ज्याल्गा 3:10 - ह्योल्मो10 ख्येगी ना़स्यीङ छ्यिम्बु पेहती ङाहगी काया़ ची़क्यो सोङबे, ता़ह थाम्ज्यी क्यिहपाया़ला ङ्याहम च्येच्येला दि जाम्बुलीङ थो़ला बाप ओहङज्ये पेहक्यो तुहक्पुलेगी ङाह ख्येला थार च्य़ूज्ये येह। အခန်းကိုကြည့်ပါ။ |
ज्याल्गा 3:10
30 ပူးပေါင်းရင်းမြစ်များ
मिहया़ थो़ला ओहङगेन्गी ङ्याहम्छे म़ेदी लेहमेन ङ्याहम्छे ख्या थो़ला ओहङदी म़ेह। यिहॱनाङ किन्ज्योनी यिह-छ्य़े सी़हएँदी येहबा, मिहरोगी ख्याया़ला ख्यागी स्युकगी ना मी़हखुएँ ङ्याहम्छेला छ्यि च्य़ू नाङज्ये म़ेह, यिहॱनाङ ख्याया़गी ना़ ख़ूज्यु म़ेदी ङ्याहम्छे ङ्याम्बु-ङ्याम्बुराङ ओहलेगी थार ख़ूएँगी लाहमॱआङ मिहरोगी तेन नाङगे। दि ल़ेहमु पेहती ख्यागी ओ़ह ङ्याहम्छेया़ ना़ ख़ूज्ये येह।
ओ़ह तोहङस्यो सेम्ज्येनकी छापला दि ल़ेहमु याहम्जेम्बाकी ताक्छेनया़ तेन्गेन्गी स्युक खोला तेर्ते येहकें। दिगी पेहतीराङ खोगी जाम्बुलीङकी मिह थाम्ज्यीला गो़ कोर च्य़ूसीन। पादाङगी नाहन्दी काहल्देॱआङ थारक्यो ओ़ह सेम्ज्येनला ची़नाङ पेहच्येला थाम्ज्यीगी खोगी कु जे़दोङ म़ेदी ओ़ह ङ्यिपा सेम्ज्येनगी मिहया़ला कुल्सीन।
ओ़ह सेम्ज्येन तोहङले सोम्बो येहकें यिहॱनाङ ताहन्दादी म़ेह। ओ़हदी साप्स्यी तिहङले थेन्ज्ये येह ओहले तोङज्ये येह। ओहले जाम्बुलीङ छ्या़ले यिहन्ज्यु मिहलीगी छ्य़ेला मिहन मा़हप्रीहबा जाम्बुलीङगी मिहया़गी ओ़ह सेम्ज्येनला थोङदी ह्अ ल़ेहज्ये येह च्यिबेमाना खो सोम्बो येहकें, ताहन्दा स्यिदी येह। यिहॱनाङ खो येहपाराङ ओहङज्ये येह।
ता़ह ख्या थो़ला तुहक्पु बाप ओहङज्ये पेहती येह ओ़ह यिहन्ज्यु मा़हन्ज्यी। ती़ह गो-छ्येवागी ख्या नाहङला लाहलाला ङ्याहम च्येच्ये म़ेदी चोन-खाङला लू़ज्ये पेहती येह, ओहले ख्याला ङ्यिहमा च्यु थु च्यी़राङ तुहक्पु ओहङज्ये येह। स्यि कोहॱनाङ ङाहलेगी तेहपा मा़हलोह, ओहले क्याहल्दी ज्योर्केन्की च्याहगा था़ म़ेहबा मिहली ज़ाङबु ङाह ख्येला तेर्के।
ओ़ह तिङले ङाहगी तासीन ओहले नामला उहर्केनॱराङ पेहक्यो ख्युङ च्यी़गी क़े छ्यिम्बु तेन्दी दि ल़ेहमु माक्यो थ़ेसीन, “आबुइ! काहन्डुमु ज्यी़सुकी ताम! च्यिबेमाना लिहक्योगी स्यिहङगामकी स्याहप्च्यी सुमगी राहङ-राहङगी रोहवा-लीङ फुक्योकी क़े थे़गेमु जाम्बुलीङकी मिहया़ला काहजे छा तुहवा! काहजे छा तुहवा! काहजे छा तुहवा!”
ကြော်ငြာတွေ