ज्‍याल्‍गा 2:14 - ह्योल्‍मो

¹⁴ यिहॱनाङ ख्‍याला टाह पेहते ङाहगी च्‍यिरा तामनी माॱराङ कोहएँ। ख्‍यागी पाहरक्‍यीला लाहला बालामकी लुहङ ची़गेया़ॱआङ येहबा। कुया़ला छ्येपा फुल्‍ग्‍यो से़हया़ से़हदी ओहले छ्येउ-छ्येंमु पेहती इस्राएलीया़ला तिहक्‍पाला छ्यि च्‍य़ूज्‍येला बालामगी क्‍याहल्‍बु बालाकला लोप्‍क्‍यो येहकें।

ज्‍याल्‍गा 2:14 ပူးပေါင်းရင်းမြစ်များ

मत्ती 18:7

काहजे छा़ तुहवा दि जाम्‍बुलीङ! च्‍यिबेमाना दि जाम्‍बुलीङला मिहया़ला तिहक्‍पाला छ्यि च्‍य़ूगेन्‍गी से़हया़नी माहङबुराङ येह। दि ल़ेहमु तिहक्‍पाला छ्यि च्‍य़ूगेन्‍गी से़हया़नी ओहङॱराङ ओहङगे, यिहॱनाङ ओ़ह मिहला का़हन्‍दीगी तिहक्‍पाला छ्यि च्‍य़ूगे खोला छा़ तुहवा।”

ल़ेह-पेन 15:29

राहङ फे़बेया़गी कुला तेरक्‍यो से़हया़ माहसाह, ज्‍यिङबा च्‍यिर्ते सेक्‍यो मार्च्‍येगी स्‍या दाङ ठा़या़ माहसाह ओहले छ्येउ-छ्येंमु माहबे। दि तामया़ ङो़ले राहङ फ़ेबेॱया जेम्‍दे तेहसीन मानानी या़हबु ओहङज्‍ये येह। ख्‍या फे़बेया़ला मा कोहएँगी तामया़ देजेराङ यिहन। टास्‍यी-देले” म़ेदी यिहगी प्रुहसीन।

ल़ेह-पेन 21:25

चो़वो येशूला यिह-छ्य़े पेहकेन लेहमेन क्‍यिहपागी मिहया़ला, ‘कुया़ला फुल्‍ग्‍योगी साहज्‍ये से़हया़ माहसाह, ठा़ मा़हथुङ, ज्‍यिङबा च्‍यिर्ती सेक्‍यो मार्च्‍येगी स्‍या माहसाह, ओहले छ्येउ-छ्येंमु माहबे’ म़ेदी ङ्यिहगी टे़ह क्‍याहप्‍ती यिहगी प्री़हदे ताङ सिहन्‍दी येह।”

रोमी 11:9

ओ़हठीॱराङ पेहती क्‍याहल्‍बु दाऊदगीॱआङ दि ल़ेहमु सुङ नाङदी येह, “खुङगी डेनगी खुङया़लाॱराङ ज़ुङज्‍यु ओहले मिताला छ्यि च्‍यू़ज्‍यु। ओहले ओ़ह डेन नार्तो क्‍याहप्‍केन्‍गी तोह दाङ ङ्य़ेहबा फो़गे स़ेह डोज्‍यु।

रोमी 14:13

ओ़ह सोङबे ता़ह यिहन्‍ज्‍यु ओहराङ च्‍यी़गी च्‍यी़ला फातुर मा़हचु तोहरोङ ओहराङ राहङ नो़हया़ला नार्तो क्‍याहप्‍कें दाङ तिहक्‍पाला छ्यिच्‍युगेन्‍की तामया़ माज्‍ये म़ेह म़ेदी सेमला तेहम्‍बा-तेहन्‍सुम पेह कोहएँ।

रोमी 14:21

यिहन्‍ज्‍ये नि स्‍या दाङ ज़िगे से़हया़ मिहथुङगेन्‍दीॱराङ या़हस्‍यो यिहम्‍बा दि लाहमले ख्‍येगी नो़ह साला नार्तो क्‍याहप्‍ती रिहल ख़ूएँ। ओहले दि ल़ेहमुराङ लेहमेनॱआङ माहङबुराङ से़हया़ येहबा ओ़ह ख्‍येगी मेहबेकेन्‍दीॱराङ या़हबु यिहम्‍बा।

रोमी 9:32

च्‍यिबे मा़हखु? च्‍यिबेमाना ल़ेह पेहती च्‍यी़राङ मिह टाहङबु सी़ह ख़ूएँ ने़दी खुङया़गी यिह-छ्य़े लाहमले टाहङदेन माहछोल। दि ल़ेहमु पेहती येशू मास्‍यीका खुङगी तेहन्‍दाला नार्तो क्‍याहप्‍केन्‍गी तोह ल़ेहमु च्‍यी़ काहल्‍सीन।

१ कोरिन्‍थी 1:23

यिहॱनाङ ङ्यिहनी क्‍याहङस्‍यीङला च्‍याङ नाङग्‍यो मास्‍यीकाकी लेहङगुकी तेहन्‍दाला स्‍येती डोएँ। यहूदीया़की तेहन्‍दाला दि नार्तो क्‍याहप्‍केन्‍गी ताम यिहम्‍बा मासीमाना ग्रीकया़की तेहन्‍दालाती दि उल्‍दुम्‍बाकी ताम यिहम्‍बा।

