रे़ह-रे़हगी लाहक्पाला वीणा दाङ टिहमा स्यिहम्बु स्युक्पागी काहङग्यो सेरकी साङबुर येहकें। ओ़ह स्युक्पाकी टिहस्यिहमदी किन्ज्योला स्याहप्तो स्युहएँया़गी ओहर-छ्य़े स्य़ूहक्योकी सोल्वाङया़ यिहम्बा।
ကြော်ငြာတွေ