ज्‍याल्‍गा 2:23 - ह्योल्‍मो

²³ मोहला तिङ ङ्या़गे थाम्‍ज्‍यीला ङाह तोङ च्‍य़ूज्‍ये येह ओहले थाम्‍ज्‍यीगी सेम्‍बा दाङ नोम्‍साङला ङ्याहम च्‍येकेन्‍दी ङाहराङ यिहन म़ेदी थाम्‍ज्‍यी छेन्‍छोकया़गी क्‍यी़ह ज्‍योर्च्‍ये येह। ङाह ख्‍या थाम्‍ज्‍यीला राहङ-राहङगी ल़ेहला ते़बे च्‍याहगा तेर्च्‍ये येह।

ज्‍याल्‍गा 2:23 ပူးပေါင်းရင်းမြစ်များ

मत्ती 16:27

च्‍यिबेमाना मिहगी स़ेबु राहङगी याहपकी ज़िज्‍यिद नोम्‍दे स्‍यिहङगामकी स्‍याहप्‍च्‍यीया़ ङ्याम्‍बु फेप्‍नाङगेमु मिह थाम्‍ज्‍यीलाराङ राहङ-राहङगी पेहक्‍यो ल़ेहला ते़बे च्‍याहगा नाङज्‍ये येह।

लूका 16:15

ओहले येशूगी सुङ नाङसीन, “ख्‍याया़ मिहगी दिनला टाहङबु तेन्‍ज्‍येनी छोल्‍गु दु, यिहॱनाङ किन्‍ज्‍योगी ख्‍याया़गी सेम ङोह ख्‍येन्‍गे। मिहगी चा़ पेहक्‍यो से़हया़ला किन्‍ज्‍योगी नाम्‍दो जे नाङगे।

यूहन्‍ना 21:17

ओहले येशूगी पत्रुसला येहपाराङॱआङ टी़ह नाङसीन, “ए यूहन्‍नाकी पुह सिमोन, च्‍यि ख्‍ये ङाहला चेवा पेहकें?” ओहले पत्रुस ज्‍यिबुराङ सेम नाहमु काहल्‍सीन, च्‍यिबेमाना येशूगी खोला “च्‍यि ख्‍ये ङाहला चेवा पेहकें?” सुङदी लेहमा सुम टी़ह नाङसीन। ओहले खोगी येशूला मासीन, “चो़वो, राहङगी थाम्‍ज्‍यीराङ ङोह ख्‍येन नाङगे। ङाह राहङला चेवा पेहकें म़ेदी राहङला थुयी़ येह।” येशूगी खोला सुङ नाङसीन, “ङाहती ल़ूहया़ला साहज्‍ये तेर।

यूहन्‍ना 4:16

येशूगी मोहला सुङ नाङसीन, “सोङ, ओहले ख्‍येगी ख्‍योवाला क़े क्‍याहप्‍ती देला ख्‍येर-स्‍यो!”

ल़ेह-पेन 1:24

ओहले खुङया़गी दि ल़ेहमु म़ेदी सोल्‍वाङ ताप्‍सीन, “मिह थाम्‍ज्‍यीगी सेमला येहकेन्‍गी ताम ङोह ख्‍येन नाङगे चो़वो छ्येवा, दि मेहन्‍दा ङ्यी़ नाहङला राहङगी का़हन्‍दीला दाम नाङग्‍यो येहबा ओ़ह ङ्यिहला तेन नाङदोङ,

रोमी 14:12

ओ़ह सोङबे ओहराङ थाम्‍ज्‍यीगी राहङ-राहङगी चिदुङ किन्‍ज्‍योला च्‍याल कोहएँ।

रोमी 8:27

मिहया़ती यिह ङोह ख्‍येन नाङगे किन्‍ज्‍योगी नाम्‍पार-ताहक्‍पा थुगी थु-सेम च्‍यि येहबा ओ़ह ङोह ख्‍येन नाङगे च्‍यिबेमाना किन्‍ज्‍योकी थुला ठुङग्‍यो ल़ेहमु नाम्‍पार-ताहक्‍पा थुगी किन्‍ज्‍योला यिह-छ्य़े पेहक्‍यो मिहया़की तेहन्‍दाला ओहर-छ्य़े स्‍युह नाङगे।

२ कोरिन्‍थी 5:10

च्‍यिबेमाना ङ्यिहमा च्‍यी़ ओहराङ थाम्‍ज्‍यीला मास्‍यीकागी ठिम ताङ नाङज्‍ये येह ओ़ह ती़हजीला ओहराङ थाम्‍ज्‍यी मास्‍यीकागी दिनला लाहङ कोहच्‍ये येह। ओहराङगी दि मिहजीला ल़ेह या़हबु, चोक्‍पा च्‍यि च्‍यि पेहक्‍यो येहबा ओ़हला ते़बे सेदो ज्‍योर्च्‍ये येह।

