ज्‍याल्‍गा 22:10 - ह्योल्‍मो

¹⁰ ओहले मिहरोगी येहपाराङ ङाहला सुङ नाङसीन, “दि छ्य़ेला लुहङतेम्‍बाया़गी प्रुहक्‍योगी सुङ पे़हदी मा़हज्‍या च्‍यिबेमाना दि थाम्‍ज्‍यी तेहन्‍दा डुप्‍केन्‍गी ती़हजी पोहलाराङ येह।

ज्‍याल्‍गा 22:10 ပူးပေါင်းရင်းမြစ်များ

मत्ती 10:27

ङाहगी ख्‍याया़ला ना़-जुबेला माक्‍योगी ताम ख्‍याया़गी क्‍या-साङेला थाम्‍ज्‍यीला स्‍ये तेर, ओहले नाम्‍ज्‍योला खाजुम्‍बा पेहती स्‍येक्‍योगी तामया़ खाङबागी किल्‍दुङले थाम्‍ज्‍यीला फे़रा तेन्‍दी ख्‍येप्‍टा ताङदोङ।

रोमी 13:11

टेहम्‍बा ज़्‍यो़, काहन्‍डुमु ती़हजी ओहङज्‍ये पेहक्‍यो येहबा। ओ़ह ख्‍याया़लाॱआङ क्‍यी़हराङ येह, ता़ह ख्‍या ङ्यि स़ेती लाहङदी तेहकेन्‍गी ठाबे ती़हजी लेप सिहन्‍दी येह, च्‍यिबेमाना ओहराङगी तोहङले यिह छ्य़ेक्‍यो म़ेदीॱआङ ताहन्‍दा ओहराङगी थार्पा तोहरोङ पोहला लेप्‍ती येह।

रोमी 13:12

नुहप टाहल सिहन्‍सीन, ओहले ङ्यिहमा पोहलाराङ लेप सिहन्‍दी येह। ओ़ह सोङबे ना़-जुबेकी ल़ेहया़ क्‍युर्ती ता़ह ओहराङ येहसेरकी छेन्‍ज्‍याया़ थो़ कोहएँ।

२ थेसलोनिकी 2:3

यिहॱनाङ ख्‍याला सुज्‍यीगीॱआङ काह-ठि पेहतीॱआङ गो़ कोर मा़हखुज्‍यु। किन्‍ज्‍योला टाह पेहती छ्यिम्‍बु ठ़ूस्‍यी सिहङदा माहकाहल थु ओहले तोङ कोहएँ पे यिहॱना़: छ्य़े-ठिम गोम्‍गे मिह माहयोहङ थु चो़वोकी ङ्यिहमा लेप्‍च्‍ये म़ेह।

१ पत्रुस 4:7

ता़ह ना थाम्‍ज्‍यी तोङदी डोएँगी ती़हजी पोहलाराङ लेप सिहन्‍दी येह। ओ़ह सोङबे राहङगी सोल्‍वाङकी तेहन्‍दाला राहङ सेम थिक-चिला ज़्‍या़दी जेम्‍बु पेहती तेहतोङ।

ज्‍याल्‍गा 1:11

ख्‍येगी थोङग्‍योकी तामया़ ता़ह यिहगी च्‍यी़ला प्री़हदीॱमाराङ एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया दाङ लाउडिकिया क्‍याहसाला येहकेन्‍गी छेन्‍छोक तिहन्‍गालाॱराङ ताङदोङ।

ज्‍याल्‍गा 1:3

दि छ्य़े टा़हगेन दाङ तिङला बाप ओहङज्‍ये पेहक्‍यो केच्‍याया़गी तेहन्‍दाला प्रुह नाङग्‍योकी सुङला ङ्यिहन्‍दी ची़गेया़ काहजे सोनाम-साक्‍पु। च्‍यिबेमाना दि केच्‍याया़ ग्‍यो़बाराङ तेहन्‍दा डुप्‍च्‍ये येह।

