ज्‍याल्‍गा 3:11 - ह्योल्‍मो

¹¹ त़ेदोङ, ङाह ग्‍यो़बाराङ ओहङज्‍ये येह। ख्‍ये ङ्याम्‍बु च्‍यि येहबा, ओ़हदीला या़हबु पेहती ज़ुङदी ज़्‍यो़, ओहले ख्‍येती पेस्‍यो सुज्‍यीगीॱआङ फ्रो़ज्‍ये म़ेह।

ज्‍याल्‍गा 3:11 ပူးပေါင်းရင်းမြစ်များ

१ कोरिन्‍थी 9:25

चेमु चाज्‍येला बो लेहन्‍गे मिहया़गी ज्‍यिबुराङ तुहक्‍पु पेहती च्‍याहङदार पेहकें। खुङया़गी ओ़ह तोङदी डोएँगी च्‍याहगा ज्‍योर्च्‍येला ओ़हठी पेहकें, यिहॱनाङ ओहराङदी नाहमॱआङ मेहतोङगे च्‍याहगा ज्‍योर्च्‍येला दिठी पेहकें।

फिलिप्‍पी 4:5

ख्‍याया़ ना़स्‍यीङ छ्यिम्‍बु पेहती तेह, दि ताम मिह थाम्‍ज्‍यीगी क्‍यी़ह ज्‍योर्च्‍यु। चो़वो ग्‍यो़बाराङ फेप्‍च्‍ये येह।

२ तिमोथी 2:5

चेमु चेएँ ग्‍या़ला ठिमला ते़बेकी चेमु मे़हचेसीमाना का़हन्‍दीॱआङ चेमु चेएँ मिहगी च्‍याहगा ज्‍योर मी़हखुएँ।

२ तिमोथी 4:8

ता़ह ङाहगी तेहन्‍दाला टाहङदेनकी पेस्‍यो ज़्‍या़ नाङदी येह, ओ़हदी टाहङबु-ठिम ताङ नाङगेन चो़वोगी ओ़ह ङ्यिहमाला ङाहला नाङज्‍ये येह, ओहले ङाहला च्‍यी़राङ मिहम्‍बा, यिहॱनाङ मिहरो फेप नाङगेन्‍गी लाहम ज्‍यिबुराङ सेम काहसो पेहती कू़हदे तेहकें थाम्‍ज्‍यीलाराङ नाङज्‍ये येह।

याकूब 1:12

तुहक्‍पु-काहबुगी ती़हजीलाॱआङ ना़दे थिर पेहती तेहकें मिह काहजे सोनाम-साक्‍पु। च्‍यिबेमाना किन्‍ज्‍योगी मिहरोला चेवा पेहकेनया़ला मिहलीगी च्‍याहगा तेर्के सुङदे ताहम्‍ज्‍या ज़्‍या़ नाङदी येह। ओ़ह च्‍याहगादी सु, तुहक्‍पुगी ती़हजीलाॱआङ थिर पेहती तेह ख़ूएँ खोगी ज्‍योर्च्‍ये येह।

याकूब 5:9

आदा-नो़ह दाङ आज्‍यी-नुहमुया़, च्‍यी़गी च्‍यी़ला टाह पेहती ङ्येहर्स्‍यी माहबे। मिहन्‍सीमाना ख्‍याला ङ्य़ेहबा फो़ज्‍ये येह। त़ेदोङ, ठिम ज़ी़ नाङगेन किन्‍ज्‍यो कोहलाराङ ज़्‍य़ू नाङदी येह।

ज्‍याल्‍गा 1:3

दि छ्य़े टा़हगेन दाङ तिङला बाप ओहङज्‍ये पेहक्‍यो केच्‍याया़गी तेहन्‍दाला प्रुह नाङग्‍योकी सुङला ङ्यिहन्‍दी ची़गेया़ काहजे सोनाम-साक्‍पु। च्‍यिबेमाना दि केच्‍याया़ ग्‍यो़बाराङ तेहन्‍दा डुप्‍च्‍ये येह।

ज्‍याल्‍गा 16:15

“त़ेदोङ, ङाह कुमेन ल़ेहमुराङ पेहती ओहङज्‍ये येह। ङ्यि छ़ेती तेहकें दाङ राहङ काप्‍च्‍या सी़दे ज़्‍या़गेया़ काहजे सोनाम-साक्‍पु। मिहन्‍सीमाना खो च्‍येहन्‍डामुॱराङ डो कोहच्‍ये येह ओहले खो ङोह छा कोहच्‍ये येह।”

