ज्‍याल्‍गा 3:21 - ह्योल्‍मो

²¹ का़हन्‍दीगी क्‍याहल्‍गे, खोला ङाह ङ्याम्‍बु ङाहती ठिला तेहच्‍येला ओङ तेर्के। ङाह राहङगीॱआङ क्‍याहल्‍ग्‍यो सोङबे ङाहती याहप ङ्याम्‍बु मिहरोगी ज़्‍य़ू-ठिला ङाह तेहती येहबा।

ज्‍याल्‍गा 3:21 ပူးပေါင်းရင်းမြစ်များ

मत्ती 19:28

येशूगी खुङया़ला सुङ नाङसीन, “तेहम्‍बाराङ ङाह ख्‍याया़ला माएँ, मिहगी स़ेबु ओ़ह साम्‍बा क्‍याहल्‍सीला ज़िज्‍यिदगी ज़्‍य़ू-ठिला ज़्‍य़ू नाङज्‍ये येह। ओ़ह ती़हजीला ङाहला ताहदा क्‍याहप्‍के ख्‍याया़ॱआङ राहङगी ज़्‍य़ू-ठि च्‍यिङ्यी़ला तेहच्‍ये येह ओहले इस्राएलकी छाङ च्‍यिङ्यी़ थो़ला ठिम ताङज्‍ये येह।

मत्ती 25:21

ताहक्‍पुगी खोला, ‘ख्‍येगी या़हबु पेहसीन दु! ख्‍ये यिह छ्ये़बु योक्‍पु दुबा। ख्‍ये ङ्ये़हमु से़हया़ॱलाङ यिह-छ्य़ेबु काहल्‍ग्‍यो सोङबे ङाह ख्‍येला लेहमेनॱआङ माहङबुराङ से़हया़ चि क्‍याहप्‍के। ता़ह, ख्‍ये ङाह ङ्याम्‍बु ओहङदी डेन से़हदी क़ेहनाङ पेहतोङ!’

मत्ती 28:18

ओहजेला येशू खुङया़ पोहला फेप्‍ती सुङ नाङसीन, “त़ेदोङ, स्‍यिहङगाम दाङ जाम्‍बुलीङगी थाम्‍ज्‍यीराङ ओङ ङाहला नाङदी येह।

लूका 22:30

ख्‍या ङाहगी क्‍याहल्‍सीला ङाह ङ्याम्‍बुराङ तेहती साहज्‍ये येह, ओहले ठिला तेहती इस्राएली छाङ च्‍यिङ्यी़ थो़ला ठिम ताङज्‍ये येह” म़ेदी येशूगी सुङ नाङसीन।

यूहन्‍ना 13:32

मिहकी स़ेबुला किन्‍ज्‍योकी ज़िज्‍यिद ओहङसीमाना किन्‍ज्‍यो राहङगीराङ मिहगी स़ेबुदी ज़िज्‍यिद जे नाङज्‍ये येह ओहले मिहरोगी दि छ्या़लेन ग्‍यो़बाराङ जे नाङज्‍ये येह।

यूहन्‍ना 16:33

“ङाह ङ्याम्‍बु तेहती ख्‍यागी स्‍य़िहदे ज्‍योर ख़ूज्‍यु म़ेदी ङाहगी ख्‍याया़ला दि केच्‍याया़ माक्‍यो यिहम्‍बा। जाम्‍बुलीङला ख्‍याला ज्‍यिबुराङ तुहक्‍पु ओहङज्‍ये येह, यिहॱनाङ मा-फाम्‍बु माहबे, ङाहगी जाम्‍बुलीङला क्‍याहल सिहन्‍दी येह।”

२ तिमोथी 2:12

ओहराङगी ना़सीन माना, ओहराङगीॱआङ मिहरो ङ्याम्‍बु ओङ छ्य़ेज्‍ये येह, ओहराङगी मिहरोला मा-लोक पेहसीनमाना, मिहरोगीॱआङ ओहराङला मा-लोक जे नाङज्‍ये येह,

ज्‍याल्‍गा 1:6

मिहरोगी राहङगी किन्‍ज्‍यो दाङ याहपला स्‍याहप्‍तो स्‍युहज्‍येला ओहराङला पूजाहारीकी ओङ नाङदी येहबा। ओहले येशू मास्‍यीकाकी चा़ दाङ ओङ नाहम्‍स्‍यी किन्‍दु लिहच्‍यु। आमेन।

ज्‍याल्‍गा 12:11

ल़ूह स्‍ये़बुकी ठा़गी, खुङया़गी प्रा साल्‍ग्‍यो तेहन्‍दामकी सुङगी ओहले खुङया़ स्‍यिज्‍येलाॱआङ ठाबे काहल्‍ग्‍यो सोङबे खुङया़गी खोला क्‍याहल सिहन्‍दी येह।

