ज्याल्गा 22:16 - ह्योल्मो16 “ङाह येशूगी ङाहती स्यिहङगामकी स्याहप्च्यीला छेन्छोकला येहकेन्की मिह थाम्ज्यीगी दि तामया़ क्यी़ह ज्योर्च्यु म़ेदी ङाहगी खोला ख्येसाला ताङ चाहङदी येह। क्याहल्बु दाऊदकी चाङर्यी दाङ छार्क्यीनॱआङ ङाहराङ यिहन ओहले येहपा छ्या़गे थोराङ कार्च्येनॱआङ ङाहराङ यिहन।” အခန်းကိုကြည့်ပါ။ |
ज्याल्गा 22:16
30 ပူးပေါင်းရင်းမြစ်များ
ओहले खुङया़गी मिहया़ला दि ल़ेहमु म़ेदी टी़हसीन, “नाहरे च्यी़राङ ठुङ नाङग्यो यहूदीया़की क्याहल्बु का़हला ज़्य़ू नाङदी येहबा? ङ्यिहगी येशू ठुङ नाङग्योकी तेहन्दाला क्यी़ह ज्योर च्य़ूएँ ताक्छेन तेन्गेन्गी कार्माला स्यार ङो़ले थोङसीन ओ़ह सोङबे ङ्यिह येशूला ज्याल ओहङग्यो यिहम्बा!” म़ेदी मासीन।
दि छ्य़ेकी केच्या येशू मास्यीकागी तेन नाङग्यो यिहम्बा। राहङ स्याहप्च्यीया़गी ग्यो़बाराङ बाप ओहङज्ये पेहक्यो केच्याया़गी तेहन्दाला ङोह स्य़े ख़ूज्यु म़ेदी किन्ज्योगी येशूला दि ज्याल्गा नाङग्यो येहकें। येशूगी दि केच्या प्रा साल नाङज्येला स्यिहङगामकी स्याहप्च्यी च्यी़ला राहङला स्याहप्तो स्युएँगी यूहन्नासाला ताङ नाङसीन।
एशिया क्याहल-खाप छ्यिम्बुला येहकेन छेन्छोक तिहन्गालाॱराङ ङाह यूहन्नागी टास्यी-देले स्युहउ येह: साज्या-नाम्ज्या छ्या़ च्य़ू नाङगे म़ेदी तोहङलेराङ किन्ज्यो ज़्य़ू नाङदी येहकें ओहले ताहन्दाॱआङ ज़्य़ू नाङदी येह ओहले नाहम्स्यी किन्दुॱराङ ज़्य़ू नाङज्ये येह, ओहले मिहरोगीॱराङ ख्याया़ला काटीन दाङ स्य़िहदे नाङज्यु। ज़्य़ू-ठि दिनला ज़्य़ू नाङगेन्गी थु तिहन लाहमले,
सुती नाम्ज्यो येहबा खोगी ङ्यिहन्ज्यु, किन्ज्योकी थुगी छेन्छोकया़ला च्यि सुङ नाङगेराङ येहबा! सुगी क्याहल्गे, ङाह खुङया़ला पे़हदी ज़्या़क्योगी मन्न तेर्च्ये येह। ङाह खुङला तोह कार्पु च्यी़ॱआङ तेर्के, ओ़ह तोह कार्पुला मिहन साम्बा च्यी़ प्री़हदी येहबा। दि तोह कार्पु ज्योर्केया़गी मिहम्बा लेहमेन सुगीॱआङ ह्अ मेहकोहएँ।’”
ओ़ह तिङले स्यिहङगामकी स्याहप्च्यीगी ङाहला स्फटिक ल़ेहमुराङ येहपा छ्या़गे मिहलीकी छ्युगी चाङबु तेन नाङसीन। ओ़ह चाङबु किन्ज्यो दाङ ल़ूह स्ये़बुकी ज़्य़ूॱठिलेगी थेन्दी क्याहसाकी लाहम पाहरक्यीले स्याहल्दे डोॱराङ येहकें। ओ़ह चाङबु सुहरला मिहली तेर्केन्गी तोहङबो तेहकें ओ़ह तोहङबोला लो़ह च्यी़ला सेदो ना च्यिङ्यी़ या़हउ येहकें। ओहले ओ़ह तोहङबोकी लाहप्तीया़गी क्यिहपा-क्यिहपाया़गी मिहया़ला टा़ह च्य़ूगे।
दि तिङले स्यिहङगामकी स्याहप्च्यीगी ङाहला सुङ नाङसीन, “दि सुङया़ सेमले खाल ख़ूएँ दाङ तेहन्दाम येह। लुहङतेम्बाया़ला नाम्पार-ताहक्पा थु नाङगेन्गी चो़वो छ्येवा किन्ज्योगी राहङगी स्याहप्च्यीया़ला दि ग्यो़बाराङ ओहङज्ये पेहक्योगी तामया़ तेन्ज्येला राहङगी स्यिहङगामकी स्याहप्च्यी ताङ नाङदी येह।”
ကြော်ငြာတွေ