ज्‍याल्‍गा 10:4

लेहमा तिहन थु नाम दिर्क्‍यो ल़ेहमु क़े तेन लुहङ म़ेहबा ङाहगी प्रुहज्‍येॱराङ पेहक्‍यो येहकें ओ़ह ती़हजीलाराङ स्‍यिहङगामले दि ल़ेहमु सुङ नाङग्‍यो ङाहगी थ़ेसीन “ओ़ह लेहमा तिहन थु नाम गड्याङ-गुडुङ पेहती क़े तेन्‍ग्‍योकी ताम माहप्रुह यिहॱनाङ दि ताम सेमला पे़हदी ज़्‍या़दोङ।”

ज्‍याल्‍गा 22:16

“ङाह येशूगी ङाहती स्‍यिहङगामकी स्‍याहप्‍च्‍यीला छेन्‍छोकला येहकेन्‍की मिह थाम्‍ज्‍यीगी दि तामया़ क्‍यी़ह ज्‍योर्च्‍यु म़ेदी ङाहगी खोला ख्‍येसाला ताङ चाहङदी येह। क्‍याहल्‍बु दाऊदकी चाङर्यी दाङ छार्क्‍यीनॱआङ ङाहराङ यिहन ओहले येहपा छ्या़गे थोराङ कार्च्‍येनॱआङ ङाहराङ यिहन।”

ज्‍याल्‍गा 22:18

दि छ्य़ेला लुहङतेम्‍बाया़गी प्रुहक्‍योकी सुङ ङ्यिहन्‍गे मिह थाम्‍ज्‍यीला ङाह दि ताम माएँ: का़हलेॱआङ सुज्‍यीगी दि छ्य़ेला ल्‍हाक्‍पु तामया़ पा़हसीन माना दि छ्य़ेला प्रुहक्‍योगी तुहक्‍पु छ्यिम्‍बुया़ खो थो़ला किन्‍ज्‍योगी पा़हदी नाङज्‍ये येह।

ज्‍याल्‍गा 22:20

दि तामगी पाङबु नाङगेन्‍दीगी सुङ नाङगु दु, “तेहम्‍बाराङ, ङाह ओहङगेॱराङ येह।” आमेन, फेप नाङदोङ, ओ़ चो़वो येशू।

ज्‍याल्‍गा 22:7

“त़ेदोङ, ङाह ग्‍यो़बा ओहङगेॱराङ येह। दि छ्य़ेला लुहङतेम्‍बाया़गी प्रुहक्‍योगी सुङ ची़गेया़ काहजे सोनाम-साक्‍पु।”

ज्‍याल्‍गा 22:9

यिहॱनाङ मिहरोगी ङाहला सुङ नाङसीन, “त़ेदोङ, ख्‍येगी ङाहला दि ल़ेहमु पेहच्‍ये मेहयोहङगे। ङाहनी ख्‍ये दाङ ख्‍येगी लुहङतेम्‍बा आदा-नो़हया़ ओहले दि छ्य़ेला प्रुहक्‍योगी सुङया़ ची़गेन मिहया़ ल़ेहमुराङ किन्‍ज्‍योगी स्‍याहप्‍च्‍यी च्‍यी़राङ यिहम्‍बा। किन्‍ज्‍योला छ्या़ छाल्‍सोङ।”

ज्‍याल्‍गा 5:1

ज़्‍य़ू-ठिला ज़्‍य़ू नाङगेन्‍दीती योबा छ्या़ला ङाहगी छ्य़े टिहल्‍मा च्‍यी़ थोङसीन। ओ़ह छ्य़े टिहल्‍माला लेहप ङ्यिकाराङ ङो़ले यिहगी प्रुहक्‍यो येहकें, ओ़ह छ्य़ेला थे़जी तिहन थाल क्‍याहप्‍ती ज़्‍या़ नाङग्‍यो येहकें।