ज्याल्गा 22:1 - ह्योल्मो1-2 ओ़ह तिङले स्यिहङगामकी स्याहप्च्यीगी ङाहला स्फटिक ल़ेहमुराङ येहपा छ्या़गे मिहलीकी छ्युगी चाङबु तेन नाङसीन। ओ़ह चाङबु किन्ज्यो दाङ ल़ूह स्ये़बुकी ज़्य़ूॱठिलेगी थेन्दी क्याहसाकी लाहम पाहरक्यीले स्याहल्दे डोॱराङ येहकें। ओ़ह चाङबु सुहरला मिहली तेर्केन्गी तोहङबो तेहकें ओ़ह तोहङबोला लो़ह च्यी़ला सेदो ना च्यिङ्यी़ या़हउ येहकें। ओहले ओ़ह तोहङबोकी लाहप्तीया़गी क्यिहपा-क्यिहपाया़गी मिहया़ला टा़ह च्य़ूगे। အခန်းကိုကြည့်ပါ။ |
ओ़ह सुङगोराङ किन्ज्यो याहपगी येशूला राहङ ङ्याम्बुराङ राहङगी योबा ङो़ले ज़्या़ नाङदी येह ओहले राहङगी ताहम्ज्या ज़्या़ नाङग्यो ल़ेहमु जेती येशूला नाम्पार-ताहक्पा थु नाङसीन। ओ़ह नाम्पार-ताहक्पा थुराङ चो़वो छ्येवा येशूगी ताहन्दा ओहराङ थो़ला ज़्या़ नाङदी येह, ओ़ह ताम ख्या फे़बेया़गी ताहन्दा थोङदी, थे़दी ओ़हङदीॱराङ येहबा।
दि छ्य़ेकी केच्या येशू मास्यीकागी तेन नाङग्यो यिहम्बा। राहङ स्याहप्च्यीया़गी ग्यो़बाराङ बाप ओहङज्ये पेहक्यो केच्याया़गी तेहन्दाला ङोह स्य़े ख़ूज्यु म़ेदी किन्ज्योगी येशूला दि ज्याल्गा नाङग्यो येहकें। येशूगी दि केच्या प्रा साल नाङज्येला स्यिहङगामकी स्याहप्च्यी च्यी़ला राहङला स्याहप्तो स्युएँगी यूहन्नासाला ताङ नाङसीन।
दि तिङले स्यिहङगामकी स्याहप्च्यीगी ङाहला सुङ नाङसीन, “दि सुङया़ सेमले खाल ख़ूएँ दाङ तेहन्दाम येह। लुहङतेम्बाया़ला नाम्पार-ताहक्पा थु नाङगेन्गी चो़वो छ्येवा किन्ज्योगी राहङगी स्याहप्च्यीया़ला दि ग्यो़बाराङ ओहङज्ये पेहक्योगी तामया़ तेन्ज्येला राहङगी स्यिहङगामकी स्याहप्च्यी ताङ नाङदी येह।”
ओ़ह तिङले सोम्बो सेम्ज्येन ज़्यि दाङ टाहङबु छ्य़े-ठिमकी लोबेनया़गी ति-खिरे कोर्ते ज़्य़ूक्यो ओ़ह ज़्य़ू-ठिकी पाहरक्यीला ल़ूह स्ये़बु च्यी़ ज़्याङदी ज़्य़ूक्यो थोङसीन। दि ल़ूह स्ये़बुदी सेत्ती ज़्या़क्यो ल़ेहमु थोङगो येहकें। मिहरोगी रोहवा तिहन दाङ मी़ॱआङ तिहन येहकें ओ़हदी जाम्बुलीङ थाम्ज्यीला ताङग्योगी किन्ज्योगी थु तिहन यिहन्गे।