ज्‍याल्‍गा 22:18 - ह्योल्‍मो

¹⁸ दि छ्य़ेला लुहङतेम्‍बाया़गी प्रुहक्‍योकी सुङ ङ्यिहन्‍गे मिह थाम्‍ज्‍यीला ङाह दि ताम माएँ: का़हलेॱआङ सुज्‍यीगी दि छ्य़ेला ल्‍हाक्‍पु तामया़ पा़हसीन माना दि छ्य़ेला प्रुहक्‍योगी तुहक्‍पु छ्यिम्‍बुया़ खो थो़ला किन्‍ज्‍योगी पा़हदी नाङज्‍ये येह।

ज्‍याल्‍गा 22:18 ပူးပေါင်းရင်းမြစ်များ

मत्ती 15:13

येशूगी सुङ नाङसीन, “स्‍यिहङगामला ज़्‍य़ू नाङगेन ङाहगी याहपगी च़ू माहनाङबादी थाम्‍ज्‍यीराङ तोहङबो रिङ यिहन्‍ज्‍युराङ पो नाङज्‍ये येह।

एफिसी 4:17

ओ़ह सोङबे ङाह चो़वोकी छेनला लोप्‍च्‍युङ तेर्केॱराङ माउ येह, ता़ह ख्‍याया़गी डोलु-तेहलुया़ लेहमेन क्‍यिहपाकी मिहया़ती ल़ेहमु माहयोहङज्‍यु। खुङया़गी नोम्‍साङनी च्‍यिॱआङ फेन थो़ज्‍ये म़ेह।

१ थेसलोनिकी 4:6

दिगी तेहन्‍दाला सुज्‍यीगीॱआङ राहङगी आदा-नो़हला गो़ कोर्ती खो लाहमले खेप्‍साङ माहतेन्‍ज्‍यु। दि ल़ेहमु तामला चो़वोगी ङ्य़ेहबा काल नाङज्‍ये येह। ङ्यिहगी ख्‍या फ़ेबे-म़ेहमेया़ला तोहङलेराङ दिगी तेहन्‍दाला छ्यिसाल-नाहङसाल पेहती ज्‍यी़-ङोर तेर सिहन्‍दी येहबा।

ज्‍याल्‍गा 1:3

दि छ्य़े टा़हगेन दाङ तिङला बाप ओहङज्‍ये पेहक्‍यो केच्‍याया़गी तेहन्‍दाला प्रुह नाङग्‍योकी सुङला ङ्यिहन्‍दी ची़गेया़ काहजे सोनाम-साक्‍पु। च्‍यिबेमाना दि केच्‍याया़ ग्‍यो़बाराङ तेहन्‍दा डुप्‍च्‍ये येह।

ज्‍याल्‍गा 15:1

ङाहगी स्‍यिहङगामला छ्यिम्‍बु दाङ याहम्‍जेम्‍बाकी लेहमेन ता़स्‍यी च्‍यी़ थोङसीन: स्‍यिहङगामकी स्‍याहप्‍च्‍यी तिहनगी ज्‍युक्‍स्‍योलला बाप्‍केन्‍गी तुहक्‍पुया़ नोम्‍दे येहकें, च्‍यिबेमाना खुङया़लाॱराङ किन्‍ज्‍योकी थुयाल छाङबु डोज्‍ये येह।

ज्‍याल्‍गा 15:6

चाङमा दाङ येहपा छ्याएँ थु नाहम्‍सा नोम्‍दी प्राहङगोला सेरकी थाक्‍पा ल़ेहमुज्‍यी ताहम्‍ग्‍यो स्‍यिहङगामकी स्‍याहप्‍च्‍यी तिहन ज्‍युक्‍स्‍योलला बाप ओहङगेन्‍गी तुहक्‍पु तिहन नोम्‍दी छ्योखाङले फिला थेन फेप्‍सीन।