ज्‍याल्‍गा 2:10

ता़ह ख्‍या थो़ला तुहक्‍पु बाप ओहङज्‍ये पेहती येह ओ़ह यिहन्‍ज्‍यु मा़हन्‍ज्‍यी। ती़ह गो-छ्येवागी ख्‍या नाहङला लाहलाला ङ्याहम च्‍येच्‍ये म़ेदी चोन-खाङला लू़ज्‍ये पेहती येह, ओहले ख्‍याला ङ्यिहमा च्‍यु थु च्‍यी़राङ तुहक्‍पु ओहङज्‍ये येह। स्‍यि कोहॱनाङ ङाहलेगी तेहपा मा़हलोह, ओहले क्‍याहल्‍दी ज्‍योर्केन्‍की च्‍याहगा था़ म़ेहबा मिहली ज़ाङबु ङाह ख्‍येला तेर्के।

ज्‍याल्‍गा 2:13

ख्‍याया़ ती़हगी ॱठि येहकें ग्‍या़ला बा़सा तेहकें म़ेदी ङाहला क्‍यी़ह येह। यिहॱनाङ ख्‍या ङाहती मिहनला थिक-चि पेहती तेहकें। ङाहती यिह-छ्य़ेबु पाङबु एन्‍टिपासकी ती़हजीलाॱआङ ङाह थो़ला ज़्‍या़क्‍योकी तेहपा ख्‍याया़गी माहक्‍युर। ती़ह गो-छ्येवा तेहकें ग्‍या़ला ख्‍याया़गी पाहरक्‍यीलाराङ खोला सेसीन।

ज्‍याल्‍गा 2:25

यिहॱनाङ ङाह माहयोहङ थु ख्‍या ङ्याम्‍बु च्‍यि च्‍यि येहबा, ओ़हला थिक-चि पेहती तेहतोङ।

ज्‍याल्‍गा 22:12

“त़ेदोङ, ङाह ग्‍यो़बा ओहङगेॱराङ येह, मिह थाम्‍ज्‍यीला खोगी पेहक्‍योगी ल़ेहला ते़बे च्‍याहगा तेर्च्‍ये येह।

ज्‍याल्‍गा 22:20

दि तामगी पाङबु नाङगेन्‍दीगी सुङ नाङगु दु, “तेहम्‍बाराङ, ङाह ओहङगेॱराङ येह।” आमेन, फेप नाङदोङ, ओ़ चो़वो येशू।

ज्‍याल्‍गा 22:7

“त़ेदोङ, ङाह ग्‍यो़बा ओहङगेॱराङ येह। दि छ्य़ेला लुहङतेम्‍बाया़गी प्रुहक्‍योगी सुङ ची़गेया़ काहजे सोनाम-साक्‍पु।”

ज्‍याल्‍गा 3:3

ओ़ह सोङबे ख्‍येगी च्‍यि ज्‍योर्पा ओहले च्‍यि थे़बा, ओ़ह टेहम्‍बा साल्‍दोङ, ओ़हला थिक-चि पेहती तेह ओहले स्‍या़बा डुप्‍तोङ। का़हलेॱआङ ख्‍ये ङ्यि माहछे़बा पेहती मेहतेहसीमानानी ङाह कुमेन ल़ेहमु पेहती ओहङज्‍ये येह, ओहले ङाह काहजे ती़हजीला ओहङज्‍ये येह म़ेदी ख्‍येगी क्‍यी़ह ज्‍योर्च्‍ये म़ेह।

ज्‍याल्‍गा 4:10

ओहले खुङया़गी छ्ये़-लु लेहन्‍गेनॱराङ पेहकेमु नाहम्‍स्‍यी किन्‍दु सोम्‍बो दाङ ज़्‍य़ू-ठिला ज़्‍य़ू नाङगेन्‍दीगी दिनला ओ़ह ङ्यिहस्‍यु िज्‍़य छ्य़े-ठिमकी लोबेनया़ खेप्‍चु क्‍याहप्‍ती छ्या़ छाल्‍सीन ओहले खुङया़गी राहङ-राहङगी पेस्‍यो ज़्‍य़ू-ठिकी दिनला ज़्‍या़दी दि ल़ेहमु मासीन,

ज्‍याल्‍गा 4:4

ओ़ह ज़्‍य़ू-ठिकी कोर-क्‍यिहले लेहमेन ङ्यिहस्‍यु िज्‍़य ज्‍यू़-ठिया़ येहकें, ओहले ओ़ह ज्‍यू़-ठिया़ला सेरकी पेस्‍यो दाङ नाहम्‍सा कार्पु नोम्‍ग्‍यो ङ्यिहस्‍यु िज्‍़य छ्य़े-ठिमकी लोबेनया़ ज़्‍य़ू नाङग्‍यो ङाहगी थोङसीन।