ज्‍याल्‍गा 17:14

खुङया़गी ल़ूह स्‍ये़बुला टाह पेहते मा़ क्‍याहप्‍च्‍ये येह, यिहॱनाङ ल़ूह स्‍ये़बुगी खुङया़ला क्‍याहल्‍ज्‍ये येह, च्‍यिबेमाना मिहरो चो़वोया़गी चो़वो ओहले क्‍याहल्‍बुया़दीॱआङ क्‍याहल्‍बु यिहम्‍बा। ओहले मिहरोगी क़े क्‍याहप नाङग्‍यो दाम नाङग्‍यो दाङ यिह-छ्य़ेबाया़ॱआङ मिहरो ङ्याम्‍बुराङ ओहङज्‍ये येह।”

ज्‍याल्‍गा 2:7

सुती नाम्‍ज्‍यो येहबा खोगी ङ्यिहन्‍ज्‍यु, किन्‍ज्‍योकी थुगी छेन्‍छोकया़ला च्‍यि सुङ नाङगेराङ येहबा। सुगी क्‍याहल्‍गे ओ़हदीला ङाह किन्‍ज्‍योकी स्‍यिहङगामकी क्‍याहल्‍सीला येहकेन्‍की मिहली तेर्के तोहङबोकी सेदो साहज्‍येला तेर्च्‍ये येह।’”

ज्‍याल्‍गा 20:4

ओहले ङाहगी ज्‍यू़-ठिया़ दाङ ओ़ह खाला ज़्‍य़ू नाङगेनया़ला थोङसीन, खुङया़ला ठिम ताङगेन्‍गी ओङ नाङदी येहकें। येशूगी पाङबु तेहक्‍यो सोङबे ओहले किन्‍ज्‍योगी सुङ प्रा साल्‍ग्‍यो सोङबे मिहगी लाहक्‍पाले पेहती स्‍यि कोहक्‍यो मिहगी नाम्‍स्‍यीया़ॱआङ ङाहगी थोङसीन। खुङया़गी ओ़ह सेम्‍ज्‍येन दाङ खोगी कुला छ्येपा माहफुल येहकें ओहले राहङगी प्राला दाङ लाहक्‍पाला ओ़ह सेम्‍ज्‍येनदी पार माहक्‍याहप येहकें। खुङ येहपाराङ सोम्‍बो लो़हदी लाहङसीन ओहले लोह तोङरा च्‍यी़ थु मास्‍यीका ङ्याम्‍बु ओङ छ्य़ेसीन।

ज्‍याल्‍गा 20:6

तोहङस्‍यो सोम्‍बो लो़हदी लाहङगेया़ काहजे सोनाम-साक्‍पु दाङ नाम्‍पार-ताहक्‍पा। खुङया़ला ङ्यिपा स्‍यिवागी च्‍यिॱआङ पेह मी़हखुएँ, यिहॱनाङ खुङ किन्‍ज्‍यो दाङ मास्‍यीकाकी पूजाहारी काहल्‍दी मिहरो ङ्याम्‍बु लो़ह तोङरा च्‍यी़ थु ओङ छ्य़े ङ्युहङज्‍ये येह।

ज्‍याल्‍गा 5:10

ओ़ह लाहमले ओहराङ किन्‍ज्‍योला स्‍याहप्‍तो स्‍युहज्‍येला पूजाहारीगी क्‍याहल्‍सी च्‍यी़ ज़ो नाङसीन ओहले खुङया़गी जाम्‍बुलीङ थो़ला ओङ छ्य़ेज्‍ये येह।”

ज्‍याल्‍गा 6:2

ओहले ङाहगी दिनला ताबु कार्पु च्‍यी़ थोङसीन, ओहले ओ़ह थो़ला स्‍येहन्‍ग्‍यो मिहगी दा च्‍यी़ थो़क्‍यो येहकें, ओहले खोला पेस्‍यो च्‍यी़ नाङग्‍यो येहकें ओहले खो लेहमेनया़ला क्‍याहल्‍गेॱराङ क्‍याहल्‍ज्‍येगी तेहन्‍दाला थेन्‍दी काहल्‍सीन।

ज्‍याल्‍गा 7:17

च्‍यिबेमाना ज़्‍य़ू-ठिकी पाहरक्‍यीला ज़्‍य़ू नाङगेन ल़ूह स्‍ये़बु खुङया़गी कोहरोवा ओहङज्‍ये येह, ओहले खुङया़ला ठिती छ्यु क्‍येज्‍यु थु नोम फेप नाङज्‍ये येह ओहले किन्‍ज्‍योगी खुङगी मी़गी मिज्‍यु थाम्‍ज्‍यीराङ फी़ नाङज्‍ये येह।”