१ कोरिन्‍थी 7:2

यिहॱनाङ छ्येउ-छ्येंमुगी तेहन्‍दाला लेहमेन माहङबुराङ ङ्याहम्‍छेया़ येहकें सोङबे रेबेॱराङ क्‍येप-ख्‍योवाया़दी राहङदीराङ पी़हमी ओहले पी़हमी पेहजाया़दीॱआङ राहङदीराङ ख्‍योवा ओहङज्‍यु।

हिब्रू 13:4

पा़हमा, मिह थाम्‍ज्‍यीगी ची़नाङ पेहच्‍ये सी़हगेन्‍दी ओहङ कोहएँ, ख्‍योवागी राहङगी पी़हमी क्‍याहपला लेहमेन पी़हमी छोल्‍ज्‍ये मेहयोहङगे, पी़हमीगीॱआङ राहङगी ख्‍योवा क्‍याहपला लेहमेन ख्‍योवा छोल्‍ज्‍ये मेहयोहङगे। च्‍यिबेमाना छारा ल़ेह पेहकें दाङ छ्येउ-छ्येंमु पेहकेनया़ला किन्‍ज्‍योगी ङ्य़ेहबा काल नाङज्‍ये येह।

१ पत्रुस 2:8

छ्य़ेगी सुङ नाङगे, “तोह च्‍यी़, का़हन्‍दीगी मिहया़ला नार्तो क्‍याहप च्‍य़ूगे, तोह-पा़रा च्‍यी़, का़हन्‍दीगी खुङया़ला रिहल च्‍य़ूगे।” च्‍यिबेमाना खुङ लुहङला मी़हचीएँ ओहले रिहल्‍गे। दि केच्‍या खुङया़गी तेहन्‍दाला किन्‍ज्‍योगी राहङगी थुला तोहङलेराङ ठुङ सिहन्‍दी येहकें।

२ पत्रुस 2:15

खुङ थेक्‍का लाहमया़ क्‍युर्ती लाहम चोक्‍पाया़ला स्‍य़ूहदी येह। खुङ बओरकी पुह बालामकी लाहमला स्‍य़ूहदी येह। बालामगीदी टाहङदेन म़ेहबा ल़ेहगी ल़ेगाला च्‍याहम्‍बा पेहको येहकें।

यहूदा 1:11

खुङया़ला क्‍येवा क्‍येमु! च्‍यिबेमाना खुङ कयिनकी लाहमला स्‍युहसीन, खेप्‍साङ लेहन्‍ज्‍येकी तेहन्‍दाला बालामगी पेहक्‍योगी ल़ेह चोक्‍पाकी लाहम ज़ुङदी येह, ओहले कोरहगी ल़ेहमुराङ खुङया़गी टा़ह पेहसीन ओहले खुङया़ ओ़ह ल़ेहमुराङ पेहती तोङदी डोएँ।

ज्‍याल्‍गा 2:20

यिहॱनाङ ख्‍येला टाह पेहते ङाहगी ताम च्‍यी़नी माॱराङ कोहएँ, ओ़ह ईजेबेल माएँ पी़हमीला ख्‍येगी ग्‍या़ तेर्ती येह। मोहगी ङाह लुहङतेम्‍बा यिहन म़ेदी माएँ ओहले ङाहला स्‍याहप्‍तो स्‍युहएँगी मिहया़ला गो़ कोर च्‍य़ूदी छ्येउ-छ्येंमु पेहच्‍येला ओहले कुया़ला छ्येपा फुल्‍ग्‍योगी से़हया़ साहज्‍येला लोप्‍कें।

ज्‍याल्‍गा 2:4

यिहॱनाङ ताम च्‍यी़दी ङाहगी ख्‍याला टाह पेहती माॱराङ कोहएँ। ख्‍यागी ङाहला तोहङमा ल़ेहमु चेवा ताहन्‍दा पेहच्‍ये क्‍युर्ती येहबा।

ज्‍याल्‍गा 21:8

यिहॱनाङ ज्‍यी़गेया़, यिह मे़ह-छ्ये़गेया़, नाम्‍दो लाहङज्‍ये ल़ेहमु ल़ेह पेहकेनया़, मिह सेकेनया़, छ्येउ-छ्येंमु पेहकेनया़, ङ्येहन क्‍याहप्‍केनया़, कुला छ्येपा फुल्‍गेया़ ओहले स्‍योप क्‍याहप्‍केनया़ थाम्‍ज्‍यी मेह दाङ मेहबुङगी छो नाहङला डोज्‍ये येह। दि ङ्यिपा स्‍यिवा यिहम्‍बा।”

ज्‍याल्‍गा 22:15

यिहॱनाङ ख्‍यिदी ल़ेहमु छारा पेहताङ येहकेनया़, ङेहन क्‍याहप्‍केनया़, छ्येउ-छ्येंमु पेहकेनया़, मिह सेकेंनया़, कुला छ्येपा फुल्‍गेनया़, चिहन क्‍याहप च्‍य़ूगेनया़ क्‍याहसा फिला ओहङज्‍ये येह।”