ज्‍याल्‍गा 20:11 - ह्योल्‍मो

¹¹ ओहले ङाहगी कार्पु छ्यिम्‍बु ज़्‍य़ू-ठि च्‍यी़ दाङ ओ़ह ज़्‍य़ू-ठि खाला ज़्‍य़ू नाङगेन्‍दीला थोङसीन। मिहरो दिनले जाम्‍बुलीङ दाङ नाम प्रे़हदी काहल्‍सीन, ओहले खुङया़ला का़हॱलाङ ग्‍या़ माहन्‍ज्‍योर।

ज्‍याल्‍गा 20:11 ပူးပေါင်းရင်းမြစ်များ

मत्ती 11:22

यिहॱनाङ ङाह ख्‍याया़ला माएँ, ठिम ताङगे ङ्यिहमाला ख्‍याया़गी ङ्य़ेहबा म़ेदीनी टुरोस दाङ सीदोन क्‍याहसाकी मिहया़गी ङ्य़ेहबा गा ना़ खू़-दाङ ओहङज्‍ये येह।”

मत्ती 24:35

नाम दाङ जाम्‍बुलीङ तोङदी डोज्‍ये येह, यिहॱनाङ ङाहगी माक्‍योगी केच्‍याया़ नाहमॱआङ तोङदी डोज्‍ये म़ेह।”

मत्ती 25:31

“मिहगी स़ेबु थाम्‍ज्‍यीराङ स्‍यिहङगामगी स्‍याहप्‍च्‍यीया़ ङ्याम्‍बु राहङगी ज़िज्‍यिद छ्यिम्‍बुला फेप्‍ती राहङगी ज़्‍य़ू-ठिला ज़्‍य़ू नाङज्‍ये येह।

रोमी 2:5

यिहॱनाङ ख्‍याया़गी राहङगी सेम सान्‍दी पेहती स्‍या़बा माहन्‍डुपा सोङबे किन्‍ज्‍योकी थुयालकी ङ्यिहमाला ख्‍याया़ला जेन छ्यिम्‍बु ङ्य़ेहबा फो़ज्‍ये येह, ओहजेला किन्‍ज्‍योगी ठिम टाहङबु जेती ताङ नाङग्‍योदी मिह थाम्‍ज्‍यीगी थोङज्‍ये येह।

२ पत्रुस 3:7

यिहॱनाङ ओ़ह सुङगीॱराङ किन्‍ज्‍योला मे़हक्‍याप्‍के मिहया़ला ठिम ताङ नाङज्‍येला तोङ च्‍य़ू नाङगेन्‍गी ङ्यिहमा थु ताहन्‍दाकी नाम दाङ जाम्‍बुलीङगी मेहकी तेहन्‍दाला सी़दे ज़्‍या़ नाङदी येह।

ज्‍याल्‍गा 12:8

यिहॱनाङ खुङया़ फाम्‍सीन ओ़ह सोङबे खुङया़ला स्‍यिहङगामला ग्‍या़ माहन्‍ज्‍योर।

ज्‍याल्‍गा 16:20

छोलीङया़ थाम्‍ज्‍यीराङ तोर्ती काहल्‍सीन ओहले लाह-काहङया़ तोङदे काहल्‍सीन

ज्‍याल्‍गा 19:11

ओहले ङाहगी स्‍यिहङगाम खा फे़क्‍यो थोङसीन ओहले ओ़हला ताबु कार्पु च्‍यी़ थोङसीन। ओ़ह ताबु खाला स्‍येहन नाङग्‍योगी छेनदी “यिह-छ्य़ेबु दाङ तेहन्‍दाम” दुबा। मिहरोगी टाहङदेनला ठिम दाङ मा़ क्‍याहप नाङगे।

ज्‍याल्‍गा 20:2

ओहले मिहरोगी ओ़ह डुकला ज़ुङदी लो़ह तोङरा च्‍यी़ थु ताहम्‍दी ज़्‍या़ नाङसीन। ओ़ह डुकदी ताहङबो प्रुहल, ङ्येहम्‍बा नाम्‍स्‍यीगी क्‍याहल्‍बु दाङ ती़ह गो-छ्येवा यिहन्‍गे।

ज्‍याल्‍गा 21:1

दि तिङले ङाहगी साम्‍बा स्‍यिहङगाम दाङ साम्‍बा जाम्‍बुलीङ थोङसीन, च्‍यिबेमाना तोहङस्‍यो स्‍यिहङगाम दाङ जाम्‍बुलीङ योहल सिहन्‍ग्‍यो येहकें। छो-क्‍याहम्‍जो नि ता़ह येहॱराङ म़ेहबा काहल्‍सीन।

ज्‍याल्‍गा 21:5

ओहले ज़्‍य़ू-ठिला ज़्‍य़ू नाङगेन किन्‍ज्‍योगी ङाहला सुङ नाङसीन, “त़ेदोङ, ता़ह ङाह थाम्‍ज्‍यीराङ से़हया़ साम्‍बा ज़ोएँ।” मिहरोगी ङाहला दि ल़ेहमुॱआङ सुङ नाङसीन, “दि प्री़हदोङ, च्‍यिबेमाना दि तेहन्‍दाम दाङ सेमले खाल ख़ूएँगी ताम यिहम्‍बा।”

ज्‍याल्‍गा 4:2

ओ़हजेलाराङ ङाह थो़ला थु फेप नाङसीन। ओहले स्‍यिहङगामला ज़्‍य़ू-ठि च्‍यी़ ज़्‍या़दी येहकें ओहले ओ़ह ज़्‍य़ू-ठिला ङाहगी मेहन्‍दा च्‍यी़ ज़्‍य़ू नाङग्‍यो थोङसीन।

ज्‍याल्‍गा 6:14

को़बाला प्रुहक्‍योकी छ्य़े टिहल्‍मा ल़ेहमुराङ टिहल्‍दी नाम तोर्ती काहल्‍सीन ओहले थाम्‍ज्‍यी छोलिङ दाङ लाहया़ खुङ राहङ-राहङगी ग्‍या़लेगी तोर्ती काहल्‍सीन।