ज्‍याल्‍गा 22:20 - ह्योल्‍मो

²⁰ दि तामगी पाङबु नाङगेन्‍दीगी सुङ नाङगु दु, “तेहम्‍बाराङ, ङाह ओहङगेॱराङ येह।” आमेन, फेप नाङदोङ, ओ़ चो़वो येशू।

ज्‍याल्‍गा 22:20 ပူးပေါင်းရင်းမြစ်များ

यूहन्‍ना 21:25

येशूगी लेहमेन छ्या़लेया़ॱआङ माहङबुराङ जे नाङसीन। ओ़ह छ्या़लेया़ थाम्‍ज्‍यीराङ रे़ह-रे़ह पेहती प्रुहज्‍ये येहना, ङाहला दि ल़ेहमु ने़उ दु, येशूगी तेहन्‍दाला प्रुहक्‍योगी छ्य़ेया़ जाम्‍बुलीङॱलाङ स्‍योङज्‍ये म़ेहबा येहकें।

१ कोरिन्‍थी 16:22

का़हन्‍दीगी चो़वोला चेवा मेहबेकें खोला मे़मु सू़हज्‍यु। ए ओहराङगी चो़वो, फेप नाङदोङ!

२ तिमोथी 4:8

ता़ह ङाहगी तेहन्‍दाला टाहङदेनकी पेस्‍यो ज़्‍या़ नाङदी येह, ओ़हदी टाहङबु-ठिम ताङ नाङगेन चो़वोगी ओ़ह ङ्यिहमाला ङाहला नाङज्‍ये येह, ओहले ङाहला च्‍यी़राङ मिहम्‍बा, यिहॱनाङ मिहरो फेप नाङगेन्‍गी लाहम ज्‍यिबुराङ सेम काहसो पेहती कू़हदे तेहकें थाम्‍ज्‍यीलाराङ नाङज्‍ये येह।

हिब्रू 10:37

च्‍यिबेमाना छ्य़ेला दि ल़ेहमु प्री़हदी येहबा, “मिहरो फेप नाङगेन्‍दी, फेपॱराङ नाङज्‍ये येह ओहले फिमु जे नाङज्‍ये म़ेह।

हिब्रू 9:28

ओ़हठीॱराङ पेहती मिह माहङबुगी तिहक्‍पाया़ खुर नाङज्‍येला मास्‍यीकागी लेहमा च्‍यी़ राहङगी राहङला मार्च्‍ये फुल नाङसीन। ओहले मास्‍यीका येहपाराङॱआङ लेहमा च्‍यी़ फेप नाङज्‍ये येह। ओहजे काहङला मिहया़गी तिहक्‍पाया़ ता़ह च्‍य़ू नाङज्‍येला मिहम्‍बा यिहॱनाङ सेम काहसो पेहती मिहरो फेप नाङगेन्‍गी फेप-लाहम कू़हदी तेहकेनया़ला थार्पा नाङज्‍येला फेप नाङज्‍ये येह।

ज्‍याल्‍गा 1:18

ओहले सोम्‍बो येहकेन्‍दीॱआङ ङाहराङ यिहन। ङाह स्‍यिक्‍यो येहकें, यिहॱनाङ ता़ह त़ेदोङ, ङाह नाहम्‍स्‍यी किन्‍दुॱराङ सोम्‍बो काहल्‍दी येह, स्‍यिवा दाङ साप्‍स्‍यी तिहङकी दिमीया़ ङाह ङ्याम्‍बु येहबा।

ज्‍याल्‍गा 1:2

राहङगी थोङग्‍यो केच्‍या थाम्‍ज्‍यीराङ यूहन्‍नागी प्रा साल्‍दी येह। ओहले खोगी स्‍येक्‍यो किन्‍ज्‍योकी लेहङगु दाङ येशू मास्‍यीकागी तेन नाङग्‍यो तेहन्‍दामकी तामया़ दिया़राङ यिहम्‍बा।

ज्‍याल्‍गा 2:16

ओ़ह सोङबे स्‍या़बा डुप्‍तोङ, मिहन्‍सीमाना ङाह ख्‍येसाला ग्‍यो़बाराङ ओहङगे, ओहले ङाहती खाले थेन्‍गे पादाङगी ओ़ह ल़ेह ङ्येहम्‍बा पेहकें मिहया़ ङ्याम्‍बु मा़ क्‍याहप्‍च्‍ये येह।

ज्‍याल्‍गा 22:10

ओहले मिहरोगी येहपाराङ ङाहला सुङ नाङसीन, “दि छ्य़ेला लुहङतेम्‍बाया़गी प्रुहक्‍योगी सुङ पे़हदी मा़हज्‍या च्‍यिबेमाना दि थाम्‍ज्‍यी तेहन्‍दा डुप्‍केन्‍गी ती़हजी पोहलाराङ येह।

ज्‍याल्‍गा 22:12

“त़ेदोङ, ङाह ग्‍यो़बा ओहङगेॱराङ येह, मिह थाम्‍ज्‍यीला खोगी पेहक्‍योगी ल़ेहला ते़बे च्‍याहगा तेर्च्‍ये येह।

ज्‍याल्‍गा 22:18

दि छ्य़ेला लुहङतेम्‍बाया़गी प्रुहक्‍योकी सुङ ङ्यिहन्‍गे मिह थाम्‍ज्‍यीला ङाह दि ताम माएँ: का़हलेॱआङ सुज्‍यीगी दि छ्य़ेला ल्‍हाक्‍पु तामया़ पा़हसीन माना दि छ्य़ेला प्रुहक्‍योगी तुहक्‍पु छ्यिम्‍बुया़ खो थो़ला किन्‍ज्‍योगी पा़हदी नाङज्‍ये येह।

ज्‍याल्‍गा 22:7

“त़ेदोङ, ङाह ग्‍यो़बा ओहङगेॱराङ येह। दि छ्य़ेला लुहङतेम्‍बाया़गी प्रुहक्‍योगी सुङ ची़गेया़ काहजे सोनाम-साक्‍पु।”