गलाती 6:5

च्‍यिबेमाना ख्‍या थाम्‍ज्‍यीगी राहङगी ल़ेहया़ राहङगीराङ छाङबु पेह कोहएँ यिहम्‍बा।

हिब्रू 4:13

किन्‍ज्‍योगी ज़ी़ मी़हथुप्‍केन्‍गी से़हया़ च्‍यिॱआङ म़ेह। मिहरोगी दिनला रेबेॱराङ से़हया़ खा फे़क्‍यो येहबा ओहले छ्यिसाल-नाहङसाल थोङ ख़ूएँ। मिह-रो़हलाॱराङ ओहराङगी पेहक्‍यो ल़ेहया़गी तेहन्‍दाला स्‍य़े कोहज्‍ये येह।

१ पत्रुस 1:17

सुलाॱआङ ङ्येम्‍बा-ङ्य़ेहरी जे माहनाङबा जेती मिहगी ल़ेहला ते़बे ठिम ताङ नाङगेन्‍दीला याहप म़ेदी क्‍याप्‍केन यिहन्‍सीमाना, दि ङ्यिहमा ङ्यी़गी जाम्‍बुलीङला लिहकें थु राहङगी छे काहङ किन्‍ज्‍योगी ज्‍यिक्‍पा खुर्ती मिहजी ताङदोङ।

ज्‍याल्‍गा 2:11

सुती नाम्‍ज्‍यो येहबा खोगी ङ्यिहन्‍ज्‍यु, किन्‍ज्‍योकी थुगी छेन्‍छोकया़ला च्‍यि सुङ नाङगेराङ येहबा! सुगी क्‍याहल्‍गे, खोला ङ्यिपा स्‍यिवागी च्‍यिॱआङ ने क्‍याल ख़ूज्‍ये म़ेह।’”

ज्‍याल्‍गा 2:7

सुती नाम्‍ज्‍यो येहबा खोगी ङ्यिहन्‍ज्‍यु, किन्‍ज्‍योकी थुगी छेन्‍छोकया़ला च्‍यि सुङ नाङगेराङ येहबा। सुगी क्‍याहल्‍गे ओ़हदीला ङाह किन्‍ज्‍योकी स्‍यिहङगामकी क्‍याहल्‍सीला येहकेन्‍की मिहली तेर्के तोहङबोकी सेदो साहज्‍येला तेर्च्‍ये येह।’”

ज्‍याल्‍गा 20:12

ओहले स्‍यिक्‍यो मिह फेमा दाङ छ्यिम्‍बु थाम्‍ज्‍यीराङ ज़्‍य़ू-ठिकी दिनला लाहङदी तेहक्‍योदी ङाहगी थोङसीन ओहले छ्य़ेया़ खा फ़ेसीन। लेहमेन छ्य़े च्‍यी़ॱआङ खा फ़ेसीन, ओ़हदी मिहलीगी छ्य़े यिहन्‍गे। ओ़ह छ्य़ेला प्रुहक्‍यो खुङया़गी ल़ेहला ते़बे स्‍यिक्‍यो मिहया़ला ठिम ताङसीन।

ज्‍याल्‍गा 20:13

छो-क्‍याहम्‍जोगी ओ़हला येहकेन्‍गी स्‍यिक्‍यो मिहया़ तेर्सीन, ओहले स्‍यिवा दाङ साप्‍स्‍यी तिहङगीॱआङ राहङ ङ्याम्‍बु येहकेन्‍गी स्‍यिक्‍यो मिहया़ तेर्सीन। खुङ थाम्‍ज्‍यीला राहङ-राहङगी पेहक्‍यो ल़ेहला ते़बे ठिम ताङसीन।

ज्‍याल्‍गा 22:12

“त़ेदोङ, ङाह ग्‍यो़बा ओहङगेॱराङ येह, मिह थाम्‍ज्‍यीला खोगी पेहक्‍योगी ल़ेहला ते़बे च्‍याहगा तेर्च्‍ये येह।

ज्‍याल्‍गा 6:8

ओहले ङाहगी सेर-हुर ताबु च्‍यी़ थोङसीन, ओहले ओ़ह थो़ला स्‍येहन्‍ग्‍योकी मिहन “स्‍यिजा” येहकें ओहले “साप्‍स्‍यी तिहङदी” खोगी तिङदा तिङ ताहदा क्‍याहप्‍को येहकें। ओहले जाम्‍बुलीङकी मिह बो ज़्‍यिला बो च्‍यी़ पादाङ, मुहयी, याहम, दाङ रिहदाया़लेगी सेकेन्‍गी ओङ खुङया़ला नाङग्‍यो येहकें।