Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ज्‍याल्‍गा 20:2 - ह्योल्‍मो

2 ओहले मिहरोगी ओ़ह डुकला ज़ुङदी लो़ह तोङरा च्‍यी़ थु ताहम्‍दी ज़्‍या़ नाङसीन। ओ़ह डुकदी ताहङबो प्रुहल, ङ्येहम्‍बा नाम्‍स्‍यीगी क्‍याहल्‍बु दाङ ती़ह गो-छ्येवा यिहन्‍गे।

အခန်းကိုကြည့်ပါ။ ကော်ပီ




ज्‍याल्‍गा 20:2
31 ပူးပေါင်းရင်းမြစ်များ  

ङाहगी तेहन्‍दाला राहङ खाङबागी आदा-नो़ह, आज्‍यी-नुहमु, आबा-आमा, पुह-पोहमो दाङ खाङसा-स्‍यिहङसा क्‍युर्केन्‍दीगी दि म़ेदी लेहमा क्‍याह च्‍यी़ ल्‍हाक्‍पु ज्‍योर्च्‍ये येह ओहले नाहमॱआङ मिहस्‍यीएँगी मिहली ज़ाङबु ज्‍योर्च्‍ये येह।


ओहले खुङ ङ्यी़गी क़े तेन्‍दी मासीन, “ओ़ किन्‍ज्‍योगी स़ेबु, राहङगी ङ्यिहला च्‍यि जे नाङज्‍ये म़ेदी फेप नाङग्‍यो? ठिम ताङगे ङ्यिहमा माहलेपालाॱराङ ङ्यिहला तुहक्‍पु नाङज्‍येला फेप नाङग्‍यो यिहम्‍बा?”


लाहला मिहया़ लाहमला लेप्‍क्‍योगी सेन ल़ेहमुराङ यिहम्‍बा। खुङगी सुङदेन ङ्यिहन्‍ज्‍येनी ङ्यिहन्‍गे यिहॱनाङ लाहम्‍साङराङ ती़ह गो-छ्येवा ओहङदी खुङ सेमला ताप्‍क्‍योगी सुङदेन ती़हदी ख्‍येर्के।


क़े छ्यिम्‍बुच्‍यी तेन्‍दी मासीन, “ओ़ थाम्‍ज्‍यी म़ेदी छ्यिम्‍बु किन्‍ज्‍योगी स़ेबु येशू, राहङगी ङाहला च्‍यि जेच्‍ये छोल्‍ग्‍यो? किन्‍ज्‍योगी छेन लेहन्‍दी ङाह राहङला थाल्‍मु च्‍याहर्के, ङाहला तुहक्‍पु माहनाङ।”


ता़ह दि जाम्‍बुलीङला ठिम ताङगेन्‍गी ती़हजी लेप सिहन्‍सीन। ता़ह दि जाम्‍बुलीङला ओङ छ्य़ेगे ती़ह गो-छ्येवाला फिला तेन्‍ज्‍ये येह।


ओहले ठिमगी तेहन्‍दाला, च्‍यिबेमाना दि जाम्‍बुलीङला ओङ छ्ये़गेन्‍दीला ङ्य़ेहबा फो़ सिहन्‍दी येह।”


स्‍य़िहदे नाङगेन किन्‍ज्‍योगी ग्‍यो़बाराङ ती़ह गो-छ्येवाला ख्‍याया़की काङबा चो़ला नेम च्‍य़ू नाङज्‍ये येह। ओहराङ चो़वो येशू मास्‍यीकाकी काटीन ख्‍या ङ्याम्‍बु ज़्‍य़ू नाङज्‍यु।


च्‍यिबेमाना ओ़ह पुह पोहमोया़ स्‍या दाङ ठा़गी ज़ुबु यिहन्‍गे सोङबे येशूगीॱआङ खुङ ल़ेहमुराङ स्‍या दाङ ठा़गी ज़ुबु नोम नाङसीन। ओहले मिहरो राहङॱआङ टोहङ नाङदी दि स्‍यि च्‍य़ूएँगी ओङ थो़क्‍यो ती़ह गो-छ्येवाला तोङ च्‍य़ू नाङसीन


जेम्‍बु पेह, ओहले ङ्यि छेत्‍ती तेहतोङ, ख्‍याया़गी टाह दियाबलस सुला च्‍य़ेह सिहन्‍वा ओहले दाकराङ ताङज्‍ये म़ेदी ङाहर्केंन्‍गी सिङग्‍यी कार्मु ल़ेहमु छोल्‍दी डोएँ।


स्‍यिहङगामकी स्‍याहप्‍च्‍यीया़गी तिहक्‍पा पेहकेमु किन्‍ज्‍योगी खुङया़ला ल़े ताङ माहनाङ, यिहॱनाङ खुङया़ला ङ्याल्‍वाला क्‍युर चाहङ नाङसीन, ओहले ठिम ताङ नाङगे ङ्यिहमा थु साप्‍स्‍यी तिहङकी ना़-जुबेला ताहम्‍दी ज़्‍या़ नाङदी येहबा।


