ज्याल्गा 20:12 - ह्योल्मो12 ओहले स्यिक्यो मिह फेमा दाङ छ्यिम्बु थाम्ज्यीराङ ज़्य़ू-ठिकी दिनला लाहङदी तेहक्योदी ङाहगी थोङसीन ओहले छ्य़ेया़ खा फ़ेसीन। लेहमेन छ्य़े च्यी़ॱआङ खा फ़ेसीन, ओ़हदी मिहलीगी छ्य़े यिहन्गे। ओ़ह छ्य़ेला प्रुहक्यो खुङया़गी ल़ेहला ते़बे स्यिक्यो मिहया़ला ठिम ताङसीन। အခန်းကိုကြည့်ပါ။ |
ज्याल्गा 20:12
34 ပူးပေါင်းရင်းမြစ်များ
ओ़ह सोङबे किन्ज्योकी ठाबे जे नाङग्योकी ती़हजी म़ेदी तोहङले ठिम माहताङ, चो़वो फेप नाङगे ती़हजी थु कू़हदोङ। मिहरोगी ना़-जुबेला यिहप्ती तेहक्योकी से़हया़ क्या-साङेला नोम फेन नाङज्ये येह, ओहले मिहकी सेम नाहङकी तामया़ छ्यिसाल-नाहङसाल पेहती तेन नाङज्ये येह। ओ़ह ती़हजीला मिह थाम्ज्यीगी राहङगी ज्योर कोहएँकी स्याबास किन्ज्यो लाहमले ज्योर्च्ये येह।
ङाहगी यिह-छ्य़ेबु दाङ ङाह ङ्याम्बुराङ ल़ेह पेहकेन्की रो़ह, ख्येगी दि आज्यी ङ्यी़ला रो़हराम पेह तेर म़ेदी ङाह ख्येला ओहर-छ्य़े स्युहउ येह च्यिबेमाना खुङगी ङाहला ज्यिबुराङ रो़हदी पेहती येह ओहजे च्यी़राङ मिहम्बा या़हबु लेहङगु स्येकेन्गी ल़ेहला ङाह ङ्याम्बुराङ ल़ेह पेहकेन क्लेमेस दाङ ङाहती लेहमेन रो़हया़ ङ्याम्बुॱआङ कादुप च्येती ल़ेह पेहसीन, ओ़ह रो़हया़गी मिहन नाहमॱआङ मिहस्यीएँ मिहलीगी छ्य़ेला प्री़हदे येहबा।
ओहले क्यिहपा-क्यिहपाकी मिहया़ स्यिहताङ लाहङदी येह, यिहॱनाङ ता़ह राहङगी थुयाल ज़्याङगेन्गी ती़हजी लेप्सीन। राहङगी ता़ह स्यिक्यो मिहया़ला ठिम ताङ नाङगेन्गी ती़हजी लेप्ते येह। राहङला स्याहप्तो स्युहएँया़, लुहङतेम्बाया़, राहङगी दाम नाङग्योकी मिहया़ ओहले राहङगी छेनकी ज्यिक्पा खुर्के फ़ेमा-छ्यिम्बु थाम्ज्यीला च्याहगा नाङगेन्गी ती़हजी ओहले जाम्बुलीङला तोङ च्य़ूगेया़ला सिहन्दा च्येकेन्गी ती़हजी लेप्ते येह।”
ओ़ह सेम्ज्येन तोहङले सोम्बो येहकें यिहॱनाङ ताहन्दादी म़ेह। ओ़हदी साप्स्यी तिहङले थेन्ज्ये येह ओहले तोङज्ये येह। ओहले जाम्बुलीङ छ्या़ले यिहन्ज्यु मिहलीगी छ्य़ेला मिहन मा़हप्रीहबा जाम्बुलीङगी मिहया़गी ओ़ह सेम्ज्येनला थोङदी ह्अ ल़ेहज्ये येह च्यिबेमाना खो सोम्बो येहकें, ताहन्दा स्यिदी येह। यिहॱनाङ खो येहपाराङ ओहङज्ये येह।
ကြော်ငြာတွေ