ज्याल्गा 21:2 - ह्योल्मो2 ओहले ङाहगी नाम्पार-ताहक्पा यरूशलेम क्याहसा किन्ज्योलेगी स्यिहङगाम यिहन्ज्यु माहर फेप्केराङ जेक्यो थोङसीन। ओ़ह क्याहसा नि माहक्पा साम्बा ङ्याम्बु थुज्येला ज़ाप्ते ठाबे पेह ज़्या़क्योगी नामा साम्बा ल़ेहमुराङ येहकें। ओ़हदी साम्बा यरूशलेम यिहम्बा। အခန်းကိုကြည့်ပါ။ |
ज्याल्गा 21:2
28 ပူးပေါင်းရင်းမြစ်များ
किन्ज्योगी ख्याया़ला ठादो जे नाङग्यो ल़ेहमु ङाहॱआङ ख्याया़ला ठादो पेहकें। च्यिमे च्यी़राङ माहक्पा साम्बा मास्यीका ङ्याम्बु ङाहगी ख्याया़ला लाङज्याङ पेह तेर्सीन, ता़ह ङाह ख्याया़ला च्यिॱआङ क्येन म़ेहबा नाम्पार-ताहक्पा नामा साम्बाला ल़ेहमु पेहती माहक्पा साम्बागी लाहक्पाला च्योल्ज्ये सेम्बा येहबा।
दि छ्य़ेकी केच्या येशू मास्यीकागी तेन नाङग्यो यिहम्बा। राहङ स्याहप्च्यीया़गी ग्यो़बाराङ बाप ओहङज्ये पेहक्यो केच्याया़गी तेहन्दाला ङोह स्य़े ख़ूज्यु म़ेदी किन्ज्योगी येशूला दि ज्याल्गा नाङग्यो येहकें। येशूगी दि केच्या प्रा साल नाङज्येला स्यिहङगामकी स्याहप्च्यी च्यी़ला राहङला स्याहप्तो स्युएँगी यूहन्नासाला ताङ नाङसीन।
एशिया क्याहल-खाप छ्यिम्बुला येहकेन छेन्छोक तिहन्गालाॱराङ ङाह यूहन्नागी टास्यी-देले स्युहउ येह: साज्या-नाम्ज्या छ्या़ च्य़ू नाङगे म़ेदी तोहङलेराङ किन्ज्यो ज़्य़ू नाङदी येहकें ओहले ताहन्दाॱआङ ज़्य़ू नाङदी येह ओहले नाहम्स्यी किन्दुॱराङ ज़्य़ू नाङज्ये येह, ओहले मिहरोगीॱराङ ख्याया़ला काटीन दाङ स्य़िहदे नाङज्यु। ज़्य़ू-ठि दिनला ज़्य़ू नाङगेन्गी थु तिहन लाहमले,
सुगी क्याहल्गे, ओ़हदीला ङाह किन्ज्योकी छ्योखाङला काप्स्यी ज़ोज्ये येह, ओहले खो ओ़ह छ्योखाङ नाहङले फिला नाहमॱआङ थेन्ज्ये म़ेह। ओ़ह काप्स्यीला ङाहती किन्ज्योकी छेन ओहले स्यिहङगामलेगी फेप नाङगेन मिहरोगी क्याहसा साम्बा यरूशलेमकी छेन प्रुहज्ये येह ओहले ओ़ह काप्स्यीलाॱराङ ङाहती मिहन साम्बा प्रुहज्ये येह।
ကြော်ငြာတွေ