किन्‍ज्‍योगी नाङग्‍यो ओङ चो़ला माहतेहपा पेहती राहङगी ग्‍या़ क्‍युर ज़्‍या़दी डोएँगी स्‍यिहङगामकी स्‍याहप्‍च्‍यीया़ला मिहरोगी साप्‍स्‍यी तिहङकी ना़-जुबेला ठिम ताङ नाङगेन ओ़ह छ्यिम्‍बु ङ्यिहमा थु नाहम-आङ स्‍योर मी़हखुएँ पेहती ताहम्‍दी ज़्‍या़ नाङदी येह।


ओहले ओ़ह डुकगी राहङला जाम्‍बुलीङला क्‍युरक्‍यो दुबा म़ेदी क्‍यी़ह ज्‍योर फान्‍ज्‍यो खोगी ओ़ह पुह क्‍येक्‍यो आमाला ङेच्‍ये छ़ूसीन।


ओ़ह पी़हमीला रिह-स्‍योलोगी ख्‍येर च्‍य़ू म़ेदी ओ़ह डुकगी राहङ खालेगी चाङबु ल़ेहमुराङ छ्यु तेन्‍सीन।


ओहजेला ओ़ह डुक पी़हमी ङ्याम्‍बु जेन माहङबु स्‍यिहङताङ लाहङसीन ओहले मोहगी छार्क्‍यीनया़, किन्‍ज्‍योकी का ची़गेया़ दाङ येशूकी लुहङ थो़ला यिह-छ्य़ेबु येहकेनया़ ङ्याम्‍बु मा़ क्‍याहप्‍च्‍येला काहल्‍सीन।


दि तिङले नामला राहङसा याहम्‍जेम्‍बाकी ता़स्‍यी च्‍यी़ थोङसीन। गो़ तिहन, रोहवा च्‍यु दाङ गो़ तिहनगालाॱराङ पेस्‍यो केहन्‍ग्‍योकी छ्यिम्‍बु डुक माहर्मु च्‍यी़ येहकें।


ओहले ओ़ह डुककी ङामागी नामला येहकेन्‍की कार्मा बो सुमला बो च्‍यी़ च्‍यो़हदी जाम्‍बुलीङला क्‍युर चाहङसीन। पेहजा क्‍ये-लुहङ मे़हबाराङ ओ़ह पेहजाला साहज्‍ये म़ेदी डुक ओ़ह पी़हमी दिनला लाङदी तेहक्‍यो येहकें।


दि ल़ेहमु पेहते ओ़ह डुक, खो ताहङबोकी प्रुहल यिहन्‍गे, खो थाम्‍ज्‍यी जाम्‍बुलीङला गो़ कोर च्‍य़ूएँगी दियाबलस दाङ ती़ह गो-छ्येवा यिहम्‍बा। खो दाङ खोगी स्‍याहप्‍च्‍यीया़ला स्‍यिहङगामले माहर जाम्‍बुलीङला क्‍युर ज़ाङग्‍यो येहकें।


ङाहगी थोङग्‍योकी ओ़ह सेम्‍ज्‍येन प्रा़ह-च्‍येन ल़ेहमु येहकें। खोगी काङबाया़ तोहमदी ल़ेहमु येहकें ओहले खादी सिङग्‍यीदी ल़ेहमु येहकें। ओ़ह डुकगी राहङदी स्‍युक, ॱठी दाङ ओङ छ्यिम्‍बु ओ़ह सेम्‍ज्‍येनला तेर्सीन।


मिहया़गी डुकला छ्येपा फुल्‍गो येहकें, च्‍यिबेमाना खोगी राहङदी ओङ ओ़ह सेम्‍ज्‍येनला तेरक्‍यो येहकें। खुङया़गी दि ल़ेहमु म़ेदी ओ़ह सेम्‍ज्‍येनला छ्येपा फुल्‍सीन, “दि सेम्‍ज्‍येन ल़ेहमु लेहमेन सु येहबा? खो ङ्याम्‍बु मा़ क्‍याहप ख़ूएँ सु येहबा?”


क्‍यिहपा-क्‍यिहपाला गो़ कोर च्‍य़ूगेन्‍गी ओ़ह दियाबलसला मेह दाङ मेहबुङ नाहङला क्‍युर चाहङसीन, ओ़हला ओ़ह सेम्‍ज्‍येन दाङ चिहन क्‍याहप्‍केन्‍गी लुहङतेम्‍बाॱआङ येहकें। ओ़ह ग्‍या़ला खुङया़गी ङ्यिहन-नुहप नाहम्‍स्‍यी किन्‍दुॱराङ तुहक्‍पु खुर्च्‍ये येह।


लो़ह तोङरा च्‍यी़ सिहन फान्‍ज्‍यो ती़ह गो-छ्येवाला ताहम्‍दी ज़्‍या़क्‍यो ग्‍या़लेगी ताङज्‍ये येह,


साप्‍स्‍यी तिहङकी स्‍यिहङगामकी स्‍याहप्‍च्‍यीदी खुङया़गी क्‍याहल्‍बु येहकें। हिब्रू तामला खोगी मिहन “एबाड्डोन” दाङ ग्रीक तामला “अपोल्‍लियोन” यिहन्‍गे। दिगी तेहन्‍दा “तोङ च्‍य़ूगेन” म़ेदी माक्‍यो यिहम्‍बा।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