ज्याल्गा 20:4 - ह्योल्मो4 ओहले ङाहगी ज्यू़-ठिया़ दाङ ओ़ह खाला ज़्य़ू नाङगेनया़ला थोङसीन, खुङया़ला ठिम ताङगेन्गी ओङ नाङदी येहकें। येशूगी पाङबु तेहक्यो सोङबे ओहले किन्ज्योगी सुङ प्रा साल्ग्यो सोङबे मिहगी लाहक्पाले पेहती स्यि कोहक्यो मिहगी नाम्स्यीया़ॱआङ ङाहगी थोङसीन। खुङया़गी ओ़ह सेम्ज्येन दाङ खोगी कुला छ्येपा माहफुल येहकें ओहले राहङगी प्राला दाङ लाहक्पाला ओ़ह सेम्ज्येनदी पार माहक्याहप येहकें। खुङ येहपाराङ सोम्बो लो़हदी लाहङसीन ओहले लोह तोङरा च्यी़ थु मास्यीका ङ्याम्बु ओङ छ्य़ेसीन। အခန်းကိုကြည့်ပါ။ |
ज्याल्गा 20:4
40 ပူးပေါင်းရင်းမြစ်များ
ओहले खोगी यिह दाङ स्युकला एलिया ल़ेहमुराङ पेहती चो़वो छ्येवागी दिनला ओहङदी चो़वो छ्येवागी लाहम ठाबे पेहच्ये येह। ओहले खोगी आबा दाङ पुह पोहमोया़ला थिन च्य़ूज्ये येह ओहले मिहङ्यीहन्गे मिहया़ला किन्ज्योगी काया़ ची़गेन्गी मिहया़गी रिहक्स्यी ङो़ले ठिच्ये येह। दि ल़ेहमु पेहती खोगी चो़वो छ्येवागी मिहया़ला चो़वो छ्येवागी तेहन्दालाराङ ठाबे पेहच्ये येह।”
ओहले तिहम्बा स्यिहङगामकी स्याहप्च्यीगी राहङ ङ्याम्बु येहकेन्की रोहवा-लीङ फुसीन, ओहले स्यिहङगामला छ्यिम्बु-छ्यिम्बु सुङ-क़ेगी दि रोहवा सुङ नाङसीन, “जाम्बुलीङगी क्याहल्सी ओहराङ चो़वो दाङ किन्ज्योकी मास्यीकागी क्याहल्सी काहल्दे येह ओहले मास्यीकागी नाहम्स्यी किन्दु ओङ छ्य़े नाङज्ये येह।”
ओ़ह सेम्ज्येन तोहङले सोम्बो येहकें यिहॱनाङ ताहन्दादी म़ेह। ओ़हदी साप्स्यी तिहङले थेन्ज्ये येह ओहले तोङज्ये येह। ओहले जाम्बुलीङ छ्या़ले यिहन्ज्यु मिहलीगी छ्य़ेला मिहन मा़हप्रीहबा जाम्बुलीङगी मिहया़गी ओ़ह सेम्ज्येनला थोङदी ह्अ ल़ेहज्ये येह च्यिबेमाना खो सोम्बो येहकें, ताहन्दा स्यिदी येह। यिहॱनाङ खो येहपाराङ ओहङज्ये येह।
ကြော်ငြာတွေ