ज्याल्गा 22:9 - ह्योल्मो9 यिहॱनाङ मिहरोगी ङाहला सुङ नाङसीन, “त़ेदोङ, ख्येगी ङाहला दि ल़ेहमु पेहच्ये मेहयोहङगे। ङाहनी ख्ये दाङ ख्येगी लुहङतेम्बा आदा-नो़हया़ ओहले दि छ्य़ेला प्रुहक्योगी सुङया़ ची़गेन मिहया़ ल़ेहमुराङ किन्ज्योगी स्याहप्च्यी च्यी़राङ यिहम्बा। किन्ज्योला छ्या़ छाल्सोङ।” အခန်းကိုကြည့်ပါ။ |
ज्याल्गा 22:9
19 ပူးပေါင်းရင်းမြစ်များ
दि छ्य़ेकी केच्या येशू मास्यीकागी तेन नाङग्यो यिहम्बा। राहङ स्याहप्च्यीया़गी ग्यो़बाराङ बाप ओहङज्ये पेहक्यो केच्याया़गी तेहन्दाला ङोह स्य़े ख़ूज्यु म़ेदी किन्ज्योगी येशूला दि ज्याल्गा नाङग्यो येहकें। येशूगी दि केच्या प्रा साल नाङज्येला स्यिहङगामकी स्याहप्च्यी च्यी़ला राहङला स्याहप्तो स्युएँगी यूहन्नासाला ताङ नाङसीन।
खोगी क़े छ्यिम्बु च्यी़ तेन्दी मासीन, “किन्ज्यो ङ्याम्बु ज्यी़दोङ ओहले मिहरोला ज़िज्यिद फुल्दोङ च्यिबेमाना ता़ह किन्ज्योगी मिहया़ला ठिम ताङ नाङगेन्गी ती़हजी लेप सिहन्दी येह। स्यिहङगाम, जाम्बुलीङ, छो-क्याहम्जो दाङ छ्यु क्येज्युया़ ज़ो नाङगेन्गी किन्ज्योला त़ेरा तेच्या फुल्दोङ।”
ओ़ चो़वो छ्येवा, राहङगी ज्यिक्पा मिहखुर्केन्गी मिह सुॱआङ येहटो ले? राहङ छेनकी ज़िज्यिद सुगी मे़हपेहटो ले? च्यिबेमाना राहङ च्यी़राङ नाम्पार-ताहक्पा ज़्य़ू नाङदी येह। क्यिहपा थाम्ज्यी ओहङदी राहङला ज्याल्ज्ये येह। च्यिबेमाना राहङगी छ्या़लेया़ टाहङदेन दु म़ेदी ता़ह मिहया़गी थोङ सिहन्दी येह।”
ओहले ओ़ह स्यिहङगामकी स्याहप्च्यीला छ्या़ छाल्ज्येला ङाह मिहरोगी स्याहपला खेप्चु क्याहप्सीन। यिहॱनाङ मिहरोगी ङाहला दि ल़ेहमु सुङ नाङसीन, ख्येगी ङाहला दि ल़ेहमु पेहच्ये मेहयोहङगे। ङाहॱआङ येशूगी तेहन्दाला पाङबु तेर्केन्गी ख्ये दाङ ख्येगी नो़हया़ ङ्याम्बु-ङ्याम्बुराङकी रो़ह दाङ योक्पुज्यीराङ यिहम्बा। किन्ज्योला छ्या़ छाल्दोङ! च्यिबेमाना चो़वो येशू मास्यीकागी तेन नाङग्यो तेहन्दामगीॱराङ लुहङतेम्बाया़ला स्युक क्ये च्य़ूएँ।
ကြော်ငြာတွေ