ज्‍याल्‍गा 19:20

ओहले ओ़ह सेम्‍ज्‍येन दाङ खोगी छापला याहम्‍जेम्‍बाकी ताक्‍छेनया़ तेन्‍गे ओ़ह चिहन क्‍याहप्‍के लुहङतेम्‍बालाॱआङ ज़ुङसीन। दि याहम्‍जेम्‍बागी ल़ेहया़ लाहमले ओ़ह चिहन क्‍याहप्‍कें लुहङतेम्‍बागी ओ़ह सेम्‍ज्‍येनगी पार क्‍याहप्‍कें दाङ खोगी कुला छ्येपा फुल्‍गे थाम्‍ज्‍यीला गो़ कोर च्‍य़ूदी येहकें। ओ़ह ङ्यिकालाराङ ती़हदी तेहक्‍यो मेहबुङगी छो नाहङला सोम्‍बोराङ क्‍युर चाहङसीन।

ज्‍याल्‍गा 20:10

क्‍यिहपा-क्‍यिहपाला गो़ कोर च्‍य़ूगेन्‍गी ओ़ह दियाबलसला मेह दाङ मेहबुङ नाहङला क्‍युर चाहङसीन, ओ़हला ओ़ह सेम्‍ज्‍येन दाङ चिहन क्‍याहप्‍केन्‍गी लुहङतेम्‍बाॱआङ येहकें। ओ़ह ग्‍या़ला खुङया़गी ङ्यिहन-नुहप नाहम्‍स्‍यी किन्‍दुॱराङ तुहक्‍पु खुर्च्‍ये येह।

ज्‍याल्‍गा 20:15

मिहलीगी छ्य़ेला मिहन मा़हप्रीहबा मिहया़ला ओ़ह मेहबुङगी छो नाहङला क्‍युर चाहङसीन।

ज्‍याल्‍गा 22:10

ओहले मिहरोगी येहपाराङ ङाहला सुङ नाङसीन, “दि छ्य़ेला लुहङतेम्‍बाया़गी प्रुहक्‍योगी सुङ पे़हदी मा़हज्‍या च्‍यिबेमाना दि थाम्‍ज्‍यी तेहन्‍दा डुप्‍केन्‍गी ती़हजी पोहलाराङ येह।

ज्‍याल्‍गा 22:16

“ङाह येशूगी ङाहती स्‍यिहङगामकी स्‍याहप्‍च्‍यीला छेन्‍छोकला येहकेन्‍की मिह थाम्‍ज्‍यीगी दि तामया़ क्‍यी़ह ज्‍योर्च्‍यु म़ेदी ङाहगी खोला ख्‍येसाला ताङ चाहङदी येह। क्‍याहल्‍बु दाऊदकी चाङर्यी दाङ छार्क्‍यीनॱआङ ङाहराङ यिहन ओहले येहपा छ्या़गे थोराङ कार्च्‍येनॱआङ ङाहराङ यिहन।”

ज्‍याल्‍गा 22:7

“त़ेदोङ, ङाह ग्‍यो़बा ओहङगेॱराङ येह। दि छ्य़ेला लुहङतेम्‍बाया़गी प्रुहक्‍योगी सुङ ची़गेया़ काहजे सोनाम-साक्‍पु।”

ज्‍याल्‍गा 22:9

यिहॱनाङ मिहरोगी ङाहला सुङ नाङसीन, “त़ेदोङ, ख्‍येगी ङाहला दि ल़ेहमु पेहच्‍ये मेहयोहङगे। ङाहनी ख्‍ये दाङ ख्‍येगी लुहङतेम्‍बा आदा-नो़हया़ ओहले दि छ्य़ेला प्रुहक्‍योगी सुङया़ ची़गेन मिहया़ ल़ेहमुराङ किन्‍ज्‍योगी स्‍याहप्‍च्‍यी च्‍यी़राङ यिहम्‍बा। किन्‍ज्‍योला छ्या़ छाल्‍सोङ।”

ज्‍याल्‍गा 3:14

“लाउडिकियाकी छेन्‍छोकला चारा पेहकेन स्‍यिहङगामकी स्‍याहप्‍च्‍यीला दि ताम प्री़हदोङ: ‘दि ताम आमेन, यिह-छ्य़ेबु दाङ तेहन्‍दामकी पाङबुगी दि ल़ेहमु सुङ नाङगु दु। किन्‍ज्‍योगी छ्या़ नाङग्‍योकी रेबेॱराङ से़हया़ थो़ला मिहरोगीॱराङ ओङ छ्ये नाङगे।