ज्‍याल्‍गा 20:1 - ह्योल्‍मो

¹ दि तिङले साप्‍स्‍यी तिहङगी दिमी दाङ च्‍याल्‍दा छ्यिम्‍बु च्‍यी़ छ्या़ला नोम्‍दी स्‍यिहङगामकी स्‍याहप्‍च्‍यी च्‍यी़ स्‍यिहङगामले माहर फेप्‍केराङ जेक्‍यो ङाहगी थोङसीन।

ज्‍याल्‍गा 20:1 ပူးပေါင်းရင်းမြစ်များ

लूका 8:31

ओहले ओ़ह ल्‍हेन्‍डीया़गी येशूला, “ङ्यिहला साप्‍स्‍यी तिहङला ताङ माहनाङ” ओहर-छ्य़े! म़ेदी स्‍युहसीन।

२ पत्रुस 2:4

स्‍यिहङगामकी स्‍याहप्‍च्‍यीया़गी तिहक्‍पा पेहकेमु किन्‍ज्‍योगी खुङया़ला ल़े ताङ माहनाङ, यिहॱनाङ खुङया़ला ङ्याल्‍वाला क्‍युर चाहङ नाङसीन, ओहले ठिम ताङ नाङगे ङ्यिहमा थु साप्‍स्‍यी तिहङकी ना़-जुबेला ताहम्‍दी ज़्‍या़ नाङदी येहबा।

यहूदा 1:6

किन्‍ज्‍योगी नाङग्‍यो ओङ चो़ला माहतेहपा पेहती राहङगी ग्‍या़ क्‍युर ज़्‍या़दी डोएँगी स्‍यिहङगामकी स्‍याहप्‍च्‍यीया़ला मिहरोगी साप्‍स्‍यी तिहङकी ना़-जुबेला ठिम ताङ नाङगेन ओ़ह छ्यिम्‍बु ङ्यिहमा थु नाहम-आङ स्‍योर मी़हखुएँ पेहती ताहम्‍दी ज़्‍या़ नाङदी येह।

ज्‍याल्‍गा 1:18

ओहले सोम्‍बो येहकेन्‍दीॱआङ ङाहराङ यिहन। ङाह स्‍यिक्‍यो येहकें, यिहॱनाङ ता़ह त़ेदोङ, ङाह नाहम्‍स्‍यी किन्‍दुॱराङ सोम्‍बो काहल्‍दी येह, स्‍यिवा दाङ साप्‍स्‍यी तिहङकी दिमीया़ ङाह ङ्याम्‍बु येहबा।

ज्‍याल्‍गा 10:1

दि तिङले ङाहगी लेहमेन स्‍युक छ्यिम्‍बु स्‍यिहङगामकी स्‍याहप्‍च्‍यी स्‍यिहङगामले माहर फेप्‍केराङ जेक्‍यो थोङसीन। मिहरोकी कुसोला मुक्‍पागी उप्‍ते येहकें ओहले उला ज़ा येहकें। ओहले मिहरोकी स्‍याहल्‍दोङ ङ्यिहमा ल़ेहमु येहकें ओहले स्‍याहपदी मेहकी काप्‍स्‍यी ल़ेहमु येहकें।

ज्‍याल्‍गा 18:1

दि तिङले ङाहगी लेहमेन स्‍यिहङगामकी स्‍याहप्‍च्‍यी च्‍यी़ स्‍यिहङगामले माहर फेप्‍केराङ जेक्‍यो थोङसीन। मिहरो ङ्याम्‍बु ओङ छ्यिम्‍बु येहकें ओहले मिहरोगी येहसेरकी पेहती जाम्‍बुलीङ थाम्‍ज्‍यी क्‍या-साङे काहल्‍सीन।

ज्‍याल्‍गा 20:3

मिहरोगी ओ़ह डुकला लोह तोङरा च्‍यी़ माहसीहन थु क्‍यिहपा-क्‍यिहपागी मिहया़ला गो़ कोर माहङ्युहङज्‍यु म़ेदी खोला साप्‍स्‍यी तिहङला क्‍युर चाहङ नाङदी ओ़ह साप्‍स्‍यी तिहङला कोह क्‍याहप्‍ती थे़जी क्‍याहप नाङसीन। ओ़ह तिङले ङ्यिहमा तोबाज्‍यीगी तेहन्‍दाला खोला ताङ तेर कोहएँ।